العقلا : المساعدات ليست سنوية وتصرف وفق الحاجة .
- المساعدات ليست سنوية وتصرف وفق الحاجة وبحث الحالة الشؤون الاجتماعية : آلية جديدة لضمان وصول المساعدات المقطوعة للمحتاج في إطار سعيها لتطوير آلية الاستحقاق والأهلية ولضمان وصول مساعدات الضمان الاجتماعي وبرامجه للمحتاج ، كشفت وزارة الشؤون الاجتماعية عن الآلية الجديدة لتحديد الاستحقاق لمستفيدي الضمان للمساعدة المالية المقطوعة. وأوضح وكيل وزارة الشؤون الاجتماعية للضمان الاجتماعي محمد بن عبدالله العقلا ، أن وزارة الشؤون الاجتماعية تسعى دائماً لتطوير آليات عملها سعياً للوصول للمحتاج الحقيقي ، مؤكداً أن الآلية المعتمدة لصرف المساعدات المقطوعة على معيارين، الأول معدل دخل رب الأسرة مقارنة بعدد أفراد أسرته ، والثاني عدم حصول الأسرة المستفيدة من الضمان للمساعدة المقطوعة لفترة أطول، بحيث أن الأولوية في صرف المساعدة ليس التقديم عليها بتاريخ مبكر بل ان الاسرة التي لم تستلم مساعدة مقطوعة منذ 3 سنوات ستكون اولوية الصرف لها مقدمة على الاسرة التي استلمت المساعدة المقطوعة قبل سنة او سنتين . موضحاً أن تاريخ التقديم على المساعدة المقطوعة أو المدة الزمنية لتاريخ الطلب لن تكون ضمن اولويات اعتبارات الصرف . كما أبان العقلا أن هناك اعتقاد شائع أن المساعدة المقطوعة هي مخصص سنوي يصرف للأسر الضمانية ، وهذا غير صحيح فهي ليست مخصصاً كل سنة او كل سنتين ، بل هي مساعدة جوازية مرتبطة بالأسر الأكثر حاجة وبحث الحالة . الجدير بالذكر أن المساعدة المقطوعة هي مبلغ مالي مقطوع يمنح للأسر الضمانية وفق الاحتياج والبحث للحالات ويرتبط مبلغها بعدد افراد الأسرة وتصل بحدها الأدنى 10.400 آلاف وبحدها الأعلى 30 ألف ريال . المصدر : http://www.mosa.gov.sa/ar/أخبار/المس...يدة-لضمان-وصول - |
شفتو كيف الف والدوران من البدايه وكيف يبون يشيلوها بي طريقه حسبنا الله ونعم الوكيل اسال الله العضيم ياالعقلا انت والقصبي ان يبتليكم الله بمرض يهش اجسادكم زي مالعبتوا فينا حسبنا الله ونعم الوكيل فيكم الله قادر عليكم ياخونه
|
خلاص مافي فايدة انسو اسم مساعدة مقطوعة 10400 ريال الدولة تمر بازمة اقتصادية وانتم تدرون وتتابعون اسعار النفط هبوط الى ادون سعر ماعاد بقي لنا غير المعاش الضماني الشهري فقط 1000 ريال والجاي اخطر
|
الله يحوجكم مثل حاجتنا لهالمساعده ويبلاكم لين تصرفون كل اللي سرقتوه على صحكتم
|
يعنى لاتعبون حالكم وتحرقون اعصبكم الدنيا حظوظ والقافلة تسير ....
الله يكون في عون كل محتاج وفرج هم كل مهوم ربي يسر امركم وأضاف: "تاريخ التقديم على المساعدة المقطوعة أو المدة الزمنية لتاريخ الطلب لن تكون ضمن أولويات اعتبارات الصرف". ضعوا علية خط احمر ؟؟؟؟ |
خلاص صار اسمها مساعده جوازيه معاد اسمها مقطوعه سنويه شفتو كيف
ههههههههههههههههههه شر البيله ما يضحك |
لاحول ولا قوة إلا بالله
وش اللي صار من شهر 8 مقدمين وننتظر الصرف شهر 4 ...... الوزراء رواتبهم فوق 20000 الف وقصور وسيارات واموركم تمام ؟؟؟؟ والمستفيدين والمستفيدات هم ضحيه قرارتكم المخبطة |
قلنا لكم فعلو هاشتاق اقاله وزير الشؤون الاجتماعيه القصبي
نطالب بإقاله الوزير. فقط لا غير. علشان يعرف ان الـلـَّــه حق ويجي اللي يراعي الناس وحوايجهم مو جالس على كرسي يستلم فوق ال 100000 وسياره فخمه وقصر فخم وسفرات ونغنغه. ويجي للمحتاجين الضعفاء اللي معاش الضمان لا يكفي حاجتهم. ويضييق عليهم. الـلـَّــه يضييق عليه عيشته ويورينا فيه يوم. حسبي الـلـَّــه ونعم الوكيل |
انتبهو من المطبلين له. وانتبهو من اللي يلمع صورته امام الناس والاعلام. بصور وتغريدات وتشكرات كله بكش في بكش
|
حححسسسبي الله ونعم الوكيل
وش يعنييي يعني الأفراد مالهم اوكي خلصونا وعطو الأسر الكبيره عشان يجي دورنا والا ذا تمهيد عشان تنلغي انتم بالبدايه اصرفو للي من سنتين ينتظرون تالي فكرو تقطعونها |
الله يعين كل محتاج في هذه البلاد
الشئ الذي لايفهمه المسئول هناك الكثير ممن يحتاجه المستفيد اما بعمل عمليه او لتسديد اجار او لمراجعه المستشفيات له ولأبناءه الحاله التقشفيه المفروض انها لاتطال من يستفيد من خدمات الشئون حيث انهم بحاجه ماسه للمال بسبب تردي وضعهم الاقتصادي الى الله المشتكى |
إلى الله المشتكى
|
اييييييه على قولة اميمتي الله يرحمها
اللي يده بالماء مو زي اللي يده بالنار الله يرحمك ياميمتي وانت ياللي صرحت تستقوي على اضعف فئه بالمجتمع ؟؟ |
الله المستعان .،
يعني الي سبق واستلمها وله سنه مقدم يستنى سنتين .، عشان يجي دوره !! الشخص بمجرد قبوله في الضمان هالشيء كفيل بانه يكون محتاج للمقطوعه .، مايحتاج الموضوع آليه وخرابيط .، حسبي الله ونعم الوكيل .، شيء يقهر والله |
حسبي الله ونعم الوكيل فيه الله يستر من الجاي
|
هذا ماتوقعته وصدقني مع الايام تلغى
|
- من جد مافي احد بيسجل بالضمان وهو مو محتاج . يعني بالله الناس اللي واقفين ع اجارات ، واللي عندهم ديون وش بيسوون ؟ هذا حق والمفروض مايسكتون كل هالفتره ويعشمون بالناس انها بتنزلهم من خلال برنامج الثامنه وبالاخير يمقلبون العالم كذا ؟ الله يخليهم يحتاجون للريال مايلقونه دامهم ضيقو على خلق الله والله العظيم الواحد كأنه يطّر ويشحذ ، وفوق كذا معامله الموظفين مع الناس اللي صدق تحسسك انك مذلول لهم . حسبي الله ونعم الوكيل بس في اللي كان السبب . - |
مايجيبها الا خطابات لديوان الملكي حسبي الله ونعم الوكيل وش هالخ ابيط تلاعب في عقول الناس لانه ماشاف من يوقفه ويعلمه انه الي مقدم محتاج والى علاج بس وش الواحد يسوي ماقول الا طاش ماطاش
|
غير انه وقف الحقيبه المدرسيه
الله حسيبك يالعقلا |
حسبي الله عليك ماراح تشوف الا دعاوي هالضعفاء المساكين
|
السلام عليكم ورحمة الله وبركاته
حسبي الله ونعم الوكيل انا عمري ٥٧ سنه وعددنا ١٢ وبيت مستاجر السنه ١٢ الف ريال وليس لدي وظيفة ولا دخل لا يومي ولا شهري تسلفت لدفع الايجار الى ان تطلع المقطوعة واسدد مع العلم مقدم على المقطوعة ف ٦\٣\١٤٣٦ والموعد الصرف شهر ١١ ا ١٤٣٦ وقدمت ١٥ اميل للوزير لكن دون جدوى الشكوى لغير الله مذله واخير نتفاجى بالخبر السم حسبي الله ونعم الوكيل مالنا الا نشحت استغفرك ربي واتوب اليك |
عليكم بسهام الليل ادعوا على المتسبب في صلاة الوتر وزراء رواتبهم عالية يظنون ان كل الناس مثلهم لم يجربوا الفقر والحاجة للريال الواحد
حسبنا الله على كل صاحب منصب لم يجد الا الفقراء والمساكين يسلب منهم حقوقهم |
ما تلاحظون الكذبة الكبرى وهي عبارة ( الأسر التي لم تستلم ولهاا ثلاث سنوات )
سؤال للوزير ونائبه المرتاحين مادياً .. اي اسر ما استلمت المقطوعة ولهاا ثلاث سنوات ما سمعناا ان هناك اسر او افراد ما استلموا مقطوعة لهاا ثلاث سنوات ولا بس من شان يسكت الجميع مع الانتظار ونقول اللين ما يستلمون الأسر اللي ما استلمت مقطوعة منذ ثلاث سنوات وتمر سنة وسنه بعدهاا ،، ويطلعون بعدهاا عبارة شبيه بعبارة اتلغت المقطوعة الدوله ادعمت الضمان بميلغ حتى وصل الى 27 مليار ريال سعودي وعدد الأسر المشموله بالضمان والأفراد 800,000 واقل من 900 ،،، يعني اقل من 900000 نسمة من المستفيدين وين الـ 27 مليار طبعا غير اللي موجود بخزينة الوزارة مع الغاء جميع البرامج التكميلية |
حسبي الله ونعم الوكيل
قسم بالله كنت متوقعه انهم بيسرقونها الدوله ماقصرت بدعم الضمان والمقطوعه سنويه الله يرحم الملك عبدالله شاركوا بتويتر وبمقاطع وصلوا صوتكم لاتكونون ضعفاء مصير الحق يرجع لأصحابه |
27 مليار دعم الضمان الاجتماعي واخر شي تعقيد للمقطوعة .......
لاحول ولا قوة إلا بالله من شفت الغوا تاريخ المتوقع للصرف توقعت ان الامور ماتبشر بخير وفعلا توقعاتي صائبه |
اقتباس:
ولكن ماشاءالله لاقوة إلابالله ايجار بيتك ب12ألف اللهم بارك يعتبر جدا رخيص ماشاءالله لاقوة الابالله ودحين نادرا مالواحد يحصل بيت بهذا السعر وخاصة اذا كان مكون من عدة غرف عشان كدا قول الحمدلله على كل حال لان أعرف البعض فقط يستلموا من الضمان لايوجد لديهم مصدرا أخر أبداً أبداً وايجار المنزل فوق ال18 ألف لاحول ولاقوة الابالله يعني باامكانك تخلي من معاشك الف ريال للايجار البيت وأكيد لك مصاريف اخرى ولكن تضغط على نفسك شوي وتتحمل لأن وضعك أفضل وأحسن من الكثير ماشاءالله خاصة اللي معاشهم 1000 وايجار بيتهم 15وأكثر ربي يكون في عون الجميع |
اقتباس:
ماأدري هذا الوزير ايش يبغى بالزبط ولا لي ايش يبغى يوصل؟؟ أسأل الله أن يسخره لي أهل الضمان أو يصرفه عن أهل الضمان ان لم يكن به خيرا لي أهل الضمان ويعوضنا بوزير مثل أخلاق محمدالعقلا وأفضل |
ع الدنيا السلام
حسبنا الله ونعم الوكيل |
شاركو في الهاشتاق بتويتر
#تأخر_المساعده_المقطوعه ربي يحلها من عنده ويرزق الجميع. حسبي الـلـَّــه ونعم الوكيل. ربي وكلتك امري فأنت المعين الرزاق الكريم |
الشكوى لله وبس الوزير هذا من يوم جاء ماشافت الناس خير كل قراراته ضد المستفيد من المساكين والضعفاء اسال الله ان ينتقم منه ومن اللي مع من اللي يعطلون مصالح المساكين والضعفاء اما العقلاء فهو زي الببغاء يقولو له قل وسوا وهو ينفذويحطون كل شيء في وجهه
|
مخصصات الضمان ليست من ميزانية الدولة حتى نتعذر باسعار النفط والحرب
المخصصات من ايرادات الزكاة السنوية |
الله يرحم اول ما قدمت في الضمان نزلت لي المقطوعة بعد شهرين
|
اقتباس:
يعني مثلا تبغى يخالف الامر عشان يفصل من منصبه وشوف مدراء المدارس مين تحتهم الوكيل وينفذ جميع طلبات المدير يكفي اننا نعرف طيبة الوكيل والامر ليس بيده وأكيدالوكيل ناقش الوزير كذا مرة وشفق علينا ولكن الوزير لم يوافق على ءارئه والله أعلم |
اقتباس:
|
اقتباس:
كانت المقطوعات تنزل في ميعادها ومن لحظة التقديم عليها 3شهور وهي نازلة أخاف لاندعي ان نبغى الوزير يتغير ويجينا اللي أشد منه وأصرم الله المستعان |
يعني اللي بالضمان ماهم بحاجة؟
كلهم محتاجين مو الكل عندهم تقاعد وحتى لو عندهم تقاعد وش يكفي راتب 1000بالشهر في مطلقه مثلا او ارمله تحتاج ايجار ومواصلات وفواتير وملابس ودوا المقطوعه عبالهم معيشتنا عيشة ملوك كلها سداد واثاث واجهزه والله يشهد على كلامي لكن حسبنا الله وكفى |
اقتباس:
المقطوعة تدفعها الدولة منها لكن دعمتهم الدولة 27 مليار وصرفوا الضمان الاجتماعي 480 مليون للمقطوعة .... والله يعين على قراراتهم طال إنتظار المستفيدين بعد الميزانية واصدر قرارهم للمقطوعة بدون مراعات شعور المستفيدين مانقول حسبنا الله ونعم الوكيل المسؤول ماراح يحس بالمواطن لأن اموره تمام ماجرب السلف ابد شكلهم مايعرفون دين أبدا من كثر الدارهم |
لاحول ولا قوة الا بالله
تصدقون عاد مقدم بتاريخ : 25/02/1436 وموعد الصرف المتوقع : 11/1436 والحاله / مراجع - قيد الدراسة |
اقتباس:
|
لا نحتاج نظرة شفقة بقدر
بقدر ما نحتاج أنظمة واضحة تحمي حقوقنا . #تأخير_المساعدة_المقطوعة |
الساعة الآن 03:26 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين