|
سر النجاح اليمني التجاري ..والفشل السعودي
السلام عليكم ورحمة الله وبركاته ,,
نلاحظ أن المحلات اليمنية قلييل تفشل او تقفل , ونلاحظ ايضاً تخصصهم بأنواع معينه من التجارة , راح احاول ابين بعض النقاط الي شفتها .. يحكيلي احد الاشخاص عن شخص قريب له مستأجر محطه بنزين على اطراف المدينه .. يقول ان هذا الشخص يشرف على عمله بنفسه وعنده عماله يعطيهم بالراتب , ويحط لهم تارقيت مبيعات اذا تجاوزوه يعطيهم مكافآت اضاافيه على الراتب . المشكلة الاولى ماقدر يدير البقاله ابد , البقاله من اصعب الاشياء الي تديرها لأن فيه مافيا هنود موزعين , وصعب تجلس بالبقاله 24 ساعة تنتظر الموزع عشان تشرف على العمليه , والعامل حاول بشتى الوسائل انه يبيعه البقاله وانتم تعرفون هذي المواضيع .. لكن المشكله مش هنا .. المشكله بالبنشر الي ماقدر يشغله ومشاكله تزيد يوم عن يوم , والغريب ان فيه شخص يمني يجيله كل فتره ومصر انه يستأجر البنشر , وكل يوم يحاول يقنعه , والغريب ان المبلغ المعروض اكثر من الي يدخله هو اصلا من البنشر , لكن هو كان يرفض لسبب انه مايبي يأجر البنشر عليهم ويخربون عماله البقاله بعدين يخربون عمال المحطه والمغسله ..بالنهايه طلب من اليمني انه يجي ويجلس معه ويتفاهمون , قاله ليه انت متمسك بتستأجر هذا البنشر ؟؟ قاله شوف , انت مهما اشتغلت ماراح تقدر تشتغل مثلي , السبب أني مستأجر كل البناشر الي حولك , واغلبها تبعي , عشان اضمن اي واحد من هالاحياء السكنيه الي قريبه من هالمنطقه يبي يغير زيت بالنهايه بيغير زيت عندي , اذا ماعجبه هذاك البنشر بيجي للثاني وكلهم تبعي , النقطه الثانيه , كل بنشر جديد يعتبر نقطه مبيعات بالنسبه لي وبالتالي اشتري بالجمله اكثر ويطلعلي ارخص .. طبعا صاحبنا ما سأله كيف راح يقدر يضبط الموضوع مع العامل الي بيحطه ايش جنسيته او كيف راح يتعامل معه بالراتب لكن هذا راح نعرفه من قصه ثانيه .. احد الزملاء دخل احد محلات الادوات النحاسيه .. كانت مجموعه محلات جنب بعض , واحد المحلات فقط الي فيه شبكه , واذا اشترى من محل يقدر يحاسب بالثاني بالشبكه , سألهم كيف تشتغلون انتم ؟ قالوله صاحبنا واحد اصلاً .. لكن هو مستأجر كل هالمحلات , والبضاعه كلها له , انا اجي من البلاد مامعي شي , واتوظف عنده بدون راتب , لكن يعطيني محل وبضاعه , ولي نسبه من كل شئ ابيعه , وهو يجي نهاية الاسبوع ويجرد علينا محل , محل , اما الموزعين فكلهم عن طريقه ولا نقدر نتكلم مع احدهم او طلعني برا المحل !!! احد الأصدقاء كثير الذهاب للصين , يقول آخر اليوم نجلس في مقهى مع التجار اليمنيين الي شغلتهم الشحن وندردش , يقول انهم لهم بهالشغله سنواااات , كل مكتب تلاقيه متخصص ببضاعه معينه , يشتريها ويشحنها للسعوديه لتجار يمنيين معينيين في جدة , هم يستقبلونها ويخزنونها في مستودعات , بعدين يجونك شباب كثير من اليمن يبون يشتغلون , كل الي عليهم يبحثون عن كفيل ضامن من التجار الي بينهم ثقه او قرابه , ويفتح محل في اي مكان في المملكة , وتوصله البضاعه لحد عنده وتملى المحل بدون يدفع ريال واحد , فقط عليه يجهز المكان والمحل والبضاعه بالطريق , ويسدد لهم بالبيع والي مايبيعه يرجعه , وهكذا حتى يوقف من نفسه ! احد مطاعم الرز المشهوره في الرياض واللي لها فروع , لو تدخل تحصل الكاشير يمني (يلبسونه شماغ ويشخص بالطريقه السعوديه ) والمباشر يمني , والي يطبخون يمنيين , حتى معلم المقبلات الشاميه يمني , والكنافه كذلك , واذا طلبت شاهي يجيك ( كبوس اليمني ) ... مره كنت اشوف التلفزيون مع واحد من الشباب , جاء اعلان لمنتج سعودي نسيت ايش اسمه , قالوا بالاعلان ادعم بلدك , جلس يضحك الي جنبي قالي أما بشتريه بس عشانه سعودي ! قلت له اضحك على خيبتك والله ! هذا المنتج فلوسه تروح كلها لمواطن سعودي , راح يصرفها كلها هنا بديرتك لبقاله و لورشه ولمؤسسه مقاولات و لمطعم سعوديات , ماراح تطلع برا كلها .. هالفلوس الي تدفعها راح ترجع لك او لأخوك بطريقه او بأخرى , زي ما اليمنيين يسوون .. الواحد تحصله يوقف عند شاب يبيع جح على الرصيف او دهن عود عند مسجد ويجلس يكاسره على الريال , وبعدين يقول والله الشباب مايبون يشتغلون , لا والله انت الي ماتفكر الا بنفسك , والريال الي معك تحسب انه بيدوم لك , و لا تعتبر نفسك تحب ديرتك ما دمت مستعد تدفع 4 ريال لهندي ولا تدفع 5 لسعودي .. الموقف الاخير , احد الاشخاص تعرف على منتج سعودي قيمته ريال مشابه للسفن أب اسمه ( ليمو- ون) , نفس الحجم والطعم للسفن اب وبالنسبه لي والله انه اطعم واطيب ومكتوب عليه منتج سعودي , صار يجيبه من البقاله اذا صار عليه العشاء , هل تدرون ايش ممكن الناس تقول عنه ؟ يقولون يجيبه عشانه ارخص وهو نيته يسوي له دعاية !! |
التجار اليمنينن متكاتفين وتهمهم مصلحة أبناء جلدتهم,
أما تجارنا غالب عليهم الطمع والجشع يستغلون أي مناسبة لرفع الأسعار ولاهمهم بالموظفين اللي يشتغلون عندهم أو بالشعب السعودي المستهلك أهم ماعندهم مصلحتهم وبس. أحسنت على الموضوع المميز. |
كل اللي ذكرته صحيح
انا رحت لمحلات كثير تبيع بالجملة اذا سألت محل منهم وماعنده المنتج اللي تبغاه متوفر , يدلك على محل قريبه او صاحبة او ممكن يكون له مثل ماذكرت تروح تشتري منه هذا هو نظامهم ويوم تروح للمحل الثاني يكونون عارفين انك مرسول من المحل الاول هم يتعاونون الاقارب منهم والاصحاب ويفتحون محلات تنتفع ببعض او شخص واحد يفتحها ويشغل معارفه معاه انفع اخوي احسن من انه انفع الغريب والمنفعه متبادلة مثلا يفتح محل اقمشة نسائي + يفتح محل خياط نسائي + يفتح محل ادوات ومستلزمات الخياطة + محل مكاين الخياطة يفتح محل قرطاسية + يفتح محل خدمات طالب + يفتح محل خطاط ورسام + مورد بالجملة تروح للاول تاخذ اللي تبغاه واللي ماتحصله عنده يقولك روح للمحل الثاني وهكذا واحيانا من غير ماتطلب يبدأ يسوق للمحلات الثانية يقولك اذا تحتاج كذا وكذا انا ادلك على محل واحد صاحبي او انا متعامل معاه روح له وهذا اللي انصح فيه الاخوة والاخوات الشباب والشابات السعوديين اللي حابين يفتحون مشاريعهم تعاونوا على البر ابحث عن محل تنتفع منه و ينتفع منك وتعاونوا . مشروعك مطعم تعاون مع محل خضروات و محل لحم الخ سعودي وهكذا خصوصا المشاريع الصغيره الجديدة تحتاج مساندة اسند اخوك يسندك . لايغرك كلام تجار الجملة احنا نعطيك الافضل وباحسن سعر واحنا ماسكين السوق الخ ترى نفس الشي اللي يبيعه لك الاجنبي يبيعه لك السعودي وبنفس السعر اذا مو افضل والحين طرق الاستيراد من الخارج سهله ماتحتاج تضيق على نفسك مافي شي يجبرك تاخذ من تاجر واحد |
مرحبا
تعاملنا مع اليمنيين في مجالات كثيره ومالقينا منهم الا الخير اهل تجارة ولهم باع طويل في مجال الاستيراد والتوزيع وسر نجاحهم مثل ماقلت في التكاتف يدخلون باسهم في مشاريع كبيره في كل المجالات وكم اتمنى ان نجد هذا التكاتف والتعاون مع ابناء البلد الحل لتوطين الشباب السعودي في سوق العمل يبداء بدورات للخريجين دورات استيراد وتجارة جمله وتوزيع .. وقرار سيادي بحصرالاستيراد وتوزيع الجمله لسعوديين فقط من هنا سيكسب البلد توطين ابنائه في اهم مفاصل التجارة وجودة المنتجات ستكون افضل مماهي عليه الآن |
ليت قومي يعلمون :(
|
الحل لتوطين الشباب السعودي في سوق العمل يبداء بدورات للخريجين دورات استيراد وتجارة جمله وتوزيع ..
وقرار سيادي بحصرالاستيراد وتوزيع الجمله لسعوديين فقط من هنا سيكسب البلد توطين ابنائه في اهم مفاصل التجارة وجودة المنتجات ستكون افضل مماهي عليه الآن |
الموضوع جدا جميل
بين سطوره في اسرار مهنيه ما راح يلاحظها الا اللي مخه مركز صح عجبني الموضوع اللي يحكي عن حنكه وذكاء تجار اليمن وليس غريب فهم ابناء تجار وسلاله تجار ولهم باع طويل بالتجاره منذ رحلة الشتاء والصيف والاككيد انهم انغمسو في هالمهنه ابا عن جد وسلاله عن سلاله حتى اكتسبو هالخبره اتمنى هالموضوع يفهم كما اراده صاحب الموضوع ولا يفهم بطريقه خاطئه احترامي للجميع |
اقتباس:
|
هالجنسية هذي من حسن حظنا انهم مايخلون حريمهم يشتغلن
لكان بناتهم حاربن بناتنا بعد ويمكن هذا سر نجاح المشاريع النسائيه عندنا آآآه منهم بس مثل الفيران اذا شفتهم ترحمهم واذا راحوا من عندك عثوا بالبلد لكن يبي يجيلهم يوم ( إِنَّ رَبَّكَ لَبِالْمِرْصَادِ ) ويبي الله ينصر شبابنا عليهم كلامي هذا للئيم منهم اما التاجر الاجنبي الصالح الي مايحسد الاخرين ولايضيق عليهم والله ونعم فيه والله يبارك له في رزقه بصراحه ياليت لو انشئت جهة حكوميه تتبع لوزارة العمل والتجارة والاقتصاد الي يدير الجهة هذي يكونوا تجار سعوديين متمكنين (تجار صادقين ويخافون الله) اكيد لازم يرشحونهم الناس ومستشارين والهدف منها توفر محلات لشباب في جميع انحاء المملكه تدعمهم في جميع الانشطة التجارية معنوياً ومادياً مثلاً الشاب السعودي عليه يوفر المحل والتاجرالمسئول يمده بالبضاعه تاصل لحد محله واذا تعرضتهم مشاكل يرحون للجهة هذي ويعرضونها على المستشارين هناك اما انه يقفل محل المتمرد هذا او يغرم طبعاً الالتحاق بالعمل يكون بدون شروط مثل التدريب وخلافه لان العماله تجي للبلد ماتعرف شي ويتعلمون اثناء ممارسة النشاط التجاري الفرصه مفتوحه للجميع وحاجه ثانيه ملاك المحلات التجاريه الي في المولات وغيرها تفرض عليهم الجهة هذي انهم يرخصون اسعار الايجارات لهؤولاء الشباب كدعم معنوي لهم المهم بطريقة هذي نضيق على كل عامل يحارب شباب الوطن ياااااليت تتحقق الامنية |
اضمن لي الموزعين للبضائع يكونون سعوديين فقط وراح تشوف نجاح السعودي في التجارة
|
اقتباس:
معروفين انهم عصابات ومافيا سيطروا على كل شئ ورفعوا اسعار الايجارات وضيقوا على الشباب وسالفة ماهي سالفة تجارة هي عبارة عن غسيل اموال وهذه المحلات والبضائع والعقارت هي تغطية لاعمالهم المشبوهة اتمنى ان حكومتنا تراقب اعمالهم الغريب في الامر انهم يدفعوا ايجارت اكثر من غيرهم ويغرون صاحب العقار غير كذا يدفعون تقبيل على محلات صغيرة تصل 300 الف و400 الف هذا اكبر دليل على ان اعمالهم مشبوهة تحياتي |
موضوع جميل وكما ذكرت وذكر الاخوان في الردود من الصعب نجاح السعودي بسبب امرين :
1- الاجنبي يشتغل بنفسه وحلاله قدام عينه . 2- الاجنبي يأخذ بضاعة الجملة من ابن بلده جميع تجار الجملة والموردين اجاااانب ولكن هل وزارة التجارة تجهل ذلك ؟؟ بالتأكيد لا ولكن لاحياة لمن تنادي |
شكر لك من شارك في هذا الموضوع ...
اولاً .. ارجو أن الموضوع مايخرج عن مساره .. وليس المقصد اننا نقلل من اليمني , بالعكس كل جنسية فيها الطيب والردي , واليمنيين يشتهرون بالامانه وهم اهل تجاره التجزئة .. ولو رحت للبناء تلقى المصريين , ولو رحت للأعمال اليدويه تلقى الباكستانيين .. التموين عند الهنود ... الخ ثانياً .. ليس المقصد من الموضوع ايضاً اننا نناقش تعديل بالقوانين والانظمة عشان ندعم السعوديين .. هذا مطلب جيد ولكن الكثير والكثير من المواضيع تناقشه .. الي ابي اناقشه هنا موضوع مختلف تماماً .. انا اتكلم عن الــــــــــــــــــولاء لإبن ديرتك .. الثقة المتبادلة بين التاجر والتاجر ,, والتاجر والمستهلك .. بمعنى .. بما ان الشريحه المستهدفه كلها في المملكه هي بالنهاية من السعوديين , لو كان السعودي يستهدف التاجر السعودي لإنحلت 99% من المشاكل بدون انظمة !! من ابسط شئ , لأكبر شئ .. اذا كان الشخص ينزل بالمطار ويجلس يسعر بين التكاسي الاجانب عمرنا ماراح ننجح , اذا ماكنت تتجه لإبن بلدك مباشره وتركب معه وتشجعه وتدعمه ولا تفاصله بالسعر وتضيق عليه .. ليه مطاعم الرز تجيب شاهي كبوس اليمني ؟ هل هو ارخص ؟ لا طبعاً .. فيه ارخص منه شواهي انواع واشكال , وشواهي سعوديه بعد , لكن هو اولاً بينفع ابن بلده , وثانياً اذا شربته واعجبك ممكن تشتريه لبيتك ويسوق له , ولا حتى يغبي هالشي عليك بالعكس يفتخر به .. تصفح المنتدى هنا تجد كل واحد محتفظ بأفكاره لنفسه ولا يبي احد يستفيد منها .. اذا كان هو بيطبقها الله يرزقه , لكن اذا كنت ماراح تطبقها خل احد يستفيد منها .. حتى على مستوى تبادل الخبرات تلقى شح في المعلومات , ما احد يفيدك الا بصعوبه وكأنك بتقاسمه رزقك , وهذا غير صحيح , الرزاق بالسماااااااااء قلما تلقى موضوع احد يبي ينشر تجربته للفايده , ماتشوف هذي المواضيع الا فقط اذا واحد يحتاج شريك جلس يعرض مميزات المشروع الي بيطرحه .. خلاف ذلك قليييل تلقى احد يشارك تجربته ..للأسف ليه مانشوف تجاره معينه يسيطر عليها السعوديين ؟ ختاماً .. صديق لي يشتغل في المطاعم , اي احد عنده اي استفسار عن المطاعم ممكن انقله التجربه , والله من وراء القصد |
موضوع يستحق التأمل فيه للعمل مستقبلا ...
|
سؤال
لماذا الغير سعودي لا يحب ان يكون السعودي شريك |
موضوع أكثر من رائع من ناحية التسلسل والفكره والهدف اليمنين في السعوديه
الهنود في الإمارات المصرين في الكويت المشكله مش في اليمنين والهنود والمصرين المشكله انه نحن لا وصل الشخص لقمة نجاحه نبي نكون هذا الهندي أو اليمني بس مانضرنا لبداياته او يوم بدا من الصفر صاحب الموضوع تكلم في عدت نقاط إلا وهي البناشر اللي سواه اليمني بيسويه كل شخص ف الأخير أنا تاجر وابا استفيد محلات الجمله وأنهم يوظفون بني جلدته وينزله بضاعه بدون مايدفع فلس من باب إذا شرد او سرقني بقدر اوصله في السعوديه أو في بلدهم يعني ماله مشرد السعودي لو نزله بضاعه وسحب عليه السعودي مايقدر يسوي شي فالأفضل بني جلدته من ناحية فكرة الدورات انا معك انه يعطون المواطن حوافز وتشجيع ويحاولون يدخلونهم تدرجين لسوق وفي الأخير. . . . . المثل يقول أعط الخبز خبازه لو بياكل نصه |
السلام عليكم ورحمة الله وبركاته ,,
أنا أقولك ليه السعودي في الغالب ما ينجح وأنا أتكلم عن تجربة شخصية بسيطة فقط .. للأسف وكثير أجدها عندنا حسد غير طبيعي في التاجر السعودي لماذا لا أعلم .. مثلا أعطيك مثال بسيط أنا أعرف مندوب جوالات يعطيني بسعر الجملة مو ذاكر أيش الجوال بالضبط ولكن لنفرض سعر الجوال في السوق 1000 أنا أقدر أجيبه 900 أو أقل , أذكر مرة من الأهل يبون يشترون جوال وهو نفس السعر قلت لهم عندي واحد بعطيكم اياه بسعر 950 ريال بحيث أستفيد مبلغ رمزي ما أكذب عليك قالوا غالي تخيل ! والمصيبة روحوا وأشتروا من المحلات بسعر 1100 مثلا يعني شفت الفرق أنا أرخص ولكن ما يريدون لك الخير .. أنت اذا يجيك من أقرب الناس فما بالك من الغريب !!! أما بالنسبة لليمني وأنا شفتها كثيرة وسألت الأغلب كثير يردون أحنا نتعاون مع بعض يعني هذا يشيل هذا التعاون هو أساس أستمرار العمل وهذا نقطة بسيط من نقاط لا أعلمها وأكيد غيري يعرفها طبعا أتكلم معك بكل أختصار وفق الله الجميع |
يد الله مع الجماعة
السعوديين بينهم حسد مو طبيعي ولا أحد يقول لي لا تعممي ، لأني شفت هالشيء بعيوني إذا سمعوا بوظيفة ما يعلموا بعض، إذا واحد فتح تجارة يسترزق منها ذموه حسدا وما اشتروا منه، اذا قال عندي مشروع من يدعمني؟ يا طنشوه يا نصبوا عليه، إذا قلال عندي مشروع من يشاركني؟ يا يطلع الشريك أهبل ومسوي فيها أبو العريف يا يطلع نفسية وتلعن الساعة اللي شاركته فيه عندنا كل واحد يبغى يصير مدير ولا يريد أن يدار ، حتى لو أنه دوبه متخرج من الثانوي يبغى يصير مدير، مدري من اقنعه أنك إذا صرت مدير بتحصل ثلاثة أرباع الرزق !! أضف إلى ذلك أن الجهات الداعمة للمشاريع معقدة الشروط، تقولك اذا تبغى قرض لازم يكون عندك خبرة في المجال طيب أنا ما اتيحت الفرصة ليكون عندي خبرة وما في جهات ممكن اتوظف عندها ويصير عندي خبرة ! والا حكاية كفيل غارم وإلا الضمانات أنا عاطل ومنتف من فين ادبر لكم شي يضمن حقكم ! حكاية أن نصير مثل اليمنيين فيبغالنا سنوات لنزرع الثقة بيننا وسنوات لنشتغل مع بعض وسنوات لنفيد بعض ولا يغير الله بقوم حتى يغيروا ما بأنفسهم |
اقتباس:
|
فعلاً هم اللي مسيطرين ع سوق
للأسف وأعمالهم مشبوهه مره في بائع متجول ببيع عسل وحاط معه اعشاب وادويه يقول يشفي من جميع امراض وكريمات لتبيض بسوق طيبه بالرياض قلت له هذي الاشياء تسبب فشل كلوي وأمراض خطيره ضحك وقال وش دخلك وخلهم تفشل كلاهم وللأسف يمشي وحريم يشترون |
تعجبني المواضيع الي مثل كذا انا جنبي سوق الشمال حق الخضرة والسمك بالمروج جيته كذا مرة ارخص من العثيم والبساتين ثاني شي فيه فرص عمل بالسوق مثل اللي ينقل خضار عطن دنه وواحد انقل له انتاجه وخلاص دع القيادة لنا
|
أنا أتفق مع الشخص الذي ذكر أنهم لايشترون من السعودي ويشترون من غيره وأنا لا أعلم هل هو من باب الحسد كما ذكر الأخ أو هو من باب ثقتهم الزائدة في الأجنبي وعدم الثقة في السعودي مع أن الأجنبي ينصب عليهم وهم مبسوطين ولعلي أسوق هنا مثالاً حصل ورأيته بأم عيني وهو أنه كان هناك شخص أجنبي مستأجراً لبقالة وكان الناس يشترون من عنده بكثرة على الرغم من أن أسعاره غالية ولكن لا أعلم ما السر؟ بعد ذلك اغتنى الأجنبي وسافر لبلاده واستأجر مواطن البقالة وعمل فيها وكانت أسعاره رخيصة جداً ومع ذلك نفر الناس منه وتوجهوا للبقالة التي بجانبه والسبب لأن البقالة التي بجانبه صاحبها أجنبي بالإضافة لذلك أن الموزعين للمواد الغذائية كلهم أجانب وينزلون البضاعة بسعر لبني جلدتهم والمواطن ينزلون له البضاعة بسعر أعلى وأحياناً لايمرونه بالإضافة أن الموزعين يتعاملون مع بني جلدتهم بالآجل بينما المواطن لابد أن يدفع الثمن كاش
|
يعطيك العافيه اخوي على الموضوع المميز الي فعلنا بحاجة لمثل هذي النقاشات ...
انا مره حضرت دورة تتكلم عن المشاريع الصغيره للدكتور احمد حميده ويتكلم عن الاجانب وصدمني الصراحة هو ان 5% من المحلات الموجودة في الغريبة فقط باسامي اجنبيه وملكه اجانب ام 92% من المحلات بسامي سعودين ويملكه اجانب !( اي اسم سعودي فقط ويستلم مبلغ رمزي من الاجنبي كل شهر ) والمتبقي اصحابه سعودين ويملكونه سعودية اي 3% من المحلات الموجودة في الغربية فاصرحة شي يخوف ... وعندما نتحدث عن الاجانب وو الخ فالسبب الكبير هو من نفس الشخص السعودي بدل مايتعب ويكسب خلاص كل شهر اخذ مبلغ واريح نفسي من التعب وغيره ... هذه هو التفكير السعودي يبغى الراتب او مبلغ كل شهر بدون اي تعب أنا ماعمم ولكن الاغلبيه عندنا في الغربية ........................... راح اقول لكم قصة حقيقه للاسف عندنا في مكة محل مشهور للبرقر في مكة فقط 17 فرع مشاءالله تبارك صاحب المحل سعودي والي يملكه سعودي وصافي ربح في الشهر للمحل الواحد 12 الف ريال جاء له اجنبي قال له اسمع ليش تتعب نفسك انا استلام المحلات كله وانت مالك دخل ولا في شي وكل شهر اعطيك 2000 ريال على كل محل اي كل شهر يكون في جيبك 34000 الف ريال وانت جالس في بيتك ولا تتعب عمرك ولا حاجة ولا يمهم المحل ربح او خسر .... انبسط السعودي وافق على العرض الي جاء له واستلام المحلات الاجنبي وبدأ في شغله ... الاجنبي بدل مايبيع فقط برغر صار يبيع الان كباب ايضاً والكباب هو نفس البرغر ههه يذوب البرغر ويحطه في اصياخ وصار كباب فا لو حسبنا صافي الربح للمحلات الان على الحسبة القديمة راح يطلع الربح السنوي ل 17 محل 2448000 ميلون ريال ولو طلعنا حق السعودي الي سلمه للاجنبي يطلع حق الاجنبي 2040000 هذه مكسب الاجنبي أنا ماكتبت هذه اله عشان نعرف ان الاجنبي يكسب مبلغ مهوله وحنا ناخذ شي بسيط فقط عشان اعطينا اسمنا للاجنبي فقط والحكومة ماقصرت مانعت الاجانب من فتح محل باساميه إله بشروط معقده وهذه للدعم الشاب السعودي ولكن المشكلة فينا ننحن كأشباب .................. وبخصوص ان الشعب يحب يتعامل مع اجانب افضل من السعودي فاهذه صحيح للاسف وانا مجرب هذه الشي .. انا عندي مكتب استيراد من الصين في الصين وانا الي اديره بنفسي مع الموظفين ولي خبره 6 سنوات وعندي للغة صيني كتابة وتحدث :wa.. ولكن اغلب الي اتعامل معهم من دولة اخرى مثل الجزائر وليبيا للاسف .. السعودي اول مايعرف ان المكتب هذه صاحبه سعودي على طول يشرد ولا يفكر يتعامل معك يتعامل مع اليمنى وغيرهم من الجنسيات .. وفي بعضهم يتعبك وتروح وتجي معه وفي النهائية يروح للاجنبي ويتفق معه ويسحب عليك ... واغلبهم اعرفهم صار لهم عملية نصب من نفس الاجانب الي تعاملو معهم .. القصص والكلام يزيد بخصوص هذي النقطه ولكن لي رجعة باذن الله للموضوع والنقاش هذه فاهذي مشكلة متعبتنا جداً تقبلو مروري |
--------------------
ماوقفت على اليماني . ياكثر يمنيين فشلوا وياكثر يمنيين بالسجون بسبب الديوون فالسعوديه انت تاخذ فقط التجارب الناجحة . المسئله نسبية . تجار من قديم الزمــــــــــــــــن . فيه شعوب اشتهروا فالتجاره من قديم الزمن (اليونانيين - اللبنانيين - اليمن -الافغان - الهنود ) |
الفرق واضح
الجدية شبابنا حماس فترة ويسحب اما اليمني ما يقدر يسحب لانه بيموت من الجوع |
اقتباس:
كلامك سليم |
شكراً لكل من شارك بالموضوع , وحتى يكون نقاشنا ذو فائدة ونصل لنتيجة دعونا نقسم المشكلة ونصدق مع انفسنا قبل الآخرين ..
المشكلة من شقين أساسيين , 1- علاقة التاجر السعودي بالتاجر السعودي . 2- علاقة التاجر السعودي بالمستهلك السعودي . النقطة الأولى : 1- التجمع الرئيسي للتجار والعلاقه بينهم يكمن في إشتراك الغرفة التجارية , ماذا تقدم الغرفة للتجار فعلياً ؟ 2- هل يوجد أي تاجر كبير يقدم خدمة (حقيقية ملموسة) لتاجر صغير لا تربطه به أي علاقه ؟ مثل أن يمده بالضاعة ويصبر على السداد أ و يستأجر له الموقع؟ أو يفسح له المجال في مواقع معينه ؟ أو يأخذ بيده لطريق النجاح ؟ 3- هل التاجر الصغير يحرص على المنتجات السعودية أو المصنعة في السعودية ليفيد التاجر الكبير بدلاً من الأجنبي؟ ( الخزف السعودي , التجهيزات الكهربائية , الكنبات والأثاث , المطابخ ...........الخ ) ؟ 4- هل التاجر الصغير يقوم بتوظيف السعوديين بدلاً من غيرهم ؟ براتب ونسبة ؟ إذا أجبنا على هذه الأسئلة , يكون النقاش مفيد , غالباً الاجابه لا لكن السؤال لماذا ؟ بخصوص السؤال الثاني وعلاقة التاجر السعودي مع المستهلك , فطبيعياً لن تنجح مادامت العلاقة بين التاجر والتاجر سيئة , لكن هي ثقافة يجب أن تنتشر , يجب أن يعرف المستهلك أن الريال الذي يخرج منه يجب أن يعود له وهذا لا يكون الا بهذه الطريقة , هذا والله اعلم. أرجو أن نزيل نظرية المؤامرة من عقولنا , والتكيف على الواقع هو أهم خطوة للإنتقال للحل , يجب أن يزيل التاجر مسألة ان الزبون لن يشتري من بضاعته فقط لأنه سعودي , لكن يجب عليه أن يفكر لماذا ذهب لغيري ؟ بلا شك أن هذا الزبون مخطئ في كل الاحوال , من وجهة نظري على الأقل , والحل لن يكون عن طريق فقط نشر هذه الثقافة . ماحدث لهذه الجنسيات أنها ذاقت المر والويل من الجنسيات الثانية , وأصبح أمامهم حل واحد فقط لينجحوا الا وهو إنشاء تكتلات تعين بعضهم البعض , وإلا لخرجوا من السوق , فهل ننتظر أن نذوق المر والويل حتى نكتشف ذلك ؟ المستهلك النهائي هو سعودي بكل الأحوال , إذا لم يكن هنالك ولاء , فلا تبكي على حالك مستقبلا ً ..!! |
أخوي حمدان فهد,
بالنسبة للشق الثاني, (علاقة التاجر السعودي يالمستهلك السعودي), أشوفها سيئة جدا للغاية أيش اللي يخليني أروح للأجنبي أشتري من عنده وأترك البائع السعودي؟ أنا بودي اني أشتري من السعودي وأفيد بني جلدتي, ولكن للأسف كثير من الباعة السعوديين يفتقدون للباقة وحسن التعامل مع الزبائن سواءا أكان الزبون سعودي أم أجنبي, لماذا أذهب له وهو يحسسني أول ماأدخل بمحله وكأني أشحت من عنده مو كأني داخل له وبشتري من عنده بفلوسي, كثير من الباعة السعوديين يحسس الزبون أن له (منة) على الزبون, وحاول بس تقول له عطني تخفيض لسلعة ما بمحله وشوف وش بتكون ردة فعله معاك هذا إذا ماطردك من محله, بينما لوذهبت للبائع الأجنبي (سوداني, هندي, يمين, أو أي جنسية كانت) أول ماتدخل بمحله يبادلك الإبتسامه ولو طلبت منه تخفيض إذا ماخفض لك راح يشرح لك إنه مو باستطاعته وبنفس طيبة, شفت كذا بائع سعودي على الطريق يبيع خضار وفاكهة ونفسه خايسة وخشمه واصل لراسه ويبيع الخضرة بالغالي, بينما في نفس الطريق يوجد بائع خضرة أجنبي أول مايشوف الزبون يبتسم له ويبيع برخيص, وين تفضل؟ وين الأهم؟ كرامتك مهمة أم انك تنفع بني جلدتك أهم من كرامتك؟ للأسف هذي هي الحقيقة. |
الله يعطيك العافيه يابوحسونه ... والله انك كفيت ووفيت .. وقلت الي بقلبي ..
والله اني اعطي الهندي او اليماني .. او المصري زياده فوق السلعه .. ولا اروح عند سعودي شايف عمره .. معليش بعدين السعودي جديد على السوق والتعامل مع الزباين .. كسب مرتين يحسب انه مهب في حاجة الزباين .. والله اذكر صاحب محل سعودي يقول لواحد (( تراك نقطه في بحر )) مايفرق معي انك تشتري او لا .. بالله بذمتكم هذا رد .. انا شفته ديورت .. ورحت لليماني .. واشتريت من عنده وشوي وابوس راسه من كلامه .. حتى انت لم تشوف الاسعار مرتفعه وتتنرفز على اليماني مايقولك شي يضحك ويحاول يلطف الجو .. ويخفض لك .. اما السعودي ماله الا الوظيفه والنوم والاستراحه .. تدرون ليش !! لان ماجربنا الجوع الله لايبلينا فيه |
جنرالز & بوحسونه
إضـــــــــــــــــــــــــــــــــــــــــــافة هااااامة جداً للموضوع توضح وجهة نظر العميل , وعلاقته مع التاجر من زاوية العميل .. الآن النقاش بدأ يسير نحو الطريق الصحيح |
رديت علشان الموضوع اعجبني
السلام عليكم
كل عام وانتم بخير جميعا اسال الله ان يجعلها ايام خير و بركة و رحمة على الجميع وان يهدي المسلمين الى الخير و يصلح شانهم الصراحه كان عندي كلام كثير بخصوص الموضوع وكتبت صفحة ومستحتها ... خير الكلام ما قل ودل نقاشات المنتديات مافيها فايده بصراحه لا تزعلون مني الحقيقة واضحة اكتشفها الشقيري وتقدرون تتحققون من صحة كلامي المجتمع يحتاج الى الكثير من الثقافة و التغيير علشان يكون في تجانس مع باقي البشر السلبية بجميع اشكالها ما تعطي غير ثمار مره اي شخص من وجهة نظري يفكر باسلوب عنصرية وطبيقية بيكون سبب في استمرار المعاناة للجميع لان كسب الثقه مو شيء سهل النجاح بيجي بالتعاون و بالعدل و حسن التعامل انا ما بركز على العبارات الي كتبها البعض علشان لا ندخل في جدال ولا بناقش وجهات نظر لانها وجهات نظر لا تسمن ولا تغني من جوع الي يبغا يعرف الحقيقة يروح يتعامل مع الناس لا يسمع حكاوي وكلام و تفاهات و قصص انا يمني وامي سعودية واعرف الكثير عن الجانبين من خير و شر وكلامي في اهلي مردود لاكن نصيحتي للجميع كل واحد يوقف وقفه صادقه مع نفسه ويعرف مواضع الخلل تحياتي للجميع واتمنى اكون مفيد لكم والي يزعل من كلامي ويحب يسبني ياخذ راحته لاني اعرف ان الكثير خلف الشاشات يحتاجون علاج نفسي |
مافهمت شنو فكرة موضوعك
|
بالنسبة لي فأنا أحب التعامل مع اليماني على أن أتعامل مع المصري والشامي اليمانية أقل شي فيهم مرجلة ومجتمع قبلي يحفظ الجميل ويقدر الخوي ويتجمل في المواقف بعده يجي السوداني لأمانته واحترامه للناس المصري أو السوري لو تجملت معاه أو أكرمته وكنت طيب معاه فسيرى هذا بابا جيدا لانتهازك أو الاحتيال عليك |
daherey
قرأت ردك أكثر من مرة ياعزيزي , ولم افهم المقصد منه , على كل حال إذا كنت تختلف معي في موضوعي , فأنا أوردت عدة نقاط , إذا كان لديك أي ملاحظة على أي منها فمرحبا بك .. خالد الحرف .. كل جنسية سواء فيها السعودية أو اليمنية أو أي أخرى فيها الصالح و الطالح , وليس هذا محور نقاشنا , نحن نريد نقاش نستشف منه كيف نطور من أنفسنا حتى نواكب المجتمع المحيط .. على سبيل المثال , لو تستطيع أن تنجح في اليمن لو ذهبت هناك ؟ آمل ان الصورة اتضحت |
عش رجبا ترا عجبا...
|
والله انا مجرب وفتحت ثلاث محلات وقبلتها والحين من انجح المحلات في السوق بعد مامسكه الاول هندي والثاني يمني والثالث باكستاني بس السعودي محارب قسم بالله العظيم كان عندي محل العاب ومحل جوالات وكمبيوتر ومحل ملابس نسائية جاهزة الموزعين لايدعمون السعودي انا كنت استعين بيمني عشان اخذ بضاعة بنفس السعر الي تباع له بس ثلاث مرات واخر شيء كرشني وتعبت من الدوران والشحته ورى الموزعين مايثقون في السعودي او يحسدوه كنت اشتري كاش اي بضاعة بزيادة عن الموزعين عشرين في المئة تقريبا
وعندي اخوي فتح بقاله وكان يطارد الموزعين عن البقايل عشان ينزلو له البضائع بالاجل للتصريف وبعد جهد وافقت فقط شركت المراعي بشرط دفع 50 في المائة مقدم وقبلها لهندي وشغاله الان زي الحلاوه وجميع الشركات تنزل عنده هذا الكلام كله بجدة حي السليمانية |
السبب في هذي المشكلة وزارة العمل ووزارة التجاره والدوله مافكرت في شيء غير البترول مليارات تتحول يوميا لخارج البلد مافكرت في توظيف الشباب بالتجارة الحل سهل جدا ويبيله صبر فقط
اولا فرض عقوبات على التستر التجاري بالسجن خمس سنوات وغرامة عشر ملايين الحد الادنى واستحداث فرق مراقبه وبحث عن المتسترين وجمع المعلومات لادانتهم ومنع جميع الاجانب من تجارة الجملة وانشاء شركات سعوديه مائة بالمائة للجملة بدعم ومتابعه حكومية حتى يقف الشاب ويتعلم التجارة ثانيا اي اجنبي بعد عمل اربع سنوات لاتجج اقامته ويسافر ويمنع من القدوم للعمل لمدة 4 سنوات الا للحج والعمرة فقط ثالثا توطين محلات الاجهزة بكافة انواعها لانها فيها دخل كبير رابعا توطين محلات البيع بالتجزئة البقالات والتموينات خامسا توطين جميع الاسواق بعاملات نسائية وعطائهم نفس رواتب الاجانب الان 7000 ريال القبض على جميع الاجانب الموزعين حقين الباصات مجهولي البضائع ماتدري هي شركة وهميه والا رسميه وبعظهم ماعليها شعار ولا شيء هذولي الهنود واغلب بضائعهم منتهيه الصلاحيه يعدلو بالتواريخ واعادة التغليف وبيعها والمستهلك ياغافل لك الله بعد كذا تقدر تسعود جميع القطاعات اذا كان فعلا الدوله تبي الخير للشعب لابد تتحرك هذا شيء مايصعب عليها بس يبيلها حزم وانتفاضة وبأذن الله خمس سنوات والسعوديين يصبحون مثل اليمنين الان كل في تجارته ويقل الطلب على الوظائف وتنتهي البطاله وتشوف عروض الشركات لجلب السعودي لوظائفهم هذي الي ذلونا فيها الان |
قرأت الموضوع و جزء كبير من التعليقات وبعيدا عن الامور العاطفية مثل انهم متكاتفين او معاملات مشبوهه...الخ
احد اسباب النجاح بوجهة نظري وجود رأس مال قوي، فالتاجر اليمني في الغالب لديه راس مال كبير جدا يستطيع ان يتحرك من خلاله ولا يخفى على الجميع ان كثير من اصحاب المليارات السعوديين هم من اصول يمنيه (حضارم) وهم وكلا لكثير من السلع الموجودة في السوق. |
اقتباس:
لا واللي يزيد الطين بله .. اتذكر يوم كنت اسمع اذاعة القرآن بالفتاوى .. واتصل واحد يسأل الشيخ : يا شيخ لدينا محل في السوق الفلاني بإسم الوالده ولا حاجه لنا به .. وجاءنا احد الاخوه الغير سعوديين وقال لنا انه يريد ان يعمل في المحل من دون مقابل .. وبعد فترة من الزمن رجع لنا لكي يعطي امي 2000 ريال كل شهر تعاطفا ً منه لمساعدتنا له .. فهل يجوز لأمي ان تأخذ هذا المبلغ !؟ انا سمعت هالكلام وانفقعت مرارتي وطفيت المسجل ونزلت من السيارة .. والسبب هو جهل بعض الناس وطيبتهم الزايدة تجاه هالاجانب وكأنهم فقراء معدومين .. لا استهزيء بهم ولكن يجب ان نحكم عقولنا ونعمل بحلالنا بأنفسنا .. او على الاقل ان ندير عملنا بأنفسنا بدل "بيع الحلال بشكل مبطن للاجانب" وأعرف ناس عندهم مزرعة مساحتها اكثر من مليون .. وكلها نخيل وزرع وخير .. وارثينها من ابوهم .. ولكن بحكم "وظايفهم وعيالهم" تاركينها للعمال .. ولا يسألون عنها .. الا في اوقات الشتاء "للخروج لنزهة مع العائلة الى المزرعة!" .. لدرجه ان العامل متحكم في المزرعة بالكامل ويبيع ويشتري في حلالهم وهم نايمين على 9 الاف ريال شهريا من الوظيفة .. بينما سوق التمور في بريدة الاخير وصلت مبيعاته لـ 2 مليار في 4 ايام ! .. شيء يغبن ويقهر .. ولكن ما راح يصحينا غير صدمة تحصل لنا .. زي ما يقولون ما يحس بالنار الا رجل واطيها .. .. |
لقد أسمعت لو ناديت حياً ولكن لا حياة لمن تنادي
لي عودة للموضوع بإذن الله |
| الساعة الآن 08:21 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين