التجمع للمطابقه الى الترشيح {مفاضله شهر 6 / 1436هـــ}
السلام عليكم الحمد لله كان اسمي من ضمن قائمة المرشحين للمطابقه
6/9 الى 6/13/1436هـــ سوف اراجعهم خلال الاسبوع يسعدني مشاركاتكم وارائكم ليستفيد الجميع |
دعت وزارة الخدمة المدنية (2575) مواطناً ومواطنة من المتقدمين والمتقدمات على الوظائف الإدارية المشمولة بسلم رواتب الموظفين العام والمعلن عنها في تاريخ 10-05-1436هـ، على موقع الوزارة الإلكتروني، لمراجعة أي من فروع الوزارة ومكاتبها بمختلف مناطق ومحافظات المملكة اعتبارا من يوم الاحد بعد القادم الموافق 9/ 6/ 1436 حتى يوم الخميس الموافق 13 /6 / 1436هـ، وذلك لاستكمال إجراءات المطابقة النهائية بهدف مطابقة ما سجلوه على برنامج جداره من بيانات مع ما لديهم من وثائق أصلية، والمطلوب مراجعتهم هم من تمت مفاضلتهم بناءً على عناصر المفاضلة للمرتبتين السادسة والسابعة للوظائف العامة (المعدل في المؤهل العلمي، اقدمية التخرج، اختبار عام تقييم-1 ) إلى جانب الاختبار التخصصي(تقييم-2) للوظائف المتخصصة. في حين لا يشترط للوظائف الاخرى وللوظائف النسائية اختبار معرفي، وتم احتساب النقاط على النحو التالي:(80% لدرجة المؤهل، 20% لأقدمية سنة التخرج).
وأشارت الوزارة إلى أن الدعوة للمطابقة النهائية لا تعني الترشيح وإنما للتأكد من سلامة البيانات ، وأن من لم يجتاز المطابقة النهائية ولم تتطابق بياناته سيلغى ترشيحه، وطلبت الوزارة من المعلنة أسمائهم عند مراجعتهم فروع ومكاتب الوزارة اصطحاب الوثائق التالية للمطابقة النهائية: 1-نسخة من المؤهل العلمي مع الأصل . 2-اصل الهوية الوطنية. وأوضحت الوزارة على أن من لم يحضر لاستكمال المطابقة النهائية في التواريخ المحددة يعتبر ذلك عدولاً منه عن الرغبة في التوظيف، وسيتم ترشيح من يليه في قائمة الترشيح. المدعوين للمطابقة المدعوات للمطابقة |
ممكن كل واحد ووحده
يكتبوا نقاطهم و الف مبرووووووووووك لكم الله يتممم ترشيحكم على خير |
لسه مارشحوا أحد ياجماعة فقط مطابقة لا تعني الترشيح
ههههههههههههه |
كل واحد يكتب كم نقاطه
|
يا عيال وش الهرجه
مطابقة والا ترشيح!!! |
باذن الله مسنترين عندهم يوم الاحد بعد القادم
وودنا بصراحة نعرف وش الرغبة اللي حطونا عليها انا ولله الحمد ما اخترت الا اربع رغبات وكلها في نفس مدينتي بحكم اني ما راح اروح لاي منطقة ثانية والحمدلله والشكر طلع اسمي وبرضوا نتمنی من العسكر اللي تعينوا المفاضلات السابقة يفيدونا وشلون تمت اجراءاتهم ومتی افضل وقت لتقديم الاستقالة |
وذلك لاستكمال إجراءات المطابقة النهائية بهدف مطابقة ما سجلوه على برنامج جداره من بيانات مع ما لديهم من وثائق أصلية
باسفل الاعلان يقول فقط المؤهل والبطاقه وبوسط الاعلان ما دكر اعلاه |
الان كيف نعرف المنطقه والوظيفه اللي ترشحت عليها
|
اقتباس:
انا بوجهه نظري انك تروح وتطابق بياناتك بالتاريخ المحدد ولحسيت ان وضعك تمام قدم استقالتك نظاميا بعد الخروج من الخدمه المدنيه وبعد ما تعرفك ترشيحك |
اقتباس:
لكنه يختلف عن المفاضله السابقه كانت معلومات المفاضله موجوده بالنقاط وحتى وان مااترشحت |
اللي طلعت اساميهم ... ممكن اعرف سنه التخرج ؟؟؟
انا متخرجه من عام 1430 ؟؟؟ انا قديمه ليه ماطلع اسمي ؟!!! على أي اساس ينادونكم ؟!! |
1424 وعاطل من 1428
|
اقتباس:
وش الفرق يعني ؟؟؟ مافهمت |
اخترت 99 رغبة واسمي ماطلع 😖
بالله عليكم علمونا سنة التخرج ونقاطكم ياللي طلعت اسمائكم |
حمد المنيف @MCS_Spokesman ساعتانقبل ساعتين
وسيتم إعلان كامل تفاصيل نقاط المفاضلة لجميع المرشحين بعد المطابقه والترشيح النهائي، بالتوفيق للجميع. (2) |
ايش فيهم هالسنه معقدين الامور
|
النقاط تفرق بين الرجال والبنات صراحة
انا اشوف بالنسبة للرجال اللي نقاطه من فوق السبعين بتكون اموره طيبة بعكس البنات اللي نقاطها تحت الثمانين بيكون الامل ضعيف شوية والامل في الله وحده اضافة ان الوظائف النسائية تنزل بالقطارة وعشان كذا صار تراكم الخريجين وبالتالي نقاط عالية بانتظار توظيف الوزارة وحاب اقول يا اخوان ان بين ساعه وساعه يأتي الفرج والله نزل اسمي ويشهد الله اني رجعت للتجمع عشان اشوف اخواني واخواتي اللي مشاركين في التجمع وش صار علی وضعهم وتالمت والله الله يوفقنا واياكم يا رب |
طيب الان الترشيح , يعتبر نهائي ؟!
يعني خلاص بنحصل وظيفة والا ممكن فيه استبعاد ؟ |
ياجماعه انا موظف حكومي على السادسه وطلع اسمي للمطابقه لاني مقدم على السابعه
هل في اجراء معين علشان اخلي طرف ... ياريت الي عنده خبره يفيدنا |
نقاطي المفاضله الاولى كانت 78
نقاطي المفاضله الثانية كانت 73 ليش نزلت مدري الان ترشحت ومدري كم نقاطي طبعا اختبرت تقييم 1 خريج عام 1423 اخترت جميع الرغبات اللي ظهرت لي عددها 253 رغبة الحمد لله |
الف مبروك للي طلع اسمه
ياخوان هل الرغبات عشر فقط ولا يتم الترشيح علي جميع الرغبات اخترت 25 ولم اترشح |
اللي اعرفه انه يتم مفاضلتك على اول رغبة واذا انت اعلى شي تاخذ الوظيفه واذا لا تروح على الوظيفة الثانية وهكذا
مدري صح الكلام ذا ولا لا |
اقتباس:
و ترا بالممملكه فيه ناس عايشيين غيرك :s :r |
اقتباس:
فيها رفض او قبول و صارت لواحد هنا بالمنتدى بعد الترشيح و المقابله انرفض اما من غير مقابله ان شاء الله بعد المطابقه و التاكد من البيانات مافيها استبعاد |
الف مبروك الي طلعت اسمائهم وحظ اوفر للباقين الله يرزقنا واياكم
|
اقتباس:
دامك اخترت 25 رغبه يتم ترشيحك لرغبة الاولى مالم يكون هناك اشخاص اعلى من نقاطك تنتقل لرغبة الثانيه .... الخ |
ماشاء الله مبروووووك
بنات مرتبه خامسه طلع لكم شي ؟؟؟؟؟؟؟ |
الحمد لله حمدا يليق بجلاله
الف مبروك للي طلعت اسماءهم ويجعلها خيره لبقية المتقدمين اذكر في موضوع عن اجراءات الخدمة بعد الترشيح دورته مدري وين راح ! اقتباس:
|
اقتباس:
والله يسهل لك حتى بعد بتعرف المدينه والوظيفه بعد اسبوع |
مدري ليه حاطين التدقيق والتوثيق وهذا حالهم
لننننن نقبللللل |
الحمد لله حمدا يليق بجلاله
خريج عام 1435 واترشحت واختياري للوظائف كان دقيق وفي حدود الــ20 وظيفة بس عندي بطاقة الاحوال عند المرور ؟؟! |
يا ربي لك الحمد كما ينبغي لجلال وجهك وعظيم سلطانك
الحمد لله طلع اسمي اخيرا بعد عطالة وعناء لمدة 3 سنوات !!! يا ربي لك الحمد لك الحمد لك الحمد |
اولا الحمد لله طلع اسمي ومبروك لكل الي طلع اسمه والي ما طلع اسال الله ان يفرجها عليه و يرزقه من واسع ابوابه.
ثانيت اظن الوضع كالتالي بنروح و يتاكدو من البيانات .شوية بحلقة بالشهادة و كذا .اذا اوكييه ع طول يوجهونك لمقر عملك بعد استكمال الاوراق. بس مدري كييف الوضع انا متوظف متى استقيل هل بعد ما اسوي الكشف الطبي و يقلون تعال باشر بالعمل ولا متى |
الاسماء الي نزلت بس للمرتبه السادسه والسابعه ؟ ولا للكل ؟
|
بكالوريوس خريج عام 1434
ادارة عامة / ادارة خدمات صحيةومستشفيات نقاطي في مفاضلة العام الماضي كانت 62 المسابقة اللي فاتت اتيحت لي رغبات كثيره واخترت مايلي 1/الشعبة كاتب عدد الوظائف 2 2/عرعر كاتب عدد الوظائف 110 3/رفحاء كاتب عدد الوظائف 40 4/عرعر مساعد اداري الوظائف 25 5/طريف مساعد اداري الوظائف 16 6/رفحاء مساعد اداري الوظائف 17 وكلها وزارة الصحة وهكذا لين سجلت 20 رغبة. اللي ترشح في احد هذه المدن وعلى أي من هذه الشواغر ياليت يفيدنا بعدد نقاطه وتخصصه . ياجماعة عدد الشواغر كان كبير وكنت متأمل أترشح وانصدمت بعدم ترشيحي . أبي اعرف هل الخلل فيني انا أو فيهم والله مليت بطالة عندي اسره وطفلين تعبت من كثر المفاضلات والنتيجه بح . مشورتكم لي والله اني من الصدمة مااعرف وش أسوي وحسبي ربي هو مولاي نعم المولى ونعم النصير [align=center][/align] |
مبروووووووك اللي طلع اسمه واللي ما طلع اسمه الله يرزقني وياكم من واسع فضله اللهم امين...
الحمدلله انا متوظف بخاص وراتب مشي حالك ومرتاح فيه ولكن ابغى حكومي ولكن الحمدلله على كل حاااااال... |
الحين مافهمت ياجماعة الخير من اخر تغريدة للمتحدث الرسمي للوزارة
هالأسامي هذي اللي طلعت قبولهم ولا ماقبلوهم ولا فقط ترشيح وبعدين يصفونهم وشكراً. |
بخصوص الهويه الوطنية
ألف ألف مبرووك لكل المرشحين
يأخوان وش الوضع اذا كانت الهويه الوطنيه مفقوده ؟؟؟؟؟؟؟؟؟؟؟؟؟؟:c:c:c:c:c:c:c:c:c |
واصل
قبلوهم على احد الرغبات ________________________ طيوب ينقز الاحوال يطلع بدل فاقد بس اسألهم كم يوم تآخذ *اذكر انها 10 ايام |
الساعة الآن 08:18 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين