مواعيد الإختبارات/ كفايات اللغة الانجليزية ورقي STEP
 

محرم : التسجيل من 1436/11/15 الى 1436/12/14 الاختبارات من 1437/01/6 الى 1437/01/8
جمادى الأخر : التسجيل من 1437/04/7 الى 1437/05/19 الاختبارات من 1437/06/12 الى 1437/06/15

تستمر فترة التسجيل في الاختبار بعد انتهاء فترة التسجيل المبكر "حسب المقاعد المتاحة" ويغلق التسجيل المتأخر قبل موعد الاختبار بـ 24 ساعة

*يمكن إجراء الاختبارات على الحاسب الآلي في جميع أيام العمل على مدار السنة كاملة

لتسجيل قم بزيارة
http://eservices.qiyas.sa/Login.aspx?ReturnUrl=%2f

متي راح يفتح التسجيل بين الترمين ؟ للبكالوريوس

التقديم على الترم الاول أنتهى
يفتح التقديم على الترم الثاني بشهر 1
يفتح التقديم على الترم الثالث بشهر 4

متى التاريخ بالضبط ما ادري
تابع موقع الموسسة او تابع المنتدى هنا وأنا ان شاء الله بنزل الخبر في وقته .
بالتوفيق.

السلام عليكم ورحمة الله وبركاته
اشكركم على طرح الموضوع
بصراحة انا حلمي اني اكمل البكالوريوس العام عشان اصير مهندس في تخصصي
وهالشي خلاني اتاخر كثير خصوصا اني ما حبيت اكمل في كلية المدربيين لاني لقيت اشكاليه كبيره بخصوص التخرج اني بكون مدرب وانا مابي اكون مدرب عشان كذا كنت انتظر البكالوريوس العام
اللي حصل اني اختبرت الانجليزي كذا مره كفايات كانت اعلى درجة اجيبها 44
لكن لما اختبرت الايلتس الحمد لله جبت الدرجة المطلوبه من اول مره
قدمت في 26 شعبان واختبرت في 27 شعبان وجانا الرد في 30 اني مقبول نهائيا
وفرحت سلمناهم الوثائق وبعد كم يوم اتصلوا قالوا ارجعوا استلموا وثائقكم ليش طيب ؟
قالوا لان العدد ما اكتمل وحنا عددنا بالدمام كان 8 طلاب
تخصصنا ميكانيكا انتاج
قالوا لنا ان بالرياض وجده بيدرسون لان اكتمل العدد بس ماعطونا خيار ان نطلب نقل
يعني حتى لما كلمتهم بخصوص النقل اني اكمل بالرياض او جده قالوا الوقت انتهى للطلب للنقل
على العموم حددوا لنا موعد بعد عيد الاضحى يعني في 20 / 12 / 1436 راح يفتح التقديم اعتقد
انا جايب في اختبار التخصص 22 من 40
معدلي عالي
و درجة اللغة اجتزتها
والمقابله الشخصيه بعد اجتزتها
واحين ابي اكمل دراستي فما ادري اذا احد فيكم ميكانيكا انتاج
يتواصل معاي
و نشوف لنا حل
لاني كلمت كذا شخص وخليتهم يختبرون ومتامل خير ومتفاءل ان هالشعبه بتفتح هالفصل
ونقول ي رب
بس ابي اسال

شالفرق بين كلية المدربيين التقنيين والبكالوريوس العام ؟
انا عمري 24 سنه يعني في صفر 1437 راح يكون 25 بالضبط وبتخرج اعتقد 27 فهل ممكن احصل وظائف لان العمر مهم بعد ؟
وابي اسال اهم سؤال اذا خلصت البكالوريوس العام ابي اكمل ماجستير في امريكا ف ابي اعرف هل يتعادل كامل او لا ؟

السلام عليكم

كم يطلبون معدل ؟؟؟

معدلي جيد 2.75 :(

يقبلوني اذا اجتزت اختبار اللغة ؟

* بالنسبة لموعدكم بعد عيد الاضحى بتدخلون الفرز على طول لانكم مسوين الاختبار وكل شي .

*بالنسبة لتخصصكم في الترم الثالث نفس الكلام حصل من الدمام أثنين أو ثلاثة وقابلتهم بالرياض ودخلوا الاختبار معنا وبعدها قالهم الموظف ماراح تفتح شعبة بالرياض لكن فيه بجده 8 ومن المدينة مدري أبها 3 ويجمعونهم بالمدينة الي فيها عدد اكثر من الطلاب وراحوا جده وفتحوا لهم الشعبة .

*لازم تتابع ادارات القبول بالكليات بالرياض وجده وتنسق معهم وتاخذ ارقام جوالات المتقدمين عندهم بنفس تخصصك وتنسق معهم الله يعينك تعب لكن بتوصل لنتيجة بأذن الله .

*بالنسبة للفرق بين الكليتين / التقنية نظام تدريسه عادي نفس الدبلوم لكن بضغط اكثر ومحاولة لزيادة نسبة ممارسة اللغة الانجليزية مع التدريس بشكل مبسط وشهادتها معترف فيها وتحصل وضائف عليها ومعتمده حسب معرفتي من هيئة المهندسين السعوديين وتاخذ شهادة منهم بمسمى مهندس حاسب تقني على سبيل المثال لكن هل شهادة بكالوريوس التقنية معتمده عالميا وتنفعك برا السعودية وتتعادل في حال اكمال الماجستير هنا فيه عشرين استفهام؟؟؟

* بالنسبة لكلية المدربين التقنيين / فهذي جاني قبول فيها قبل لا يقبلوني في بكالوريوس التقنية وبصراحة ماعندي رغبة فيها عشان كذا سحبت عليهم لعدة اسباب هي صحيح شهادة اقوى من شهادة التقنية ونظام التدريس فيها عالمي ومدرسين اجانب واحتمالية انك تقدر تكمل برا اكبر ومستواك راح يكون افضل وتقدر تحصل وظائف لكن بالنسبة لي ثلاث سنوات صعبة وكرف ولغة ومعانة يعانونها زملاء لي يدرسون فيها حالياً لكن صاملين .

*والبنسبة للمعادلة فالله أعلم الى الان ماوصلت لاي معلومة بخصوص الماجستير ماعدى انه فيه شاعات وتسريبات وكلام من هنا وهناك ان ممكن راح يفتحون لنا مجال لأكمال الماجستير بس كيف ووين وبالتعاون مع جامعه او لا الله أعلم.


بالتوفيق والله يعينك تخصصكم الاقبال عليه في البكالوريوس قليل لكن ييسرها ربك مثل ما يسرها لشعبة الي قبلكم . :h

وعليكم السلام
بالنسبة للمعدل فالمطلوب جيد فما فوق
اذا معدلك جيد قدم والله يوفقك وتنقبل.

شي مني يقول انتظر كلها شهر ونص ويبان هل بيفتحوا شعبه تخصص انتاج او لا
وشي مني يقول لا روح وادرس بالرياض وجده على الاقل تبدا تحصصك وتخلص في مدة اقل ؟
لو كانت الدراسة في بالدمام بتكون راحه لي كبيره
واقدر اجمع واقدر اشتغل بنفس الوقت وفوق هذا اهلي هينا فا اكيد ملابسي واكلي وكل حاجه جاهزة وبركز على دراستي وبجتهد
عكس لما اكون في مدينه غير مدينتي والشوق لاهلي وغير كذا الغربة والوحشه يعني ابي اخلص عشان ارجع وبكذا معدلي بيكون نازل
انا ابي حلول قسم بالله طفشت عمري احين 24 سنه وبدايه السننه الجديده بدخل 25 هجري يعني بتخرج وعمري 27 سنه متى اتوظف ومتى اكون حالي ؟؟

طيب اليوم 2 / 11 / 1436 وبصراحه ودي اروح الكلية اليوم واطلب منهم نقل ملفي للرياض او جده
لان الدراسة بتبدا الاسبوع الجاي
وانا مختبر ومسوي كل شي وعديت كل شي وبدرجات عاليه
فهل ممكن يوافقون انهم ينقلون ملفي او لا ؟
شي ثاني ابي اعرف السكن كم يكلف ابي مكان قريب من الكلية التقنية بالرياض او الكلية التقنية بجدة عشان اعرف اتصرف ؟
شي ثالث اتمنى نسوي قروب عن طريق الواتس اب عشان نتواصل لعدد كبير من التخصصات للناس اللي ودها نكمل عشان نكون حلقة وصل بين الكل .

شي رابع ابي نصائح بخصوص هالشي ؟
لان الميزانيه محدوده وما اقدر اني انقل وادفع ايجار فوق 18 الف سنويا شي مكلف .

انا كذاك نفس الشئ شعبتي الكترونيات فرع المدينة المنورة وعددنا 8 والشعبه ما فتحوها والان وضعي مشتت بين الرياض او المدينة والرياض كمان يكون مصاريفها عاليه والوضع مايكون نفس المدينه وفي حيره من امري