|
بنات الاقتصاد المنزلي تعالوا نتشاور
بسم الله الرحمن الرحيم
السلام عليكم ورحمة الله وبركاته اسال الله سبحانه وتعالى ان يكتب لكم ولي كل خير وان يبارك لنا ف اعمارنا التقديم قرب والاحتياج 150 نقول الحمد لله وفضل ومنه من الله سبحانه لا نتحلطم ونشيل ونحط توكلوا على الكريم سبحانه وهو يحلها ويدبرها من عنده قفلت 12 سنه من تخرجي والى الحين عندي امل يطلع اسمي واتعين عارفه زين مازين ان مأخرها الله سبحانه الا خيره من عنده شدو الهمه وقولوا ياكريم |
كم مشاااهده ولا رد!!!!!!!!!!!!!!!!!!!!!!!!!!!!!!!!!!!!!!!
بنات الاقتصاد تحسي انه مااافي خريجات ومااالهم اي ظهور بتجمعات ومواقع التواصل لدرجة احس مااافي الا كم وحده حتى مايغطون الاحتياج بسسسسس وقت التقديم مدرررري مين وين يطلعون تقولي كان في سبات شتوي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه |
اقتباس:
ههههههههه |
أما صدق الاحتياج 150
على اي اساس حطيتي هالخبر تعرفين وشلون تضيقون صدورنا على اخبار مغلوطة ... الله يهديكم يابنات ... |
السلام عليكم
اختي من قال اللحتياج 150 نزلو شي وانا مدري 😕 |
اقتباس:
وانت بعد الله يهديك ويصلحك انا ماجبت شيئ من عندي الكثير من الاحتياج المسرب اتفق فيه احتياج الاقتصاد ع 150 اتنمى اكثر منك انه يكون كذب ويكون الاحنياج اكثر بكثير بس هذا المسرب وتقبلي فائق احترامي |
الله ييسر لنا الخير
|
اقتباس:
اختي هذه تسريبات شفتها ف منتدى ثاني مافيه شيئ رسمي الى الحين بس أتوقع انها صحيحه أتمنى انها تكون اكثر من 150 لما تعلن بشكل رسمي والله يسهل علينا الامر ويكتب لنا نصيب منها سوء كثيره اوقليله |
مررررررره قليل:c:(:(
|
الله يسعدك ويوفقك ويرزقك فيها
مشكوره على المعلومه لكن متى التقديم بجداره انا طفشت من كثر مدخل وخرج من موقعهم مااافي شي |
اقتباس:
التقديم اختي الى الحين ماعلن يقولون اجلوه لا تخافي اهم اول مايعلنون راح ينشرونه ف سبق هذا غير المنتدى الله يرزقك ويكتب لك نصيب منها ويسهل الله امرك اختي |
:hسلام بنات كيفكم اخباركم انا معاكم بس لسى ماصار شي على جدارة
|
يارب اكتبلي نصيب من الدفعه هذي
انا وكل محتاجه للوظيفه |
احتياج المتوسط والثانوي 76 :( :( كم تتوقعون تنزل النقاط
|
:court:سلام عليكم كيف الحال بنات بكره التقديم على الوظائف . متى نعرف مناطق الاحتياج ؟
|
وعليكم السلام والرحمة
مافهمتك بس اذا تقصدين الاحتياج ومناطقها نزلت من قبل وبكرا ان شاءالله التقديم فجدارة .. موفقه .. |
حتياج الاقتصاد للمراحل الثلاث
الأخوات الكريمات هذا احتياج الاقتصاد للمراحل الثلاث ابتدائي - متوسط - ثانوي اضغط على الصورة للتكبير http://www.m5zn.com/newuploads/2015/...c9c00c74fb.jpg |
بنات كيف رتبتوا المناطق ؟ انا من الشرقية اي المناطق اقرب لشرقية ؟
|
فزعتكم جزاكم الله خير
ياجماعة :court:الخبر الفزعة اي المناطق اقرب للشرقية وايهم افضل من حيث المطار والسكن والمعيشة والكهرباء والماي والطرق والنت ؟ : h مناطق الاحتياج هي كا التالي" P المتوسط بمااني اقتصاد عام 1محايل طالبين معلمه 1 / 2رجال المع طالبين 3 / بيشة طالبين 10 /سراة عبيدة طالبين8 /بالعلا طالبين 1 /المخواة1 / نجران 5 /الدوادمي 1 /تبوك 2 /وادي الدواسر 3 /بحائل 6 /حفر الباطن1 /بعسير 1 /صبيا 9 /// الثانوية طالبين منطقة محايل 2 رجال المع 2 / النماص 1 /بيشة 1 /سراة عبيدة 2/ القويعية 1/ نجران 5 / وادي الدواسر 1/ حايل 7 / حفر الباطن 1 صبياا1 / يجماعة فزعتكم ساعدوني في الاختيار شرايكم في نقاطي 68.916خريجة سنة 1429:court:
|
السلام عليكم
يبناااااااااااااااااات فين رابط التقديم هم قالوا الاحد واناااا من اليوم وانا داخله خااارجه من وزارة الخدمة مالقيت رابط التقديم بس الاعلان ياااارب انا مره خايفه انا خريجه قديمه وعمري ماقدمة في جداره انتم من وين تقدمون ؟؟؟ وكيف بس تدخلون على صفحتكم وبس انااا مااني عارفه الله يسعدها ويعينها اللى ترد علي ترا وربي مرررره محتاجه الوظيفه والله عالم |
https://eservices.mcs.gov.sa/jadara3...ers/Index.aspx ^ ^ ^ وعليكم السلام هذا الرابط أدخلي سجلك المدني وكلمة السر .. بس إذا كنتِ ماسجلتي من قبل بالنظام لازم تضعطي على تسجيل جديد وتسجلي بياناتك مع رفع الوثيقة ..لين بنتهون من التدقيق على صحة البيانات و بعدها تقدرين تقدمين على المفاضلة ... وإلحقي قبل ينتهي التقديم " .. المفروض انك مسجلة بالنظام قبل ما تبدأ المفاضلة " .... وعشان تقدرين تدخلين المفاضلة لازم تكوني تربوية أو إذا كنتِ غير تربوية يكون معك دبلوم تربوي (تضيفينه بالمرفقات ) عند تسجيل البيانات مع المؤهل .. ولابد من إجتياز الكفايات " هذه معلوماتي .. وأتمنى من الأخوات يفيدوك أكثر ...وبالتوفيق لك أختي:w |
الله يسعدك دنيا واخره
ويقر عينك بوظيفة التعليم ويجعل لك فيها الخير والله ح ادعيلك كل يوووم بي الحرم طول شهر رمضااان باذن الله ربي يكتب لك فيها ايوه اختي الحمد لله انا مسجله فيه كمان اختبرت ..انا قديمه .. وسألت وقالوا لازم تسجلي وتختبري والحمدلله هذا كله قبل طرح الاعلان بشهور دخلت على الرابط اللى حطتيه ربي يحط بطريقك السعاده والخير بس شكلوا فيه زحمة يقولي النظام لايستطيع عاود المحاوله ..الله يفرجها بس ايش قصه التقديم اللى على مرشده طلابيه قريتوا بي المربع اللى على جنب هذا نقدر نقدم عليه واعيد الله يعطيك جميع ماتتمنى ويرزقك السعاده والبركه فيها ويكفيك شر الدنيا اللهم امين |
يعني انتِ مسجلة بالنظام ووضعك بالسليم " زين الحمد لله " كنت على بالي انك ما سجلتي بالنظام ..
إيه الموقع معلق حاولي مرة ثانية لين يفتح معك ... أنا للحين ماقدمت قاعدة أنتظر يفتح معي والله يوفقنا جميعاً أما الاعلان حق وظيفة المرشدة الطلابية قديم .. هذا كان العام اللي فات " وهالسنة ماأعلنوا عن تقديم جديد له و الله يسعدك على هالدعوات الحلوة يا أختي :hعطيتين جرعة تفاؤل ..ولكِ بالمثل آمــــــين يا رب ..ويرزقك بالوظيفة عاجلاً آميـــــــن:w |
بسم الله الرحمن الرحيم
السلام عليكم ورحمة الله وبركاته تقبل الله صيامكم وطاعتكم بنات بنات الي مافتح معها الموقع تجرب الضحى تصحصح كذا من النوم وتصلي الضحى وتدخل باذنه الله تعالى يفتح وعقبال الترشيح اما عن الترتيب انا حطيت الأقرب لي الشرقيه بعدها وسط المملكه والشمال واخر شيئ الجنوب ياربي يكتبها لي هذه السنه كملت 12 عطاله وباذنه اخر سنه واتعين الله يوفقكم بنات ويسهل امركم وانا معكم |
السلام عليكم
الله يوفقنا يارب بسالك سما انتي اعداد وايش المناطق اللي بشمال والجنوب اضافتيها وهل سالتي عنها
|
اقتباس:
السلام عليكم ورحمة الله وبركاته كل عام وانتي بخير اختي لحظات وتقبل الله صيامك وطاعتك انا ياطويلة العمر جامعه وحطيت المناطق كلها بدايه بالشرقيه الحفر مرور بوسط المملكه الوادي والدوادي ومن بعدها الشمال وبيشه كانت قريبه لي متوظفه فيها اداري وتبوك والعلا واخر شيئ الجنوب الوسط عند الرياض قربيه منها والشمال ماعرف شيئ عنها مجرد معلومات عامه اما الجنوب ماعرف شيئ مجرد بحثي بالنت على العموم الله يستر علينا ويسهل كل عسير |
وعليكم السلام وانتي بصحه وعافيه يارب اللهم امين واياك
|
السلام عليكم ورحمة الله وبركاته
انا اقتصاد منزلي وتربيه فنيه اعداد المعلمات ومخبرة كفايات ومجتازه وكل ماقدمت يطلع لي مربع لاتوجد وظائف لدرجتك وتخصصك الله يكتب الخير للجميع وش الدبره:Looking: |
انا قدمت بس ما في تغير المناطق ليش الله يوفق الجميع
|
صباح الخيرات .. شلونكم .. وينكم .. لايكون تسوون سمبوسه ولا بالمطبخ
تعالوا نتشاور ونسولف ... مثل باقي هالتجمعات الله يرزقنا كلنا ياارب |
الله يوقفنا ويرزقنا جميعا يارب فينكم يابنات
|
السلام بنات أخباركم وينكم ليش نايمين
|
افا يالعلم محنا نايمين :d وش تستسووون ان شاء الله بهالايام الفضيله ربي يرزقنا ويفرحنا جميعا ...مع ان الاحتياج قليل
وكأني سمعت ان اخر نقطه للاقتصاد جامعيه وصلت 80 فماادري صح او لا ؟!!:do5h: |
تقريبا انا زيك سمعت والله العالم طيب تتوقعون تنزل النقاط والا زي ماهياا في 90و80 وحنا اصحاب 70 و60 نحط ايدنا على خدناا
|
يسعد لي صباحكم حبياتي
كيفكم يا الاقتصاديات ربي يسهل امركم وتفرحون بالتعين يارب انا تخصصي تغذية وعلوم اطعمة ومتعينة لي سنتين بالقنفذة اللي عندها سؤال او استفسار تتفضل |
هلا اسيره انا كمان تغذيه ونقاطي 75 عندي امل بالله ممكن يطلع اسمي هالسنه بس متخوفه من المقابله واسئلتهم اليوم ابحث عن اسئلة البنات حصلت سؤال انواع الكيك صرت كذا😒انتي بشريني كيف كانت مقابلتك والاسئله
|
اقتباس:
ابشرك دخلت المقابلة ووكلت امري لله يسئلونك اسئلة سهلة في نفس التخصص ولاتشيلي هم واحلى شي بتخصصنا كله من الحياة والواقع وخليك واثقة من نفسك اطلعي على المناهج الجديدة للاقتصاد المتوسط والثانوي والابتدائي على حسب شهادتك وربي يوفقك وخلي قلبك حديد :w:w:w |
السلام عليكم
انا مختبره قياس قبل سنتين ومتخرجه بتم السنه السادسة وادخل السابعه بقوا طفشت من البيت وأبي اتووووظف :( بس الاحتياج مو متوفر بمنطقتنا كنت ابي اقدم ع الجنوب لأن فيه وظائف متوفره كثير بس ربي يعين اهلي رفضوا اروح لبعيد ~ متألمه وربي مرات احكي لنفسي ياليت مادخلت التخصص هذا :/ ربي يوفق الجميع |
أسيره ربي يوفقك دووم :p
كم كانت نقاطك من تتوظفي ؟ :ash: |
بنات ايش كتبتوا مناطق في الجنوب اللي كتبت
|
| الساعة الآن 05:17 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين