السلام عليكم

كنت قبل يومين في مهمة عمل بالرياض وكنت ساكن في فندق بجانبه محل كوفي شوب يقدم قهوة عربية ومجموعة من المشروبات

تصادفت في احد الزيارات مع صاحب المحل وتكلمت معه عن مجموعة نقاط

وكنت اطلب انه يوفر حلويات لمحله بدال الشركات الخايسه يوفرها عن طريق الأسر المنتجة

تفاجأت. انه يقول لي على يدك ماحصلنا من يورد لنا بشكل مستمر ونتعامل معه

هذا مجرد مثال على السريع وأما متاكد غيره كثير يتمنون يتعاملون مع الأسر المنتجة

اقلها نظافة وجودة منتج افضل الف مره من العمالة القذرة

الان يابنات من تسكن بشمال الرياض وتحديدا حي العقيق وعندها القدرة

على تأمين منتجات وحلويات للكوفي تراسلني خاص وأعطيها رقم الشخص المسئول

الان البنات في الرياض وبقية مناطق المملكة تقدرون تتواصلوا مع اصحاب محلات الكوفي تعرضون منتجاتكم

ترى مو عيب ان تبحث عن فرص لتحسين وضعك

على فكرة يابنات غالبية محلات الكوفي بالرياض وجدة وبقية المدن توجد كذا شركة تأمن طلباتهم

وكل المحلات مثل بعض ومتشابهه نفس الطعم ونفس الشكل ونفس حتى الصحن

صدقوني باب فيه خير كبير يحتاج منكم تتحركون شوي

والله يوفقكم جميعا