الي تخصصكم رياضيات وعربي تعالوا هنا لو سمحتم
أولا السلام عليكم ورحمة الله وبركاته
ثانيا طفشت وأنا أدور وأسأل وأبحث مافي رد كافي للي احتاجه بالضبط بالنسبه للرياضيات كل الي أبيه كتاب في أساسيات الرياضيات يكون متوفر ومعروف عشان الاقيه بسرعه في أقرب مكتبه مااجلس أدور عليه في المكتبات ويكون الكتاب فيه الاعداد الصحيحه والعشريه والكسور وووو انتوا عارفين الباقي وبالنسبه للعربي كتاب في أساسيات اللغه العربيه يكون سهل وينفهم على قد عقلي :/ أحد الأشخاص في موقع ثاني نصحني بهذي الكتب الآجرومية لمحمد محيي الدين للمبتدئين قطر الندى لابن هشام للمتوسطين ألفية ابن مالك للمتقدمين شفت لها في الانترنت شروحات قلت أكيد صعبه ماتنفهم بسرعه هل هي سهله أشتريها أوفيه غيرها أسهل؟؟ لأني بصراحه مره اشتريت كتاب عربي في الدين مافهمت إلا شي بسيط منه لأن لغته عربيه فصحى صعبه يبي لي أخذ شرح للكتاب ومابي يسير نفس الشي مع هذي الكتب أنا أصلا تخصص انقلش ولكن أحتاج هذي الكتب |
وفيه واحد آخر قال لي عن هذا الكتاب في العربيه
كتاب الكافي في اللغة - طاهر الجزائري ومابي كتب الكترونيه أنا في الطايف أقرب مكتبه لي العبيكان والمصيف عند شبرا |
و عليكم السلام و رحمة الله ...
أنا تخصصي رياضيات و أنصحك بكتاب القوانين الذهبيه و تلاقينه على هذا الرابط http://www.mediafire.com/download/nz...9%8A%D8%A9.pdf يعيبه شي واحد بس قلة الأمثله ... بالتوفيق |
|
أنصحك بتحميل الكتاب ثم طباعته على الورق ... أتوقع كتاب القوانين الذهبيه حول 80 صفحه و لكنه مفيد و يستاهل
و ما أتوقع تلاقيه في المكتبات .... |
اللي اعرف كتاب ألفية بن مالك للغة العربية
|
ألفية ابن مالك احنا درسناها أجزاء في الكلية فأحس أنها صعبة على
اللي مالها في العربية مرة أما الكتب الباقية للأسف ماقد اطلعت عليها بس عندك مناهج المدارس ترا حلوة وتنفع والشروحات فيها بسيطة ومفهومة عليك بكتب النحو أول وثاني وثالث ثانوي دوريها عند أحد تعرفينه ومايرمي كتبه لأن بيغيرونها وتكون كتاب واحد وممكن يشوش عليك والله يوفقك .. |
الشفاف
لما أبحث في الصور في قوقل أكتب (كتاب في أساسيات الرياضيات ) تطلع لي صور لكتب كثيره نفس العنوان تقريبا معقوله مافي منها متوفر في المكتبات ومافي منها عند الي تخصصهم رياضيات؟؟ لو يجي أحد يطلب كتب أساسيات في الانقلش أعطيه عشره كتب من كثر كتب المبتدئين عندي لأني غالبا أشتري المستويات كلها الثلاث للكتاب الواحد بعض الكتب فيها كل المستويات في كتاب واحد بالتدريج سهل ثم متوسط ثم صعب أنا ودي أروح المكتبه أقلبها فوق تحت بالبحث بس طفشت أخوي كل شوي وأنا في المكتبه لو أطاوع نفسي ماأخرج من المكتبه إذا دخلتها 80 صفحه بيشفط حبر الطابعه ذا الكتاب خاصة اللون الأسود خلص ثلث الحبر بأحمل الكتاب إن قدرت طبعته أو اكتفيت بالكتاب الالكتروني شكراً جزيلاً ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ عبد الله حلمي التدريس طيب كتاب الألفيه هل هو يشرح قواعد اللغه العربيه أو هو أبيات شعر يشرحون فيها القواعد وهل هو متدرج سهل ثم متوسط ثم صعب أو صعب من البدايه يعني مايصلح للمبتدئين؟ |
هذا الكتاب روعه لو ألاقي زيه
عز الطلب http://up.ejaaba.com/uploaded/201505/arabicbook.jpg أرسلت لي وحده من الجزائر من هنا من الانترنت طبعا ماهو موجود في المكتبات في السعوديه بس قلت يمكن فيه كتب تشبهه قريبه من العنوان |
اساسيات الرياضيات تلاقينها مبسطه بالكتب الدراسيه الابتدائي والمتوسط وانتي اختاري الدروس اللي تعجبك
|
الساعة الآن 09:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين