الـقوات البـريه’’وحـدات المـضلات والقـوات الخاصه’’ تجمع استفسارات ونقاشات
 

احد يفيدنا باقرب مقر تجنيد لهم بشمال أو بس بالخرج ...؟

الشمال عندك تبوك

والخرج موجود فيه مكتب

والحفر

والطايف

وخميس مشيط هذا الي اعرفه


وراح يفيدونا اكثر الاخوان اذا تمكنو من الاجابه

احد يعلمنا يارجاجيل المقابله كيف وزي كذا

سلام عليكم ياشباب ارسلو لي رسالة قبول ورحت لمكتب تجنيد الخرج وعطوني بصمات واوراق الاحوال

الكلام مانعرف عن هالقطاع اي شي وكم مدة الدورة وانا معي كلية تقنية دبلوم هل يعطوني وكيل رقيب ولا لا
حسب كلام العسكري يقول وكيل رقيب
وماندري كيف رواتبها زينة ولا مش حالك ولو قارناها بالحرس الوطني ايهم افظل

الفحص الطبي يوم الاثنين الجاي
والتعيين هل يكون بتبوك لان يوم قدمت انا كاتب الخرج

والله يوفقنا واياكم ان شاء الله ويكتب لنا الخيرة

اخوي الحضور بالزي الرياضي أو الرسمي والشعر تحلقه او عادي ومتطلبات الحضور وش اللي اجيبه معي من الوراق

يالليت تفيدنا

السلام عليكم
رحت اليوم لمكتب التجنيد اللي بالخرج بعطيكم التفاصيل:
1/ صورة الهوية + المؤهل اللي مقدم به
2/العسكر يسجل بياناتك على الهوية ومن ضمنها الطول بعدها يعطيك اياها ، تعطيها العسكري يقيس وزنك وطولك.
3/ تنتظر الين ينادون باسمك وهنا يطلبون 4 صور 6*4 مكشوف الراس وارجع مكانك وانتضر
4/ ينادونك ويعطونك موعد الكشف الطبي بمستشفى القوات المسلحة بالخرج. ثم ارجع اجلس وانتضر،
5/ ينادونك ويعطونك خطاب لجهة حفظ هويتك يعني مثلا جهة الحفظ المجمعة والاصدار الخرج بيكون الخطاب للمجمعه .
وخطاب للادلة الجنائية اللي بالخرج ((الادلة الجنائية لازم تروح لهم بدري قبل 7 وانت عندهم ،، لان جيتهم 10 وقال تعال بكرة قبل 8))
ونسيت يعطونك اوراق تعبيها كاملة بيانات عنك وعن ابوك وامك و و و و و و الخ ، وتصدق من العمدة او الامير ،،


ثمن قال اذا فحصت وخلصت لا تراجع مكتب التجنيد الين تجيك الرسالة وهات معك الاوراق كاملة

هذا اللي صار اليوم

وفالكم التوفيق ان شاء الله

الحضور بالزي الرياضي

لا يالغالي حاضر بالثوب

الزي الرياضي اذا جيت تفحص الفحص الطبي