السلام عليكم ورحمة الله وبركاته
لا هنتو وين اقرب مركز تجنيد لجدة

وحدات المظليين والقوات الخاصه

للي مايعرف عنها شيء انت أمام قوات النخبه في القوات البريه الملكيه السعودديه

جميع المهمات الصعبه في الحروب توكل إليهم حروب جبليه إقتحام عمليات خاصه عمليات نوعيه

إنزال مظلي وأنزال خلف خطوط العدو ولهم بصمه وضحه في الحرب الأولى مع الحوثيين

هم من طهر جبال جيزان بإختصار والأن هم مشاركين في الحرب ومتواجدين في اليمن وفي عدن

وهم المسؤولين عن تأمين طائرات القوات الجويه للنقل والمسؤولين عن حمايه الرئيس اليمني وحكومته

لهم تدريبات كثيره مع القوات البريه والخصاه في البلدان الصديقه من ضمنها التمرين الأخير بفرنسا والطائف

شعارهم ,, احرص على الموت توهب لك الحياه .. كل سنه يفتحون التجنيد لـ 500 شخص وفيه ناس

ماتصمل بسبب القوه والصرامه في التدريب والتعامل دورتهم عباره عن 7 او 8 اشهر 3 شهور فرد أساسي

والبقيه صاعقه ومظلات ووهي إلزاميه فيه دورات كثيره جدا غير هالدورتين التعيين يكون في الطائف وفي تبوك

ورواتبهم من أعلى الرواتب في القوات البريه بسبب البدلات الا عندهم بالتوفيق للجميع واي سؤال في الخدمه

يعطيك ألف عافية على المعلومات

انا صراحة بعد ماقريت معلوماتك عن القوات البرية بلعت العافية شكلي بسحب على المقابله:c

للفايده

يخوان انا رحت المقابله بالطايف واموري تمام وعطوني اوراق الاحوال والعمده وقالو لي استنى الكشف الطبي بيجيك اتصال نعلمك بالموعد اللي ابي اسال عنه الكشف طبي كيف احد يعلمنا بالتفاصيل | انا عندي ضعف نظر " معي نظاره " هل هم مدققين بالنظر ولا كيف يليت احد يفيدنا لاهنتم ..

اقوب مركز اللي هو بطايف بشارع شبرا | جنب الخطوط السعودية اسال عنه يدلونك

اللي راح يخوان مكتب تجنيد الطايف يعلمنا لانهم عطوني اوراق العمده والبصمات والاحوال وقالي اذا جاك الاتصال تبع الكشف الطبي وكشف وخلصت احسب عشر ايام وجب الاوراق كامله ، فمدري اوراق الاحوال اوديها لهم والعمده ولا استنى اتصال الكشف ، احد يفيدنا الله يرحم والديكم

بالله احد يفيدني عندي الكشف الطبي بالخرج يوم الأربعاء الجاي 8/1/1437

^^ سؤالي في تفتيش قبل لاتدخل المستشفى او داخل المستشفى قبل الكشف :wa

يخوان انا جاني اتصال يفيدني بأن موعدي للكشف الطبي يوم الأثنين الموافق 13 - 1
عندي استفسار بخصوص استمارة الألتحاق ، غلطت في اسماء المعرفين والشهود في جميع الاوراق ، وطمستها بالمزيل ، فمدري هل يعطوني وحدهه ثانيه ولا كيف ارجو الافاده وشكراً .

اختبار النظر بالكشف يخليك تفصخ النظارة و ياشر لك على حرف E وين يمين ولا يسار ..

الله يوفقك اخوي ..


الأوراق حقت العمدة مع البصمات مع برنت الاحوال مع الكشف الطبي تسلمها للتجنيد كلها بوقت واحد .. يرفض التجنيد يستلم ملفك اذا مهو كامل ..

بالتوفيق اخوي ..


مافيه تفتيش إلا قبل ما تدخل لدورة المياه عشان تعطيهم عينة بول [ الله يكرمكم ] يخليك تفصخ الثوب أو اذا لابس بدلة يفتشك عشان ما تدخل معاك علبة فيه بول شخص آخر أو علبة مويه تزود على عينتك .. <<< أعتقد الموضوع واضح :)


بالتوفيق اخوي ..

اخوي اصلا هم عندهم إذا فيه غلط بملفك يعدلونه بمزيل .. يعني انت ريحتهم :) .. مافيه مشكلة سهالات أن شاء الله ..


بالتوفيق اخوي



......


انا مثلكم لكن كنت سابقا بدورة مظلات وتنازلت بعد تخرج من الـ 45 الأولى بسبب وفاة جدي ... لكن بإذن الله راجع لهم و اكملها من جديد ..


ي أخوان اللي يهول فيكم و يقولكم المظلات صعبة و قروشة .. أقسم بالله لكم انها سهالات وفلللللللللله ع الاخير :) ..

اللهم انت شخص ما عندك صبر لا تدخل من البداية ..