تقديم القوات المسلحة - الخدمات الطبية l معلومات + أخبار
-
بسم الله الرحمن الرحيم, والصلاة والسلام على محمد صلى الله عليه وسلم يالربع اللي يقرأ موضوعي يدعي لي بالوظيفة والزواج المهم .. قدمت على القوات المسلحة - الخدمات الطبية واللي يعرف عنها أي شيء يفيدنا وفقه الله من ناحية : الرواتب + الدورة + أماكن التعيين لا تبخلون علينا بأي معلومة عن هالقطاع المجهول بالنسبة لي قصتي : أرسلوا لي رسالة يوم الخميس الساعه 4.49 : عزيزي المتقدم يرجى الحضور بالزي الرياضي للمقابلة الشخصية يوم الجمعه 27-11-1436 بالإدارة العامة للخدمات الطبية للقوات المسلحة الدائري الشرقي مخرج 11 , الساعه 3 م و رحت لهم على الموعد و ألقى قدامي تقريبا حول 80 شخص متقدم على الوظيفة قسمونا 4 طوابير وندخل على واحد جالس على كمبيوتر يسألك : أسمك ؟ وسجلك المدني ؟ بعدين وزعوا علينا ورقتين فيها تسجل بياناتك الشخصية وشهاداتك طبعا جالسين في صالة تقريبا فيه حول 8 عسكر افراد , و ضابط واحد - رائد الشهادة لله الجميع كان على خلق و طيبة نفس .. سألنا عريف : من اللي خايف من طوله يوقف ؟ وقف كم شخص قصيرين بالحيل , قال تطمنوا بأذن الله تعدون سألنا الرائد : اللي معه ثانوية لحالها يوقف .. وقفوا 3 بس , قال تعدون ان شاء الله المهم .. ندخل واحد واحد للمقابلة , ما يطولون, جاء دوري و دخلت وكيل رقيب و رقيب - سألوني 6 اسئلة : من وزير الداخلية ؟ من أمير الرياض ؟ من أمير المدينة المنورة ؟ من أمير عسير ؟ كم عدد ركعات صلاة العيد ؟ كم عدد ركعات صلاة الميت ؟ بعدين طلع لي ورقة وقلم قالي أكتب : القوات المسلحة - الخدمات الطبية, وكتبتها طلعت من عندهم, قالوا الأختبار الثاني, إختبار كمبيوتر ما طولت يمكن 5 دقايق جاء دوري .. قالي أكتب : بسم الله وهذا كل اللي صار |
ماشاء الله متساهلين في القبول معكم الله يوفقك ويزوجك ياصاحب الموضوع
كل الي اعرفه ان عملهم يتعلق بالمستشفيات العسكرية التابعه للجيش وزارة الدفاع معليش بغيت اسالك كيف الطريقه الي قدمت عليهم فيها ومتى كان التقديم وايش هي شهادتكك |
الله يوفقك ويرزقك بالزوجه الصالحه والي تتمناه
بسألك هل تقديمك كان ملفات أو تقديم في النت وهل كان معاكم خريجين بكالوريوس تخصصات نظريه أسأل الله لك التوفيق |
.
وفقكم الله أثنينكم ياللي رديتوا, ومازلت أبحث عن أي معلومة عن هالقطاع الفني أسامه : التقديم بالنسبة لي أعطيتهم ملفي قبل أسبوع من المقابلة, شهادتي ثانوية عامة + حاسب 6 أشهر بالقرآن نحيا : أنا قدمت ملف, غيري ما أدري عنه, أما بالنسبة للشهادات, أقولك تقريبا 80 واحد تقدم على الوظيفة اللي معهم ثانوية لحالها 4 أشخاص فقط اسألوا لنا عن هالقطاع وعلمونا .. |
القطاع حلو جداً ورائع
وانا اعمل فيه حالياً ( مدني ) مدري وش حطوكم مراسلين او كُتاب اذا كنت مراسل مافيه استلامات اما الكاتب ياخذ استلامات طبعاً لا تخلوا من الاوامر العسكرية ومن مستشفى الى مستشفى تختلف الامور وعصور باليد ولا عشره على الشجره جاتك وظيفه راتبها حلو وطيب وتوكل على الله |
كم يكون راتب اللي معه ثانوي فقط
|
ب التوفيق لك اخوي
|
يالنقيب .. رحم الله شيبانك سير علينا ثاني
جاوب على أستفساراتنا .. الله يديم عليك العافية والفرح الدورة وين ؟ و كم شهر ؟ بالنسبة لتخصص ( الكاتب و المراسل ) هم اللي يختارون ولا أنا أختار ؟ رواتبهم ؟ وش الأفضل الكاتب ولا المراسل ؟ نداوم بمستشفى ؟ بذل ولا ثياب ؟ |
اقتباس:
اقتباس:
الدورة تكون في ( الخرج ) الكاتب والمراسل مدري والله كيف طريقتها بس انت معك حاسب اكيد انك كاتب وكلهم الثنتين حلوين الرواتب ما اعرف والله كم بالضبط بس حول 6000 وشوي الصافي كله راح تستلم بدل حاسب حول 900 ريال ، وفيه بدلات كثيره والآن يستلمون بدل ميدان لانهم يعتبرون ميدانيين في حالة تأهب بسبب احداث اليمن الافضل ، كلها كويسه بس الاغلب يفضل ( كاتب ) عشان جالس على كمبيوتر وعلى مكتب الكاتب يتسلم ضابط خفر في الطورائ تسجل الحالات الي تجي وتقيدها وترفعها للعمليات ( مره بالشهر او كل شهرين تستلم على حسب العدد المستشفى الي بتكون فيه ) المراسل ابداً ما يستلم الدوام في اي مكان يتبع الخدمات الطبية ( مستشفى - مركز صحي - ادارة العمليات - مراكز التأهيل ) غالباً في مستشفيات وفي المستشفى تشتغل في اي قسم من اقسام المستشفى مدة الدورة ( فرد اساس ) 3 شهور الدوام : طال عمرك تداوم بالبدلة ( صيفي / شتوي ) الآن يداومون بالمموه ( الديجتال ) لان الوضع في حالة حرب الله ينصرنا باذن الله اي استفسار انا حاضر ابشروا بالي اعرفه واقدر عليه المطلوب منكم دعواتكم لي بالقبول ان شاء الله والتيسير في دورة الضباط الجامعيين |
اقتباس:
اسال الله ان يوفقك والله ماعندي معلومات عن هالقطاع فوق معلومات الاخ نقيب اخصائي م قصر الله يبيض وجهه اخوي حيومه ممكن تذكر لنا عنوان المكان الي قدمت فيه الله يجزاك خير واسف ع كثرة الاسئلة والله يفرحك بتعيينك باقرب وقت ويفرح كل عاطل بالوظيفة الي يتمناها |
بخصوص التعيين
في البداية تتعين واذا تعينت تجلس فتره لحد ما تخش الدوره الي بالخرج يعني تداوم اول شي وينزل لك راتبك بدون بدلات تداوم بثوبك في المكان الي حطوك فيه وتنتظر لحد ما يجي وقتك في الدوره والان في دوره بعد الحج اعتقد ب 23 مدري 25 حولها وفيه بعض العسكر لاحظتهم يداومون بثوب وشماغ بس اذا استلم ضابط خفر يلبس بدلته |
نقيب أخصائي :
وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله الفني اسامه : قدمت على إدارة الخدمات الطبية في الروضة مخرج 11 |
[QUOTE=كلنك حيومه;8685896]نقيب أخصائي :
وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله وفقك الله امين يارب الله يسمع منك .. :Thumbs: انا استفسارات انا حاضر |
اقتباس:
هذي للافراد ( جنود ) و وزارة الدفاع هم يوجهونك على القطاع الي يناسب تخصصك وغالباً يكون بالخدمات الطبية واذا انت خريج انتظام ومصنف اخصائي يعطونك ملازم أول مدة الدورة 45 يوم استجداد بالاضافة الى 9 شهور دورة عسكريه وبعدها تاخذ سنة اجباريه في مناطق حدودية اما اذا قدمت على الخدمات الطبية على طول ( دورة الافراد ) يعطونك رتبة ( رقيب ) عسكري مدة الدوره 4 شهور فرد اساس في الخرج راتبك راح يكون مثل رواتب التشغيل الذاتي لكن يزيد عليه بدلات عسكريه يعني اذا بالتشغيل الذاتي تستلم 10 آلاف ،، بعد ما تتعسكر تاخذ 13 تقريباً اما اذا تبغى وظايف مدنية موجودة ومتوفره والتقديم عليها يكون عن طريق موقع ( ادارة الخدمات الطبية للقوات المسلحة ) او عن طريق موقع كل مستشفى او تقدم ملفك لنفس المستشفى والله يرزقنا واياك يارب |
ما فيه علوم جديدة !!!!
نتايج القبول تجي رسايل ولا أتصال ولا على الموقع ؟ اللي قدموا على هالقطاع وينهم مالهم حس ! |
افضل قطاع الخدمات الطبيه علما اني احد منسوبي هذا القطاع واعمل في قسم الشرطه العسكريه والحمدلله تخرجت من الدوره شهر 7 في هذا السنه ودورتها سهله جدا والحمد لله راتب الشرطه فيها حاليا في الجنوب الجندي اول حديث الخدمه 8400
|
هل باقي تقديم فيها ارجو الافاده ؟
|
كيف قدمتو عليهم متى فتح التقديم لاني ماشفت اعلان لهم ولو اقدم عليهم يقبلوني معي ثانويه عامه + حاسب آلي 6 شهور
|
السلام عليكم ورحمه الله
بالنسبه لمراكز التأهيل توجد فالمستشفيات العسكريه؟ |
اقتباس:
يسعدك ربي اخوي والله يسهل لك امرك والخدمات الطبية ممتازة ومن افضل القطاعات ابي اسالك عن الطول كم اقل طول تم قبوله ؟؟ هل فيه اقل من 160؟؟ وكم جلست لين دقوا عليك ؟؟ |
اقتباس:
اذا يحتاجون عدد كبير بيضطرون ياخذون اطوال اقل معي واحد ملازم ، وطوله حول 158 وفيه واحد جندي اول برضه نفس الحكايه هي ع حسب الاحتياج |
السلام عليكم حبيت افيد الكل بهالتقديم عشان مافيه احد يكون عنده سوال بخصوص التقديم
هذا التقديم مفتوح على مدار السنه .. يعني تاخذ ملفك وشهاداتك كلها سواء ثانوي او دبلوم او جامعي (للافراد) وتروح للرياض ل الادارة العامه للخدمات الطبيه للقوات المسلحه مخرج 11 الدائري الشرقي واسهل طريقه لوصف الموقع استخدم برنامج خرائط بالجوال واكتب الادارة العامه للخدمات الطبيه وراح تكون موجوده بعدها تسال عن مكتب مدير الاداره راح تلقى السكرتير وتعطيه ملفك ويعطيه ورقه تكمل بيناتك فيها ويعطيك رقم طلب ورقم الاتصال فيهم .. ويقولون لك اتصل بعد اسبوع واسال عن معاملتك من نحايتي انا كنت اتصل ولا يردون وبعد 6 شهور جاتني رساله للمقابله الشخصيه وانت حط ملفك عندهم وروح ترزق الله لحد ماتتوفر دوره عسكريه وهم راح يرسلون لك رساله سوا بعد 4 اشهر 5 6 7 8 على حسب ومثل ماقال اخوي (نقيب اخصائي ) مايدققون لا في طول ولا في وزن اذ كانو محتاجين عدد ....... حبيت اسالك اخوي نقيب اعطونا خبر ان تنتظرون بععد عيد الحج الاتصال هل راح يكون عطول كشف طبي و دوره او فيه قبل الكشف اختبار انجليزي مثلا وبخصوص الدوره اذ عندك خبر متى راح تكون لاننا سالناهم قالو فيه اربع دورات / تبوك والخرج وخميس مشيط وفيه مدينة رابعه اتوقع الطايف ياليت تفيدنا فيه رغبات بالمدن اننا نختار المدينه اللي نبغاها والا اجباري منهم يحطونك بالدوره اللي يبغونها والله يجزاكم الف خير ودعواتكم |
اقتباس:
مكان الدوره واحد مافيه غيره في الخرج وانت فني ، اعرف كثيرين مثلك تعينوا فنيين برتبة عريف على رقم وكيل رقيب الله يوفقك |
اقتباس:
لا انا ماباشرت ولا تعينت انا سويت المقابله الشخصيه قبل الحج وقالوا بعد الحج يجيك اتصال ان شاء الله عاد اذ لك معلومه ف هالشي تفيدنا وغير كذا انا مو دبلوم .. انا جامعي احياء دقيقه |
اقتباس:
على اي رتبه قالوا لك ؟ ع طاري الدورات فيه دوره الاسبوع الجاي وفيه دوره بعد 3 شهور بس فيه شباب من شهر 8 تعينوا لحد الآن ما باقي دخلو الدوره تعينوا فقط والله يوفقك يارب ويسهل عليك |
اقتباس:
يقولون جامعي رقيب دبلوم عالي وكيل رقيب دبلوم عريف اذا على الاسبوع الجاي مايمدي عليها لان باقي الكشف الطبي وين يتعينوا؟؟ بمستشفيات قصدك وياخذون الدوره بعدين واذ فني رقيب كم رواتبهم مع السلم الاخير والله يوفقك ويسهل دربك |
اقتباس:
اعرف واحد دبلوم صيدله ، ماسك رئيس قسم وهو ما باقي خش الدوره العسكريه :Thumbs: والدوره يخشون في اقرب دوره لهم او الي بعدها ، المهم انها بظهرهم الدوره انت تكون عسكري صحي ( رقيب صحي ) اذا حطوك على الكادر الطبي وهو الافضل اتمنى لك التوفيق |
يعني الظاهر مطولييييييييييييييييييييييين اللي إلى الآن ما سوينا كشف
الله يوفقك الجميع .. |
يا اخوان اللي سوو المقابله الشخصيه قبل الحج وقالولهم بتجيكم رسايل بعد العيد بشروا جاكم شيء ؟؟
والناس اللي بالرياض احد منكم راح يستفسر ؟؟؟ اللي عنده معلومه لا يبخل وشكرا |
^
أنا مقابلتي في 27-11-1436 .. و إلى الآن لا إتصال ولا خبر, إن شاء الله يفيدونا باقي الشباب التعليقة ما هي زينة جالسين على إنتظار .. الحمدلله على كل حال |
الله كريم
الله يرزق الجميع |
اقتباس:
اخوي راتب وكيل رقيب كم يوصل تخصصي اداره مستودعات رايك ييحطوني حسب التخصص او لا ؟ :w |
صباح الخير
للي ينتظرون الاتصال من الخدمات الطبيه بعد عيد الحج انا اتوقع الاتصال يكون من بداية شهر 1 لاكن اللي حاب يستفسر من هالموضوع هذا رقم الخدمات 0114976500 وهاذي تحويلة شؤون الافراد 1522 او 1532 وكل واحد بطريقته يحاول يجيب لنا متى راح يكون الاتصال ويبلغنا هنااا والله يجزاكم الف خير |
اقتباس:
فيه واحد زي تخصصك اعرفه ، ماشاء الله مدير مستودع :Thumbs: ودوبه متعين |
قديم الهم : لا تروح بعيد بما أنك أحد منسوبي هالقطاع, ساعدنا باللي تقدر عليه
سؤالي : بالنسبة لتقديمكم كم المدة اللي بين المقابلة والكشف الطبي والمباشرة ؟ لأن قريت معلومة ما أدري عن صحتها أنهم راعين طويله, إجراءات قبولهم تاخذ حول السنة ! |
ولد غنام : الأكيد إن التقديم فتح قبل فترة و أقفل, لكن بعضهم يقولون التقديم مفتوح على طول
تروح تقدم ملفك على إدارة الخدمات الطبيه وتنتظر إتصال منهم, وأنت تأكد قبل لا تسوي شيء, وفقك الله رائد الدوسري : التقديم فتح, وأنا شفت إعلانه في صحيفة سبق, وفقك الله إتحادي للصميم : بالنسبة للطول لما رحنا للمقابلة الطلاب أطول من العسكر الرسميين قصار بشكل ملحوظ جدا حتى الطلاب المتقدمين الأغلب تحت 165, وفقك الله فني لاب : وفقك الله نقيب أخصائي : أنت بالإدارة ؟ وش العلم متى النتايج ؟ صحيح يطولون ؟ وفقك الله |
اقتباس:
يتم الاستدعاء حسب حاجتهم للتخصص وحسب شهادتك ( جامعي / دبلوم / ثانوي ) بس تاخذ لها فتره ،، سنه او سنتين كمان اقتباس:
ايه يطولون ،، آمين يارب .. والله يوفقنا واياك جميعاً |
السلام عليكم ورحمة الله وبركاته
انا قدمت على ذا القطاع في الوظائف العسكرية بس قالو روح وراح نتصل عليك متى يتصلون |
اقتباس:
وعليكم السلام على حسب ممكن شهرين 3 4 5 6 ماتدري بس الغلب انها راح تطول شوي من ناحيتي اتصلو علي بعد 6 شهور متى قدمت ؟ |
اقتباس:
|
الساعة الآن 07:39 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين