جميع استفسارات دورة الكتبه في القوات البريه / لكل سؤال جواب تفضل
 

الـسلام عليكم ورحمه الله وبركاته

نبدا بالموضوع :

طريقه عمل كاتب في القوات البريه / يهتم الكاتب في القوات البريه بكل ما يتعلق بشؤن الافراد بالوحده ( مركز العمل ) من خطابات تتعلق بالعمل او تحضير جداول او اي عمل يختص بجهاز الحاسب الآلي والعمل اداري في الوحده ..

وهي من افضل الاسلحه في القوات البريه ، من دوام ، من رواتب ، من دوره تعتبر بسيطه ..


---------------

نبدا بالدوره / بقول الي اذكره وان شاء الله اوفي بالموضوع كامل ..

دورتي كانت بتاريخ 1437/3/9 .. جاني اتصال قبل الدوره بـ 3 ايام اني احضر في خميس مشيط الساعه 7 الصبح

طبعا ما قالو لي وش اجيب معي رايح لهم بوجهي بدون اغراض وقالو ممنوع الخروج < ونشبت للعسكري الا ارجع للشقه اجيب اغراضي وكذا :$

المهم دخلنا من البوابه وجلسنا بالميدان وفيه عسكري ينادي بالاسماء عشان التوزيع بالسرايا ، وكلن يعرف سريته ويجلس عندها ويتم تفتيش الجنط والاغراض الي معك وتسليم الجولات للامانات اذا فيه جوالات ..

بعدها خلصنا من الاسماء ، وصرفونا ع السكن وبدا التوزيع بالكشف مثلا اول 50 طالب السريه الاولى الفصيل الاول وكذا ..
بعدها كل واحد استقر ع سرير ونزل اغراضه بالدولاب بعدها تسليم العهد الي هي المخدات والبطانيه وشرشف السرير ..

بعدها صلاه الظهر ، تروح تصلي وبعد الصلاه ع الميز تتغدا وكذا ..

بعدها للسكن تجلس هناك لين قراب صلاه العصر وتتوضى وتصلي ..

بعد الصلاه يصرفوك للنادي تروح تشتري الملابس مثلا انت بالسريه الاولى اللون حقك فنيله بيضاء وسروال ازرق وكل سريه لها لون وتأخذ الاغراض الي تحتاجها جزمه وانت بكرامه وشرابات والى اخرررررررررررررر ..

بعد ما تأخذ الاغراض يصرفك للحلاق الي مو محلق موس او مكينه صفر يحلق ..

وجاء وقت صلاه المغرب الي ما حلق العصر يحلق المغرب ، وعشى وقبل صلاه العشاء تتوضى وعلى المسجد وتصلي العشاء ..

بعد الصلاه ع الميدان هررررررررررررول < كلمه هرول معك بكل الدوره

وتروح تشكل هناك واخذ التمام ومن موجود ومن مو موجود وكذا ..

وبعدها يصرفك للسكن تنام

طبعاا هذا اول يوم فقط ..



---
اليوم الثاني وباقي الدوره هذا الروتين حقك ( انزل تحت )












تصحى ساعه 4:00 تقوم تتوضى وتتجهز للصلاه ، والحظاير رقم 1 ورقم 2 عليها تنظيف السيب ودورات المياه والباقي يشكل برا لين يخلصو اخوياهم من التنظيف وتنصرف للمسجد وتصلي الفجر ..

بعد صلاه الفجر عموم السرايا للميدان وتروح تهرول وتشكل هناك ويأخذو التمام ..

وتبدا الحصه الصباحيه الي هي هروله من لفه الى 5 لفات ع الميدان واول ما توقف من الهروله تمارين رياضيه تنمي جسمك وتفيدك ..

بعد التمارين اخذ التمام عن المقدم ..

بعد اخذ التمام حصه عسكريه تأخذ شي بسيط من الحصه وتروح للميز تفطر وترجع للميدان حصص عسكريه لين قبل الظهر بنص ساعه او ربع ساعه وتروح السكن تتوضى وتتجهز للصلاه .. ( احيانا يعطوك بريك بين الحصص تروح النادي )

تصلي الظهر وتمشي للميز تتغدا ، بعد الغدا ع الميدان تطقطق لك شوي ي تدريب عسكري او تصليبه < شي طبيعي

بعدها صلاه العصر تتجهز لها وتصلي العصر ..

بعد الصلاه تروح للميدان هروله ، وحصه رياضيه مدتها نص ساعه او 40 دقيقه ..

بعد تنصرف للنادي اذا تبي تشتري شي او تأكل او او او ..

بعدها صلاه المغرب ونفس الروتين عشى وبعد صلاه العشاء اخذ تمام وهروله


وهذا موالك فتره الاستجداد ال 45 -- لاكن اخذنها 18 يوم والحمدلله

----------------


بعد ما حضرنا من الاستجداد تغير الروتين شي بسيط ..


صار الروتين اليومي كذاا /

تصحى قبل الفجر بساعه تنظيف لين قبل صلاه الفجر تروح تصلي وبعدها تهرول ع الميدان ..

اخذ التمام سريع ، وتبدا الحصه الاولى هروله لين 6:30 وينرفع التمام للقايد ، بعدها تبدا حصه مشاه عسكري لين ساعه 7 او 7 وربع او 7 ونص كل يوم ع شي ، بعدها فطور وبعد الفطور ترجع للميدان حصه عسكريه
وتكمل مشاه عسكريه الين تظبطها صح ..

بعد الحصه العسكريه ، فصول تروح للفصل عندك 3 حصص او 4 ما اذكر الجدول < لاني نايم ولا افكر فيه هعع
وتمشي ع الحال هذا لين تتخرج وخروج يوم الخميس ساعه 11 بعد الاختبار والحظور يوم السبت ساعه 8 مساء

-----

قبل التخرج بفتره بسيطه يتم فرز الطلاب ع الاسلحه مثل /
- استخبارات
- الشرطه العسكريه
- المظلات
- شؤون الدينيه
- شؤن الافراد
- شؤون الظباط
وممكن اسلحه ثانيه لاكن الاحتياج كان في هذي ..

وعطونا اوراق اختيار 4 مناطق للتعين وكلن حط تعينه

بالنسبه للمكافئات تستلمها يوم تخرجك في اخر شهر بيوم 25


ان شاء الله اوضحت لكم الجدول وكيف دوره الكتبه في القوات البريه

اي استفسار جاهز

وعليكم السلام ورحمة الله وبركاته يعطيك العافيه ابو فهد واتمنى لك التوفيق والتخرج باذن الله .بسالك ممكن تذكر لنا طلابات الاغراض بالتفصيل الا نجيبها معنا وعندي سؤال هل الشنط الا كل واحد يحطها بدولابو الخاص اقدر اجبلها قفل معي وكذا . والله يسعدك ويوفقك.

اللهم أمين

الاغراض الي تجيبها معك شخصيه
ملابس داخليه صابونه شامبو واي شي تحتاجه عادي

ايه ممكن تجيب قفل مافيها مشكله

طيب كم المبلغ الانجيبو معنا وقت الاستجداد والا عادي تجيب اي مبلغ 1000 ريال مثلا تكفي والا ايش الهرجه عطنا العلم.

اخوي بسألك كم سؤال

الفحص الطبي سويته بأي منطقه..؟
وهل الوزن الزايد شوي يدققون فيه ...؟ علما ان طولي كويس الحمدلله
والفحص الطبي فيه اختبار عمى الوان ..؟

ولك جزيل الشكر

بالنسبة لي انا سويت الكشف الطبي بخميس مشيط وكل شي سهاله والوزن عادي ميدققون فيه وعمى الاوان فيه اختبار عمى الالوان بس يمشونك ان شاء الله فيه واحد عطوه مستوى ثاني ع شان انو كان عندو عمى الوان وحولوه من مضلات الى سلاح النقل تزين امورك باذن الله توكل على الله وبالتوفيق لك

المبلغ عادي اللي تبي دخلت 1000 ريال ماحد يفتش فلوسك لو ادخل 50 الف مادرو عني

اي عادي اي مبلغ

انا دخلت بـ 500

وطلعت باقي معي حوالي 130 ريال

سويته بالطايف ..
الوزن لا فيه ناس داخله اوزانها 130 ..
الاختبار فيه عمى الوان في تمشي امورك ..

حياك الله

متى يفتح التسجيل مرة ثانية

وله السنة الجديدة يفتح

اتكلم عن تخصص كاتب وكيل رقيب

اللي عنده علم يخبرنا

كم مدة دورة سلاح التموين

روح اقرب مكتب تجنيد للقوات البريه وقدم اوراقك مفتوح طول السنه

الموضوع خاص للكتاب : )

دورة التموين 4 شهور وكافة قطاعات الجيش 4 شهور فرد اساس

بس الكتبه اقل دوره مختصره أنتم ي ضويض اخذتوهآ ب3 شهور فقط وهي اخف الدوره اللهم لك الحمد الله يسهلهآ لنا بالدوره الجايه ؟؟

استفسار الو سمحتم
انا مقدم على التجنيد وخلصت جميع الاوراق وسلمت الملف بشهر 3 والمشكلة اني ماادري مقدم في اي قطاع لما اجي واسئل وش صار في التقديم يقول لي في اي قطاع اقول شؤون الافراد وانا مدري واسمي مايطلع مع المقبولين
اول ماسلمت ملفي سالني وقلت سؤون الافراد
في الكشف الطبي مكتوب قيادة المنطقة
اي وحدة معتمدة

وش الشهادات الي سلمتها ؟

شون افراد يعني كاتب بس اوضح لي طلبي واعلمك

شهادتي بكالوريوس إدارة وحاسب ست شهور

أجل كاتب وافضل تخصص في القوات البريه

مبرووك مقدمااا

وان شاء الله تدخل الدوره الي بشهر 7

البكالريوس رقيب
تقنيه .........وكيل رقيب
ثنوي جندي اول

4 المناطق الا اعطوكم تختارون التعينات وش هي ؟؟؟والتخصصات وش افضل تخصص فيها الاستخبارات والا الشرطه العسكرية او شؤون الافراد افيدونا جزاكم الله خير.

كل دوره لها مناطق معينه

الافضل
استخبارات وشرطه عسكريه

هل تدخل طالب من اول يوم او عسكري

وكم المكافئات اللي وقت الدورة


جندي اول

مافي احد يدخل دوره عسكريه الا وهو طالب عسكري لين يستلم قرار التعين وقتها يصير عسكري

المكأفئات تستلمها يوم التخرج

أبو فهد الله يوفقك وين ماتجهت بس االله لايهينك عندي كومة اسئلة اريد ان تجاوبني عنها
س1 انا رفعت ملفي شهر 3 معاي ثانوية +حاسب 6 اشهر كامبردج الشهادة الدولية المتقدمة للتقنية المعلومات هل هاذي الشهادة معتمده لديهم
س2 انا من تبوك هل الاماكان اللي خلوك تختار منهم فيها تبوك
س3 هل يوجد دس ملفات ولا كلاام مو صحيح
س4 هل ضروري ارجعها مكتب التجنيد كل اسبوع او يجيني اتصال واذا ماجاني اتصال ها اروح خميس مشيط ولا كيف
س5 كيف قرار تعيني بعدين يجي على قيادة المنطقة ولامكتب التجنيد وش يسجلوك طالب ولا عسكري
معليش لاني طولت عليك الله يوفقك :)

حياك الله ي شمالي

ج1/ اتوقع مقبوله بما انها لها علاقه بالحاسب الالي ،

ج2/ ايه نعم في تبوك ، واذا تبي تضمن تبوك - تجي لجنه المظلين ( الصاعقه ) اذا دخلتها مضمون تعينك بتبوك في اللواء المظلي وعليها اصناف توصل الى 1400 ريال زياده عن الكاتب العادي

ج3/ اوضح لي ، كيف دس ملفات ؟

ج4/ لا تدورهم لان الاتصال بيجيك من رقم خاص ومن الرياض مو من مكتب التجنيد ، لان مكتب التجنيد يرفع ملفك للرياض وينساك

ج5/ القرار يرتفع بخطاب من مركز التدريب والتأهيل الي انت مأخذ دوره فرد اساسي فيه وطبعا طالب ، يرتفع للرياض وبعد الرياض تنزل كل اوراقك مطبوعه بمكان التعين حقك


اي استفسار حاظرين للطيبين

سلام
الي ماعنده شهادة حاسب في امل يكون في دورة شهر 7
سمعت انهم يعطون دورة حاسب مكثفه للي ماعنده حاسب

وعليكم السلام

لا مافي دوره حاسب الي ، في اختبار اذا ما تعرف تكتب تنكتب في ملفك وهذا مو صالح لك


واصلا وسط الدوره يطلبو شهاده الحاسب اذا ما وفرتها الله يستر عليك

اشترها ولا اطلب مشهد من معاهد دورات الحاسب

بسالك ابوفهد اللحين اذا وحنا لهم ب 6/24 اخذ الشهايد معي ولاخلاص

طيب عندي شهادة اختبار ادخال بيانات ومعالجة نصوص بدون دراسة من المؤسسه العامة للتتريب المهني

ضويض ع العلم الي جاني

اننا بنطلع يوم 28 من المركز خلاص

نحظر ويوم الاحد بروفه والاثنين بروفه والثلاثاء بروفه للقايد ونأدي القسم ونستلم اوراقنا او الاربعاء

هانت ي رجل

انت في اي سريه ؟

مكتوب فيها مده الدراسه ؟

الا قضضت الحمد لله
بالسريه الثانيه

السريه الثانيه ( اصحاب النكبات انتم )


اسمك ؟

لا يخوي بدون دراسه مافيها مده رحت مكتب العمل وطلب منهم اختبار ادخال بيانات ومعالجت نصوص وحدد لي موعد اختبار في المؤسسه العامه
الأختبار كان في سرعة الطباعه والوررد والبوربوينت والأكسل والحمد لله جبت الدرجة الكامله
مكتوب فيها فني درجة اولى

والله مالي علم فيها ، لانها اول مره تمر علي

كل الشباب الي عندي مأخذين شهادات 6 اشهر وفوق

فـ المعذره وان شاء الله يجي الي يفيدك بالموضوع

اعرف واحد من الشباب جامعي تخصص فيزياء في الدوره الحاليه ماعند شهادة حاسب يقول الي ماعنده حاسب يعطونه دوره مكثفه
عالعموم يعطيك العافيه على الرد

مافي دوره مكثفه

عندي شباب بالحضيره جامعي ما معهم حاسب

وقالو احتمال تأخذ دوره التأسيسيه المتقدمه فقط

واذا ما جت احمد ربك

فقط

وش هي الدوره التأسيسية المتقدمة

اي عسكري يدخل للمجال العسكري في وزاره الدفاع

تنقسم الدوره الى جزئين
الاول : فرد اساسي مدتها 3 شهور ونص او اربعه
الثاني : دوره تأسيسيه متقدمه 3 شهور ونص او اربعه

ع حسب الجدول الدراسي

المتقدمه هي توضح لك اكثر عن النطاق العسكري وخفايا الحرب وبعض الاستراجيات الي تحتاجها في عملك

وهي لازمه تكون مع الفرد عند وصله للرتبه رقيب ، عشان يستطيع الترقيه لرتبه رقيب اول

اذا مو موجوده معه يظطر اخذ الدوره ويتأخر في الترقيه وسالفتها سالفه

الافضل تأخذها اول ما تتعين

مجرد دراسه تداوم 7 وتخرج 1 او 12 ونص

------