|
وضع العائلة بدون سيارة كارثي وطارئ وغير انساني أبداً
السلام عليكم ورحمه الله وبركاته اخواني الكرام ، انقل إليكم معاناة أسرتي فارقنا والدي للأبد رحمه الله قبل شهور .. اسأل الله الرحمن الرحيم أن يدخله الفردوس الأعلى من الجنة بلا حساب، آمين احنا طلبة .. ولدي اخوان صغار والله يغيبون عن المدرسة بسبب عدم توفر سيارة وأحياناً يوديهم سواق لكن السواقين والله اكلونا بالفلوس لدرجة مايبقى شيئ للأكل أنا والله ثم والله سعيت رحت لشركة اليسر ومعاي المستندات كلها رفضوا يقسطون لي سيارة رحت لعدة معارض وقدمت طلب ورفضوا يقسطون لي سيارة رحت لبنك الراجحي برنامج تمويل السيارات ورفضوا يقسطون لي سيارة والسبب سخيف جداً كلهم يقولون السبب لأن الراتب مقسم على ورثة !! < بالله هذا سبب ! الراتب هو راتب والدي التقاعدي رحمه الله بعد وفاته يقسم على الورثة ابناءه وبناته وكلنا محتاجين السيارة والراتب ينزل بحساب بنكي واحد يعني وش الفرق الله يهديهم ؟؟ هو راتب واحد حتى بالإضافة إني حاولت اتصل على قصر كم أمير لكن ماخرجت بنتيجة يرد السنترال ويقول سيتصل بك الأمير وعلى هذا الموال دون نتيجة يا اخواني .. الحل سهل بإذن الله لكن وين الرجل الكفو ابن رجال شهم وكريم ونبيل يفزع ويساعدنا يكلم معارفه أو معرض يعطينا السيارة والله يجعلها صدقة جارية له ولوالديه ولا يخفيكم الأجر العظيم في مساعدة الأرملة والأيتام والرسول صلى الله عليه وسلم يقول الساعي في الأرملة والأيتام كالمجاهد في سبيل الله وغيره من الأحاديث اللي بيساعدنا يتواصل معي على الخاص وأتمنى فعلاً من كل قلبي ان معاناة السيارة تنتهي بعد الله على يديكم والله يجزاكم الجنة |
وعليكم السلام ورحمة الله وبركاته
أسال الله العلي العظيم ان يغفر لوالدكم ويرحمه ويسكنه فسيح جناته وينقيه من الذنوب والخطايا كم ينقى الثوب الابيض من الدنس فيه مثل يقول مامات من خلف وان شاء الله ان الله يطرح البركة فيك ويخليك لأهلك بالنسبة لشركات التقسيط اغلبها تطلب شروط تعجيزية حاول تدور بين الاقارب والمعارف والهدف لو لقيت من يقسط لك بيكون عارف امورك وبيقلل الفوائد او جرب تمر المعارض وتدور بتلقى ناس يقسطون وطلباتهم اغلبها شيكات وكفيل وانتبه من قصة الشيكات سدد اول باول وحاول قدر المستطاع تاخذ سيارة رخيصة الثمن علشان ما يبالغون في الفوائد واسال الله العلي القدير بمنه وفضله وجوده ان يرزقك الرزق الوافر ويبارك لك فيه |
يااااهني الي يبي يساعدك
ويفك كربتك |
أسال الله العلي العظيم ان يغفر لوالدكم ويرحمه ويسكنه فسيح جناته وينقيه من الذنوب والخطايا كم ينقى الثوب الابيض من الدنس
فيه مثل يقول مامات من خلف وان شاء الله ان الله يطرح البركة فيك ويخليك لأهلك بارك الله في العضو بروووكي علي هذا الدعاء ونسأل الله القبول |
أخوي بأي مدينه ساكن؟
ولو في طريقه للتواصل معك ايميل أو رقم جوال أرسله لو سمحت |
كأنك تتكلم عن وضعنا اخواني تركو الدراسه بسبب المواصلات ووالدنا متوفي وﻻعندنا عائل والله شي يقهر الله يفرجها علينا وعليكم يارب بس نصيحه ﻻتتعشم بالناس كثير عشان ماتنصدم
|
أسال الله العلي العظيم رب العرش العظيم ان يغفر لوالدكم ويرحمه ويسكنه فسيح جناته وموتى المسلمين أجمعين وان يرزقنا وإياكم بـِر والدينا أحياء واموات في انتظار ردك بخصوص موقع السكن |
اخي بعطيك حل مؤقت اذا انت في الرياض او اي مدينة اخرى
رح لشركات الليموزين تاجرك ليموزين مستعمكل منها تستخدمه لمشاويرك ومنها تستفيد ماديا |
فيه شركات الاجرة تاجر سيارة بس يبيلك تشتغل عليها
ادخل جمعيه ب 15 الف مثلا او عشرين الف لو تقعد سنتين تلتزم فيها واشتري سيارة لو مستعمله صغيره ورخيصة اهم شي توصل وتسد حاجة وبعد كم سنة تتوظف وتجيب السيارة الجديدة ونصيحه لاتخلي لأحد عليك منه او يقرضك اذا تبي تجيب شي جيبه من حقك , تكون ملك وحر نفسك الله يوفقكم |
ينقل للقسم الانسب
|
| الساعة الآن 11:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين