تعلن هيئة الرقابة والتحقيق عن وظائف رجالية و نسائية شاغرة بعدة مناطق بالمملكة 1436/8/2هـ
تعلن هيئة الرقابة والتحقيق عن رغبتها في شغل وظائف بالجهاز الرئيسي وفروعها المذكورة أعلاه ، فعلىٰ من تتوفر لديه المؤهلات وبقية الشروط الواردة في نظام الخدمة المدنية التقدم بأوراقه إلى إدارة شئون الموظفين بالجهاز الرئيسي أو الفروع خلال الفترة من 2/8/1436هـ حتى نهاية 15/8/1436هـ على العنوان التالي : الرياض -طريق الملك عبدالعزيز -جوار مجمع البريد المركزي . ت : 4052333 تحويله (121) مصطحباً معه الآتي : 1 -صورة من المؤهلات العلمية . 2 -إرفاق السجل الاكاديمي . 3 -صورة من الهوية الوطنية . 4 -عدد (2) صورتان شمسيتان حديثتان . 5 -تعبئة جميع فقرات النماذج المطلوبة * مع استبعاد الطلبات الغير مكتملة * ويمكن الحصول عليها من إدارة شئون الموظفين أو الفروع . الوظائف : http://store1.up-00.com/2015-05/1432128229341.png http://store1.up-00.com/2015-05/1432128229572.png http://store1.up-00.com/2015-05/1432128229663.png http://store1.up-00.com/2015-05/143212822984.png الاعلان في موقع هيئة الرقابة والتحقيق http://www.cib.gov.sa/index.php?page_id=15 |
بارك الله فيك
وبالتوفيق للجميع ! |
هذا رابط لـ فروع هيئة الرقابة والتحقيق
http://www.cib.gov.sa/branches.php |
بالتوفيق للجميييع يـــارب
|
لو سمحتو اذا بأقدم مثلا بمنطقتين
اروح كل منطقه اودي اوراقي او يكفي اذا احد من اهلي يودي الاوراق؟ وهل التقديم بالقسم النسائي او الرجالي؟ |
السلام عليكم
ان شاء الله اقدم عليهم الفرع الرئيسي بعيد عني انا سمعت انه فيه فرع لهم بشرق الرياض .. ابروح اقدم اوارقي فيه .. ياليت لو احد منكم يعطيني الوصف الدقيق .. لو يكون عن طريق خرائط جوجل افضل حتى ما اضيع وشيء ثاني لو احد فيه عنده صورة من النموذج الي نعبي فيه البيانات .. نطبعه عندنا ونعبي .. اسرع لانه هناك بيكون زحمة |
بالتوفيق للجميييع يـــارب
|
شكرأ جزاك الله خير
|
السلام عليكم,, عندي كذا استفسار ياليت تردون علي اذا عندكم خبر اكيد ومشكورين مقدما...
اولا: هل ممكن اقدم على فرع المنطقه اللي انا منها بدل الفرع الرئيسي في الرياض؟ ثانيا: هل ممكن ارسل اوراقي مع ابوي او اخوي يقدمها لي عن طريق الفرع الرجالي والا لازم اقدمها بنفسي؟ وسؤالي الاخير: هل ممكن يتغاضون لو كان التخصص الدقيق يختلف عن المطلوب في معلومات الوظيفه؟ يعني هل ممكن يقبلون تخصصات اضافيه؟ |
بالتوفيق يارب
|
الي راح يخبرنا كيف التقديم
في القسم النسائي او الرجالي بالنسبه للنساء؟ و هل في اوراق نعبيها هناك او لا؟ واذا ممكن نرسل الاوراق مع احد بليييز اسألو و خبرونا |
اللي فهمته اقدم اوراقي بالمدينه اللي انا فيها
|
صباح الخير
انا تو جيت من فرعهم اللي في القصيم و رحت معاي اوراقي ابقدم و قالوا التقديم من فرعهم الرئيسي بالرياض فقط و طلبت منه النموذج اللي نعبي به الطلب و قال مو متوفر الا بالرياض بعني الفروع ما تخدمك , فقط الاساس اللي بالرياض و حتى القسم النسائي قال من الرياض الله يعين |
عادي نقدم لاكثر من وظيفة واكثر من منطقة
كيف الوضع وانا من جدة لازم من الرياض مافي طيب فاكس نرسل عليه او اي طريقة ثانية |
دوبي مكلمهم فرع جدة يقول لازم تروح الفرع الي تبغى تتوظف فيه وتقدم من هناك
|
وليش مايكون التقديم عن طريق النت او نرسلها بالبريد
|
اسئلوهم
هل ترسلوا الملف عن طريق البريد ؟ |
ليش التعقيد ولازم نروح علشان التقديم ؟؟
فيه شيء اسمه تقديم الكتروني معقولة مايعرفونه!! |
السلام عليكم
انا من الرياض وسمعت انه فيه فرع شرق الرياض... وين المكان احد يعرفه ؟؟ وشي ثاني لازم نجيب ملف اخضر علاقي ؟؟؟ |
تحسون انهم عايشين في الثمانينات !!!!!
الله المستعان بس اعلان غامض ،، و طريقة تقديم بدائية جدا و معلومات متضاربه ،،، و الملف الاخضر العلاقي لابد منه ما فيها كلام |
يعني نروح نقدم عندهم ياربي مشوار
|
جزاك الله خير
وبالتوفيق للجميع |
بالله كيف نقدم؟؟
نسافر للرياض بس علشان نسلم لهم الاوارق و نعبي البيانات و هجوله من جده الى الرياض وودحين ايام اختبارات محد فاضي وفي النهايه ياخذوا بالواسطه بالله وش الفايده من الهجوله |
حسبي الله ونعم الوكيل ...
|
يا اخوان انا مكلم شخص شغال في الفرع ويقول لي التقديم عندهم في الفروع كل واحد يجيب اوراقه للفرع الي يبي يتقدم عليه ولكن حضورك شخصيا مطلوب حسب كلام الرجال ومركزين جدا على المعدل تحديدا . وشكرا
|
فعلىٰ من تتوفر لديه المؤهلات وبقية الشروط الواردة في نظام الخدمة المدنية التقدم بأوراقه إلى إدارة شئون الموظفين بالجهاز الرئيسي
ممكن احد يوضح لي الشروظ في نظام الخدمه المدنية وانا ما عندي خبره لكن هم ما صرحو الخبره ضرورية ؟؟ |
الحين ليش الحوسة هذه.. ليش ما يخلون التقديم عن طريق النت ونرفع الاوراق
ان شاء الله بروح الاحد.. لاحد الفروع اقرب لي بس المشكلة اذا قالوا التقديم في الفرع الرئيسي في البطحاء |
يعني كم اختار منطقة ؟ وفي كل منطقة اقدم صورة من الملف ؟ ام ان النموذج الي حعبيه هو ينكتب فيه الاختيارات ويكفي الفرع الاقرب لي اقدم اوراقي فيه؟ وبعدين كيف النموذج بس في منطقة واحده اجل ليه يقول روحو اقرب فرع ؟؟
|
اروح بس عشان اقدم اوراقي طيب الوقت ابد مو مناسب على كذا ماراح اقدم
خلوا التقديم الكتروني وريحونا ايش التخلف |
شنو يعني مراقب اداري ( نساء ) !! الشغل مكتبي او كيف ؟! + فيه تدريب بالرياض او لا ؟! ( تعقدت من وظيفه الأحوال ) .. طيب انا مدينتي مافيها فرع نسائي واشوفهم طالبين .. اقدم عن طريق الفرع الرجالي ؟! فيه بدلات على الراتب لشاغلي وظيفه ( مراقب اداري ) ؟! |
انا اتصلت عليهم اسألهم على تخصص الشريعه وانا دراسات اسلامية قالو تعالي قدمي عادي لازم احضار الاوراق اللي يبونها والمعدل جيدجدا وفوق واشوف عاد متى اروح لهم..بالتوفيق لكم بنات .
|
طيب ما سألتيهم وين تقديم النساء
في الفروع النسائية و الا عند الرجال |
فيه فرع نسائي تقول بالبطحاء ومافيه اختلاط
|
مكتوب ارفاق السجل الآكاديمي وش وضعه ذا ؟؟؟؟؟؟؟؟؟؟؟؟؟؟؟؟؟؟؟؟ من وين اجيب السجل ؟!!!!
|
بالنسبه للفرع الرئيسي اللي بالرياض هذا وين أي حي ؟؟؟؟؟؟؟ وبالنسبة لوظيفة سكرتير سري مكتوب ((بكالوريوس مع القدره ))؟؟؟ وش قصدهم يعني أي تخصص عادي ؟!
|
اقتباس:
انا اقصد وين نقدم الاوراق ؟!! عند النساء و الا عند الرجال ؟! |
آخر سؤال بالنسبه للنساء لازم ملف اخضر ولا مو شرط؟؟؟؟
|
ايه التقديم عند النساء بالبطحاء
|
السلام عليكم ...
الله يعافيكم احد قدم عليهم امس او قبله او تعرفون احد قد قدم من قبل ؟ بالله كيف التنظيم هناك ؟ هل فيه ارقام للتقديم او يعطون ارقام طلب ولا كيف ؟ ولا بس يستلمون الملف ! و ايش هي عناصر المفاضلة ؟ نفس جدارة تهقون ! |
الصور الشمسيه هل مطلوبه للنساء والا بس رحال ؟؟
|
الساعة الآن 03:11 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين