اللهم لك الحمد حتى ترضى ولك الحمد اذا رضيت ولك الحمد بعد الرضا

عام 2008 تخرجت من الثانويه التحقت بالجامعه تخرجت من الجامعه عام 2015 تخيلو بكالوريوس بهالمدة كثير جدا ..

واجهتني ظروف كثيرة مشاكل عائلية ادت لطلاق الوالدة تهجولت كثير
انطردت من البيت تعزبت واشتغلت الليل ودرست الصباح اروح للدوام برجلي وللجامعه برجلي والمسافات طويلة اخرج قبلها بساعه الا ربع يوميا
تعبت كثيرررر وكنت ارسب وكنت اسحب اترام لين خذيت التربوي والبكالوريوس

وانا الحين جاني تعين بمعاهد جامعه الامام محمد بن سعود الاسلامية
والحمد لله الوظيفة الحكومية جات ومهنتي معلم وراتبي 8500 وكل سنه علاوة 510
ويارب لك الحمد وان شاء الله زواجي بالاجازه بين الترمين وبستقر من بعد تعب 7 سنوات ونص


كنت دايم لما اروح للجامعه وانا امشي واتعب كثير من المشي اما اخفيكم كنت ابكي والله العظيم وقول مصيرها تصير حكاية والحمد لله هذي هي حكاية

لا يأس مع الحياة ولا حياة مع اليأس