|
(مـاهو مستقبل خريج بكالوريوس كليات التقنية )
بسم الله الرحمن الرحيم ...
كيف الحال جميعا ... ومن العايدين مقدماَ ... أنا طرحت هذا الموضوع نظرا لأهمية ...والموضوع واضح من العنوان ....وإعذروني إذا كان الموضوع مكانة خطأ أنا لازلت إدرس دبلوم وبأذن الله السنة الجاية بعد رمضان إن الله إحيانا راح أخذ الوثيقة وتخصصي دعم فني والحمد لله المعدل ممتاز ... وما التوفيق إلا بيد الله سبحانة وتعالى سبب طرحي لهذا الموضوع نظرا لسماع كثير من الأشاعات و المواضيع عن خريج بكالوريوس التقنية أنه ليس (مهندس )... وليس له مستقبل إبداَ .... أو بالأصح محدود ليس كأي جامعي فهل تنصحوني ... إكمل خارج المملكة على حسابي .. أو اكمل في التقنية .. (مـاهو مستقبل خريج بكالوريوس كليات التقنية ) ..؟ !! |
أللي اعرفه ان الكليات التقنيه شهادتها دبلوم مو بكالوريوس
ذا اللي فهمته من موضوعك والله |
اقتباس:
انا مأخذ دبلوم وان شاء الله بس يفتح باب القبول للبكالوريس ابقدم اما اخوي صاحب الموضوع فاللي اعرفه انك لما تأخذ البكالوريس في مجال تخصصك فأنك تعد مهندس والله اعلم... والله شي طيب اذا الواحد عنده استطاعه وماعنده مشكله يتغرب الله يوفقه يكمل برا لأن الشهاده بتكون أقوى ويجي هنا ويحط رجل على رجل وكلن يناديه مو هو يروح لهم لكن اذا الحال على قده يكمل هنا هذا ان قبلوه بعد لاني سمعت ان العدد اللي يأخذوه للبكالوريس محدود وحسب علمي انك ماتكمل الا في الرياض ... أخوك خريج كلية تقنية ومازال جاري البحث عن فرص عمل دعواتك لي اخوي لاني مليت من هالعطاله |
اقتباس:
هذا السؤال يجيبك عليه الكاتب محمد الشهراني فقد قرأت له مقالا الاسبوع الماضي في جريدة اليوم بعنوان "كليات التقنية مصدر للبطالة ؟؟" وهذا رابط المقاله اذا احببت الاطلاع عليها وبالتوفيق |
على الأقل إنت في تخصصك تكملة بكالريوس
أما اللي تخصصهم إداري وش يسوي بالدبلوم |
اقتباس:
ما اعرف ليـــش كثير بالمنتدى يقولو ان التقنيه مالها مستقبل بس انا اشوف الواقع غير يااخوي اهم حاجه يكون معدلك عالي وان جبت معدل عالي روح ارامكو او سابك لان اخوي نفس تخصصك وتوظف ولله الحمد كمان واحد من اقاربنا خريج كلية التقنيه بس ماادري اي تخصص توظف في سابك وراتب عالي ما شاء الله عليه |
أنا اظم صوتي لصوت قطرة غيث.
. التقنية هات مجموع ممتاز والوظيفة مضمونة بدون واسطة.. ..مجموع جيد جدا مضمونة بواسطـــــــــــــــــــــــــــــــــــــــــــة. . وما من دابة إلا على الله رزقها |
اخوي كمل البكالريوس ماعادبقي شيء المفروض اذا انت مو شايف ان التقنيه لها مستقبل مادخلتها من البدايه عموما انت سوي اللي عليك وجيب معدل حلو ولا اوصيك قوي لغتك وان شاء الله تتوفق
|
السلام عليكم
يااخواني انا خريج كلية التقنية ومعدل 4,40 حاسب الي دعم فني وقدمت في كل مكان وماحصلت اي شي وقدمت على البكالريوس في الرياض وماقبلوني |
لا علم لدي عنها
لكن الله يوفقك ويطرح فيك البركة وين ما رحت وربي يوسع عليك رزقك ((وما من دابة إلا على الله رزقها)) |
أنا من وجهة نظري أن بكالريوس الكلية التقنية مثل أي بكالريوس من أي جامعة أو كلية داخل المملكة
واذا الله كاتب لك نصيب بتأخذه بلا تقنية ولا فيصل بلا شريعة تمنياتي لكم بالتوفيق خريج كلية التقنية 4.2 دبلوم ،، وأحاول أكمل بكالريوس بس الله لا يوفقهم ما تكمله في الرياض لاني قسم أدارة |
والله انا بنت وادرس تقنيه وابقولك عن تجاربي بالتقديم عاد مدري عنكم يالاولاد يمكن ارحم
للحين ماخلصت البكالوريس بس عشان دراستي زي الانتساب صرت اقدم دخلت ابراج التعاونيه هناك فيه ميكروسفت وسيسكو قلت يابنت روحي لهم احسن قدمي لما دخلت كل الشركات هنود واجانب قابلت واحد في ميكروسفت وقال لي ممكن اخذك في السيلز قلت انا تقنيه وش جابني للسيلز قال هذا المتوفر وكلهم اخذوا السي في وجدعوها في الزباله بحكم اني منيب هنديه ولا سوريه مدري لبنانيه عشان يقبلوني وبس وسلامتك والحين اشتغل خدمة عملاء في بنك يعني التقنيه ماسوت لي شي للحين ادرسها وانا عارفه انها ماراح تضيف لي شي وابقعد مكانك سر |
ايه نسيت اقولك ليش اخذوني البنك عشان معي شهادة اداره
|
فهل تنصحوني ... إكمل خارج المملكة على حسابي .. أو اكمل في التقنية ..
(مـاهو مستقبل خريج بكالوريوس كليات التقنية ) ..؟ !![/quote] عندك 3 حلول اخوي وختار انت من بينهم : 1- انك تدور على وظيفه .... وراح تتعب شوي لان اخوي تخرج وجلس نص سنه يدور على وظيفه بعدين جاه النصيب في مصرف الراجحي :) 2- تكمل بكالوريس في الكليه التقنيه بالرياض بس صعبه يقووولوا :) 3- تاخذ بعثه على حساب الدوله برنامج خادم الحرمين للابتعاث الخارجي وترجع معاك لغه وبكالوريس :) |
مساء الخير اخي العزيز
انا من الاناس لقمبلين على هذا الكلية في اطار السنه الجديدة وكان عندي اسائله كثيره كثيره بخصوص الكلية انت الحين باقي لك سنه ونص خلال هذا السنه ونص متدري ممكن يحدث تطور اكبر في نفس الكلية فالكلية بين فتره والثانيه تتطور واول ماكان لها ذكر اصل ام في الوقت الحالي فرضت جزاء من احترمها ام عن (مـاهو مستقبل خريج بكالوريوس كليات التقنية ) ..؟ فاشهادة البكلريوس تعني مهندس والسلم الوظيفي لحملي شهادة البكلريوس غير عن السلم الوظيفي لدبلوم والاهم في نظري السلم الوظيفي ام عن مستقبل كلية التقنيه ؟ فأن اشوفه في تطور مع مر السنين لكن لازم تختار قسم مطلوب وتجيب معدل عالي وبعدين بيكون عندك عدت خيارات 1- بتدرس في الرياض تكمل للبكلريوس 2- تقدر تستفيد من بعثات خادم الحرمين الشريفين لحاملي الدبلوم 3- تغير تخصصك من الدعم الفني الى الشبكات اقلها او البرمجيات لان الدعم الفني يتزايد ويقل عليه الطلب هذا من وجة نظري ام البرمجيات عندك مطلوب بشكل كبير والشبكات يقل عنه طلبا هذا طبعا من وجهة نظري ام انك تكمل وتدرس على حسابك في نظري ماشوفه عدل لانك لو غيرت مثلا تخصص بيكون الطلب اكثر لك ولو في تخصصك جبت معدل عالي راح يفتح لك البكلريوس هنا والبعثه اي مارح تستفيد تخسر نفسك اذا جبت معدل نازل جب معدل عالي مع تغير تخصصك هذا افضل حل او اقتصره على المعدل العالي وبأذن الله بترزق من حيث لاتعلم هذا واتمنى اني افدتك وماتوهتك زيادة واعذرني لو اخطيت بشي وهذا واشكرك على الطرح الرائع :) |
الله يعطيييييييييييييييييكم العافييييييييييييييييية جميعاااااااا .....
|
انا خريج تقنيه طبعا دبلوم ومعدلي الحمدلله مرتفع وتخصصي تقنيه ميكانيكيه لكن يالغالي انا بحثت وسألت كثيرررر بشكل ماتتوقع والنتيجه ان خريج البكالوريوس بالرياض اذا توظف وتعيين بالكليات التقنيه مدرس يطلق عليه اسم مدرب وليس مهندس لان بصراحه دراسه الكليه التقنيه بالرياض لمرحلة البكالوريوس مو زي دراسه الهندسه في الجامعات . الجامعات بصراحه قليل فيهم كلمه مهندس لانها والله صعبه وتعب مره مره بشكل ماتتصوره ومعلومه ثانيه خريج الكليه التقنيه بالرياض مرحلة البكالوريوس اذا درس بالكليات التقنيه يعين على سلم التدريس وياخذ المستوى الرابع يعني يجي راتبه 6000 ريال وانت اذا معدلك عالي بصراحه لاتفوتك الشركات زي ارامكوا وسابك والاتصالات السعوديه لان رواتبها حلوووه والمميزات احلى واي موظف يتعين في ارامكوا او سابك او الاتصالات لاينصدم من اول راتب لانه راح يكون ضعيف كبدايه لانهم مايبغون يخسرون عليك رواتب وبالاخير تفصل طبعا الرواتب راح تشوفها اذا طول الله بعمرك بعد سنوات وتشوف الفرق بينها وبين الوظائف الحكوميه محبكم . سعيد الشهري:) |
اخواني الكرام
أنا خريج كلية تقنية تخصص برمجيات بمعدل 4.75 ومدري لو جا التقديم للبكالوريوس هل سوف يتم قبولي وعن الوظايف مفيش مفيش شكرا بس حبيت أدخل عرض |
طيب عندي سؤال قسم تقنية البيئة بعد الدبلوم أقدر أكمل بكالوريس و إلا أغير قسمي
|
اقتباس:
وتقبل مرورررررررري |
اقتباس:
لا يالغالي تخصص تقنيه البيئه مافيه بالرياض تخصص تقنيه البيئه لتكملة البكالوريوس واذا تبغى نصيحة اخو مجرب غير تخصصك وخليه بالتخصصات العلميه فرضا كهرباء حاسب شبكات دعم فني ميكانيكا محركات ومركبات او ميكانيكا انتاج وسلامتك :d |
جزاك الله خيرا
|
اقتباس:
|
اقتباس:
تقدر تغير قسمك او تخصص بعد اول ترم بس بشرط ان يكون معدلك التراكمي مرتفع ولايقل عن 3.75 على ما اذكر وفيه شرط ثاني لازم يوافق القسم اللي بتنقل فيه تجيب منهم ورقة موافقه وتنقل وانا اشوف عشان تسهل عليك كل الامور وتنقل وانت مرتاح خلي معدلك التراكمي اكثر من 4 عشان على طول تاخذ الموافقه من القسم اللي بتنقل فيه وتقبل مروري |
من كم القبول في البكالوريوس ياشباب
كم المعدل اقل شي الي ينقبل في بكالوريوس |
والله اخوي انا بعطيك رايي انا اقول انك تطلع براء ازين والله بس شف لك جامعه تعادل لطلاب الكلية التقنية ساعات اكثر ومنها لغتك تكون قويه وتراء براء اذا عادلو لك سنتين او ثلاث مع اللغه وكلية الرياض نفس الشي سنتين ونص وحقت الانقليزي الدوره المكثفه اتوقع انها ثلاث شهور وكلية الرياض مهب شينه لاكن مو احسن من براء |
انا بغيت اي معلومه راسلني على الخاص انا بمرحلة البكالوريوس قسم مكانيكا انشالله اقر افيدك
|
اطلق قسم في كلية(جبر الخواطر) مايوكل عيش , لاتقعد تخبط ,
وفر على نفسك الجهد والوقت دور غيرها |
اقتباس:
lo0oo0oo0oo0oo0oo0ol |
هههههههههههههههههههه فديتك يا عريمط بكالوريوس الكلية التقنية ما يطلع مهندس بمعنى كلمة مهندس يعني كله كلام فاضي مثل ما قال اخوي الي قبلي لو توظفت عندهم يصير اسمك مدرب ثاني شي بالنسبه لو اخذ البكالوريوس ورحت اي شركة من الشركات ما تستلم منصب اداري لانك صاحب بكالوريوس تقني مو بكالوريوس اكاديمي المهندس التقني مثله مثل الفني لكن تفرق اللغه مع العلم ان الي عرفته من الشباب بالكليه بالرياض ان المناهج نفسه لكن بالانجليزي اما المهندس الاكاديمي هو المهندس وللمعلوميه يفرق بعد بالراتب يعني الاكاديمي يستلم اعلى من التقني اقرب دليل عندك الامنيه والكليات الحربية خريجين بكالوريوس التقنية يعلق ملازم يعني نجمه مو مثل الاكاديمي الي يعلق ملازم اول يعني نجمتين :) وهذا اكبر اثبات لكلامي احترامي |
رايي انه مادام أن المؤسسة العامة بنفسها ماتستقبل خريجين بكالوريوس الكلية التقنية .. وفي نفس الوقت تستقبل خريجي الجامعات الأخرى من (نفس التخصص) فأيش تبغا بها ؟!!
نصيحتي : لو انك مقتدر رح كمل برى وتعال هنا... وقتها ماعليك من أطلق شنب. |
شوف معليك من كلام الناس انت كمل بكالوريوس
وذا للك رزق من الله راح تاخذه |
انا انصحك تطلع برا تكمل دراستك في الهند
ادرس على حسابك سمستر و حول على حساب الحكومه و في الهند يحولونك بسرعه علشان مافي زحمه من الطلاب و غير كيذا ان جامعة الهند معروفه بتخصص الكبيوتر و الادراه و جامعتهم ممتازه و تحتل المركز العشره الاولى في العالم و اتمنى لك التوفيق |
محمد الشهراني
كليات التقنية مصدر للبطالة ؟؟ محمد الشهراني http://www.alyaum.com/images/12/12877/616130_1.jpg عندما أنشئت الكليات التقنية في بلادنا وأعتقد إن لم تخني الذاكرة أن بداياتها كانت في عام 1403هـ شعرنا بارتياح واسع النطاق لنظرة المسئولين المستقبلية لمواكبة التطورات التقنية والعلمية وتلبية لاحتياجات سوق العمل السعودي الذي واكب في تلك الفترة إنشاء الهيئة الملكية للجبيل وينبع والذي أضحى في وقتنا الحالي يغص بالمتردية والنطيحة من العمالة الوافدة التي وصل تعدادها إلى 9 ملايين عامل . في الواقع وبعد 26 عاماً من إنشاء أول كلية تقنية لم نحصد إلا البطالة بين أبنائنا وبناتنا فنحن نواجه فائضا كبيرا في عدد خريجي الكليات والمعاهد التقنية في المملكة والتي يبلغ تعدادها حوالي 60 كلية ومعهدا يواجه خريجوها صعوبات جمة في الحصول على الوظيفة المناسبة والملائمة لتخصصاتهم وفي عين الوقت تتزايد الحاجة كل عام في سوق العمل إلى الأيدي العاملة التي تتمتع بخبرات عملية وتخصصية ....وجهابذة المؤسسة العامة للتدريب التقني والمهني ” لاحظوا المسمى ما أطوله ” لا زالوا مصرين على التدريس باللغة العربية ....واهتماماتهم تنحصرعلى الكم لا الكيف ....ويسوّقون لأنفسهم إعلامياً باقتدار...وكل عام يٌغيرون خطط الكليات التعليمية من 4 فصول دراسية في العام إلى 3 فصول ويمكن العام القادم فصل واحد .... ومناهجهم لم يطرأ عليها تغيير أو تجديد.... حتى المعاهد الأهلية التي يٌرخصون لها شهاداتهم ما تسر ولا تنفع في التوظيف ؟! إذن ما الفائدة من وجودها إذا لم تكن رافداً للمؤسسة ؟؟ يقول لي أحد خريجي الكليات التقنية كان يوم التخرج يوم ألم وتعاسة بالنسبة لي ولجميع الخريجين في هذه الكلية بدلاً من أن يكون يوماً مبهجاً نشعر بالغبن والإجحاف، وبأن جهدنا ضاع وازدادت تعاستنا حينما تخرجنا ثم صار مصيرنا البطالة أو الرواتب المتدنية. وبغية رفد المجتمع السعودي وسوق العمل بالمزيد من الكوادر المهنية المدرية أرى ضم الكليات التقنية إلى التعليم العالي أسوة بكليات المعلمين والكليات الصحية وكليات البنات كما يجب العمل على تغيير سياساتها المنهجية بما يكفل حصول خريجيها على فرص وظيفية مناسبة في القطاع الخاص الذي يشترط إجادة اللغة الانجليزية والحاسب الآلي كما حدّثني أحد رجال الأعمال يقول نحن نرغب في سعوده الوظائف ونشجع الشباب السعودي على الانخراط في القطاع الخاص لكننا نصطدم بتواضع وضعف اللغة الإنجليزية وعدم المعرفة الكافية بالحاسب الآلي لدى خريجي الكليات التقنية لأن المناهج تٌدرس باللغة العربية مما يكلف الشركة مبالغ إضافية في تدريبهم وتعليمهم .....وأٌضيف إلى ما تحدث به رجل الأعمال أنه لابد أن يكون لرجال الأعمال والصناعة دور في اختيار التخصصات المناسبة في الكليات التقنية والتي تتواءم مع متطلبات سوق العمل بدلاً من التخصصات الحالية والتي تفضي بخريجيها إلى البطالة . × ومضة : هذي بلادي لي بها نخلة .. وقطرة في السحاب .. وقبر يحتويني .. هي عندي أجمل من مدن الضباب .. من مدن لاتعرفني .. أجوب الشوارع فيها وحيداً . |
اهم شي اخوي تأكد هل شهادة البكالريوس مصدقه من التعليم العالي ولا مثل الدبلوم مو مصدقه
وموفق خير اخوي |
للرفع
|
مستقبله احسن من لا شيء وتنفعك في المستقبل مع الخبره والتطوير تصير حالك حال خريجي الجامعات ويمكن احسن وكل شخص وشطارته اهم شيء عدم الانحباط من البدايه
|
والله ماعاد احد واثق بشهادته مادري ليه ؟؟؟
|
اقتباس:
وش انت يا محمد الشهراني علشان تحكم على الكلية التقنية وتقول انه مصدر للبطالة الأرزاق بيد الله واللي يبحث عن وظائف يحصل بإذن الله وغير كذا الوظائف تعتمد على المقابلة الشخصية وهي اساس التوظيف يجيك واحد متخرج جديد ويجيب العيد في المقابله وحط السبب بالكلية وهذا غير صحيح بالتوفيق للجميع |
افشل موسسة تعليمية بالسعودية
|
| الساعة الآن 10:02 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين