تعرفون سوق طيبة والعويس ؟؟
أكيد تعرفونه زين
هالسوق مركزي في الرياض ، وأغلب اللي يجون من برا يقصدونه لمقاضي الذهب والحفلات والمناسبات وغيرها .
تصدقون هالسوق على كبره مافيه محل واحد يمون العمال والزوار !؟ يعني مافيه محل ( كوفي ) . كل اللي فيه محل ( بوفيه ) متوزي بآخر السوق وشكله يسد النفس

اما الجهة اللي مقابل العويس ، وهي محلات الذهب فمافيها ولا حتى ريحة قهوة !

الفكرة . تستأجر لك كشك في الزاوية اللي على الشارع بين محلات ذهب طيبة والمواقف المقابلة لعويس . الكشك هذا يكون شكله نظيف وجذاب مثل محلات ( قهوة الطريق ) اللي بالمحطات . تبيع فيه قهوة بانواعها ، حليب ، عصيرات ، اشياء خفيفة للافطار كالسنتدوتشات وغيرها ..
وموقعه هنا ممتاز ، فهو متوسط بين اكثر من 3 اسواق ، ومتوسط تماما بين محلات الذهب ، ودوام السوق فترتين 9-2 -- 4-11 . في الأيام العادية .
وكل المطلوب كشك بشكل انيييق وجذااااب ، وعامل + أنت ، او عاملين وانت اشرف عليهم . والتموين هات بالجملة وتوكل على الله .

واللي يبدأ بهالمشروع عندي له افكار خيالية . بس هو يبدأ واحنا نعينه بعد الله .
وعلى فكرة ترى المشروع قابل للتعدد يعني يقدر 6 شباب يتفقون على شكل واحد للكشك ويوزعونه على زوايا السوق ( طيبة والعويس ) وبيلقون خير ان شاء الله .



وبالتوفيق ياشباب .



. . .
اللهم ان كنت تعلم حبي لخير عبادك الذين لا اعرفهم فاشفي اخي عبد العزيز واهده سواء السبيل . يارب اقر عينيْ والديّ بشفائه قبل أن يرحلا وفي نفسيهما حسرة .