|
وعليكم السلام ورحمة الله وبركاته
أسال الله العلي العظيم ان يغفر لوالدكم ويرحمه ويسكنه فسيح جناته وينقيه من الذنوب والخطايا كم ينقى الثوب الابيض من الدنس فيه مثل يقول مامات من خلف وان شاء الله ان الله يطرح البركة فيك ويخليك لأهلك شركات الاجرة تأجر لك بمبلغ فوق 2000 بجدة بس منها تترزق ومنها تقضي مشاوريكم اغلب الشركات في شارع المنار بجدة بحي السامر الله يرزقك من حيث لا تحتسب |
الله يجزاكم كل خير على الدعاء الطيّب لوالدي رحمه الله رحمة واسعة
----- ثقوا ثقة تامة ماوضعت الموضوع هنا إلا أن جميع الأبواب تقفلت وجربت كل شيئ الآن وأنا اكلمكم اخواني غايبين عن المدرسة وأمس غابو والحال مزري والله بالنسبة لشركات التأجير مريتهم ويطلبون بطاقة عمل وأنا طالب بالإضافة إلى رخصة وانا ماعندي رخصة والسيارة الجديدة اذا بنطلعها بتكون باسم الوالدة لانها راح تطلع بدون رخصة اذا كانت السيارة باسم امرأة الحال سيئ جداً .. من يقدر يساعدنا يكلم معرض أو معارفه ويحل موضوعنا هذا نحن مدينين له بالدعاء الخالص طول عمرنا مكاني بالمدينـــة المنــورة |
اقتباس:
بعض الناس يعشمونك على كلمة واخرتها كذب ونفاق يعني جد والله ودي أعرف من الأساس ليه يعشمون الناس بكلمة ؟ مايدرون بالتصرف هذا يزيدون الوجع = وجعين الله يهديهم عموماً إلى الآن محد ساعدنا |
اقتباس:
وحرام فيها كلمة انسانة جلست تحقق معي ع الخاص ماخلت سؤال إلا سألته وقالت فيه فاعل خير يساعدكم بالأثاث والأكل قلت الله يجزاك خير انتي وهو وياليت والله لان بيتنا فاضي وحياه الله يجينا باي وقت قالت لازم اول شي تجاوبني ع اسالتي وجلست تسأل اسالة كثيرة جدا وشخصية جداً شي مو مريح ومريب صراحة بالاسالة قلت لها طيب انتي تقولين انه يساعد بعد مايشوف وضع الاسرة بعيونه صح ؟ قالت ايوة قلت لها طيب خليه يجي يشوفنا وخلاص وانتي قريتي مواضيعي اللي فيها كل شيئ اصلاً صارت تطنش رسائلي . وترجع تقولي كيف تبغانا نساعد واحد مانعرف وضعه ؟ لان ياكثر اللي يكذبون علينا ؟ < هنا كلامها متناقض لانها تقول الرجال فاعل الخير يجي للعائلة ويتعرف عليهم ويشوف وضعهم بنفسه والان كلامه يناقض تقول لازم تجاوبني .. ( بالعربي حسيت فيها لقافة بتعرف انا مين لا بتساعدنا ولا شي ) جاوبتها وقلت بشوف اخرتها واجوبتها ع الاسالة الغريبة والمريبة وللي كلها لقافة ف لقافة صارت طنشتنا بعد ما وعدتنا بالمساعدة طنشتنا بعد ماحلفت بالمساعدة وارسلت لها رسالة قبل كم يوم احلفها بالله وبغلاة والدينها وامانة عليها انتي صادقة ولا لا وتحلف تقول اي صادقة والان مطنشة .. يعني بالنهاية كذابة منافقة مخادعة السؤال الاخير الناس اللي زي كذا وش يستفيدون يوم يقولون بنساعدكم ثم كذب ونفاق ؟؟ انا تحليلي يقول هالفئة او الاشكال هذي غرضها اللقافة فقط وتحب تأذي الناس |
لاا احد يلومني
وعدتنا وبشرت اهلي والحين زادت وجع اهلي وجعين وزادت الآلام تفرحهم ثم تكسرهم ما اقول الا حسبي الله عليها وعلى من شاكلتها |
أخوي، الله يغفر لوالدكم ويسكنه فسيح جناته،
هل تقدمت بطلبك لعبداللطيف جميل نظام التاجير المنتهي بالتمليك؟ فيه عروض على سيارات صغيرة اقتصادية بأقساط ميسرة وتتسلمها بعد ثلاثة ايام، كشف اثبات بالراتب واثبات سكن او عقد ايجار للمنزل، البنوك والشركات الآخرى مثل اليسر والكفاح وغيرها صعبة جداً وشروطها معقدة حتى على المقتدرـ http://www.aljfinance.com/ الله يرفع قدركم و يرزقكم ويعينكم |
اقتباس:
|
اليوم أتفاجأت بهذه الرساله من الأخ صاحب الموضوع
اقتباس:
وما أقول غير الله يفرج همك ياأخوي وييسر أموركم علشان تفهموا الموضوع أنا طلبت من صاحب الموضوع رقمه للتواصل وبعض المعلومات عدد أفراد اسرته ووضعهم وأرسلت لأهل الخير الي اعرفهم بجده على أساس يساعدونا بالوصول للأخ وعائلته بالمدينه المنوره وقالوا مشكورين انهم بيحاولوا معي لمساعدته .. أخوي الله يرحم والدك ويسكنه فسيح جناته ويخليك لأهلك ويفرج همكم ويعين أهل الخير لمساعدتك لاتظن بالناس سوءا رسالتك لم توجعني لأني أعلم اني لا أستحقها فانما الاعمال بالنيات أنا أعطيت أهل الخير رقمك وبياناتك وان شاء الله يساعدونك أكثر من الاستغفار حفظك الله آخر نقطة ليه مارديت على الخاص لأني ما أحب اتكلم الا اذا تم ولقيت ناس بامكانهم التواصل معك أو مساعدتك وليه كتبت ردي على العام علشان لاتسيئ الظن بالآخرين, وكل تواصلنا بيكون على العام أنا ماعمري كذبت على أحد أو لعبت على مشاعره ويكفي ان الله رقيبي |
أخي الفاضل
تم الاتصال عليك أمس عدة مرات وفي أوقات متفرقه ولم يتم الرد من قبلكم |
اسال الله رب العرش العظيم
انه يسر امركم ويرزقكم من حيث لا تحتسبو |
| الساعة الآن 09:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين