مشروع قطع غيار سيارات
 

السلام عليكم ورحمة الله وبركاته
فيه موقع راح استاجره تقريبا ب60 الف ريال والمساحه 5 في 15
وابي اخليه قطع غيار اصليه درجه اولى من جميع الشركات تويوتا وفورد وهوندااي بمعنى امريكي وياباني وكوري
والبضاعه مبدئيا ب50 الف ريال
الموقع على شارع العام بعيد عن الورش بمسافه ليست بعيده جدا
ارجو منكم توجيهي هل هو مشروع مربح ولا لا
اذا كان مربح فماهي نصايحكم ؟
شكرا لكم

مشروع باذن الله ناجح لكن الخساره وارده التجاره كذا مافي شي مضمون لازم تجازف .. هو مشروع ممتاز وتقدر تتعاون مع عده ورش تعطيهم قطع غيار واصلا مجرد ما تجيب عمال لهم خبره خصوصا اليمنيه باذن الله هم يعرفون للسوق ويعرفو كيف يمشون البضائع
قطع الغيار اغلبها ناجحه والله يوفقك اهم شي العمال وتسوق لنفسك وتنزل السوق وتتعرف على عمال كويسين من نفس اللي عندهم محلات قطع غيار تستفسر منهم يمكن تلاقي اجانب يبغون هذا الشغل وتصير امورك باذن الله تمام تقدر تتفق معاهم النص بالنص او تعطيهم راتب وهم يشتغلون والافضل يشتغلون معك النص بالنص او تقول ابي شهريا 6 الاف والباقي لكم مثل كذا ويجي من يفيدك

دام راس المال 50 انصحك تخصص بنوع معين ياباني او الماني او امريكي او كوري

اخوي حماية الله يعطيك العافيه بالنسبة الاشراف راح اشرف على العمل وراح اشغلهم بالراتب لاني فاهم شغلت القطع الغيار
فمشكور على المشاركه واذا فيه نصايح اخرى فارجو منك ماتقصر معي

اخوي تعامل الله يعطيك العافيه راح اتخصص بجميع الانواع وراح تكون بالضبط في القطع الاستهلاكية مبدئيا
فاشكرك واذا فيه نصايح اخرى فارجو طرحها لاستفادة اكثر

من وين اجيب القطع الغيار ؟
هل فيه وكلاء يبيعون بالجملة ؟

مشروع مربح باذن الله
بس خلك بجنب الورش

القطع من نفس الشركة اعتقد لانه الخصم اكثر كونك وكيل لهم

وفقك الله

ياليت اني جنب الورش بعيد عنها بس على نفس الخط واشكرك على مرورك الطيب

أخوي الله يوفقك ويسهل أمورك ، لكن من قراءتي لاستفساراتك و معرفتي براس مالك و قيمة الإيجار
اعطيك حكم مبدئي دون استناد على دراسة جدوى وممكن أكون مخطئ المهم من شخص جرب التجارة هذي ، صعب تنجح وصعب تنافس و الشغلة ماهي سهلة أبدا أبدا إذا ما عندك المعرفة والدراية التامة بالعمل واعتقدنسبة نجاحك بتكون ضعيفة ..

مبلغك لا تخسره ، هذا أهم شي و إذا مصر تشتغل بالمجال هذا
حاول تستورد بضاعة كأصناف محددة بعد ما تعرف تكاليفك و سعر السوق ، وسوقها للمحلات

أبدأ بالتدريج ، أو حاول تشتغل أون لاين وبعدها حدد واستند على وش ممكن تسوي ..

الله يعطيك العافيه اخوي مسلوق راح تكون بداياتي في القطع الاستهلاكية