المشاركة الأصلية كتبت بواسطة مجموعة السعد (المشاركة 8821139)

الله يحفظك بعض الأسر ماعندها القدرة تنتظر شهر وهي تدفع مصاريف يومية في تجهيز الحلويات

واضح من كلامك ماتدري عن آلية عمل الأسر المنتجة في مجال الحلويات

بضاعتهم يقدمونها بشكل يومي وطازجه كل يوم

المفروض بالكثير حساب اسبوعي اذا مو يومي

ياصاحبة المشروع نصيحة لله لا تاخرين حقهم عندك

ماتدرين وش ظروفهم ممكن يكونون في أمس الحاجة وفلوسهم عندك

المشاركة الأصلية كتبت بواسطة مجموعة السعد (المشاركة 8821124)

مشروع مربح جدا باذن الله

وراح تكونين سبب بعد الله في فتح باب للرزق للكثير

الميزة الاجمل ان المحل ملك وهذا سبب قوي بعد الله في نجاح مشروعك

توكلي على الله ولا تترددين ابدا

بخصوص الرخصه لا تقولين أسر منتجه قولي محل بيع حلويات

بخصوص التاجرات لا تربطينهم بعقد رسمي

اجعليها تأجير يومي اسبوعي شهري

مثلا ام فيصل تاجرة تبي تستأجر منك يوم تجرب الوضع اجعلي تجربة يوم مجانا

ولاتغفلين عن نقطة مهمة لابد يكون حسابهم يومي او اسبوعي بالكثير

مثلا تحددين 2 اصناف لكل تاجرة بمبلغ تأجير يومي 10 ريال بحد اقصى 20 قطعة

مثلا 5 أصناف لكل تاجرة بمبلغ تأجير يومي 20 ريال بحد اقصى 40 قطعة

وممكن تحطين رف تأجير شهري بمبلغ مقطوع وثابت بغض النظر عن الكمية

الافكار كثيرة ومتنوعة في هذا المجال

بخصوص معرفة حساب التاجرات فيه اكثر من طريقة

تقدرين عن طريق دفتر يسجل كل يوم عدد المدخول من التاجرات بعدد وسعر اجمالي

اي استفسار اخوك حاضر ان تاخرت بالرد ذكريني برسالة خاصة

بالتوفيق