08-10-2008, 02:05 PM
|
|
عضو متواصل
|
|
تاريخ التسجيل: Oct 2008
المشاركات: 78
معدل تقييم المستوى: 32
|
|
هاتي ملفك ونتصل عليك ؟؟؟؟؟؟؟؟؟؟؟
بسم الله الرحمن الرحيم
اخواني اعضاء منتديات البطاله
بحكي لكم قصتي المريره للبحث عن وظيفه
انا متخرجه بشهاده بكالوريوس خدمه اجتماعيه 1424
ولما تخرجت طبعا كنت متفائله كثير اني الاقي وظيفه على اساس انه فيه اماكن كثير مطلوبين فيها الاخصائيين الاجتماعيين وبديت رحله البحث ومابقي باب الا خبطنا عليه والكل يقول هاتي ملفك ونتصل عليك ان شاء الله ومرت الايام وبعد اول مدري ثاني سنه قلت يابنت الشهاده لحالها ماتكفي ادخلي دورات وبالفعل اخذت دوره حاسب آلي تطبيقي لمده ست شهور واهلي طبعا اللي دفعوا رسوم المعهد
وبعدها اخذت دوره خدمه عملاء ولغه انجليزيه لمده ثلاث شهور قلت يمكن تساعد
المشكله انه مكانك سرررررررر مافي اي نتيجه للاسف نفس الكلام دايم نتصل عليك نتصل عيك نتصل عليك
سيرتي الذاتيه مابقي مكان الا ارسلتها له ولافي امل
توظفت موظفه استقبال ولاطولت لانه صارت لي مشاكل في شغلي وتركته
وكان مرهق بالحيييييييييييييل فترتين
اشتغلت بعدها بشركه نظام ساعات قلت يابنت مايخالف اصبري وبيجي الفرج بس في الشركه هذي كانوا يوعدونا بالعقود ولاشفنا لهم عقود والرواتب ماتجي الا بالحسره نقعد بالثلاث والاربع شهور واوقات ست شهور بدون مايصرفون لنا شي
والله استحي اطلب من اهلي شي بنت وش طولي ولااقدر اصرف عليهم ولا على نفسي
كانوا حاطين فيني امل اني لما اكبر بساعدهم بالمصروف خاصه ان ابوي تقاعد خلاص واحنا عائله كبيره بس للاسف احس اني عبء
ياليت اللي يقرا موضوعي ويقدر يساعدني يقول لي والله مليت من كثر ماادور بس مااقول الا الحمد لله على كل حال
واسفه للاطاله بس هذا بعض مما في نفسي وحبيت اشاركه معكم
دمتم بود
|