السلام عليكم ورحمة الله وبركاته

انا أتوقع في بنات كثير نفس حالتي انا مستحقه لترشيح و كثير بنات ترشحوا اقل من نقاط بكثير بس في مناطق بعيده مثلا في الشمال
بس مشكلتي ماعندي احد خارج منطقتي وسمعت عن سكن مخصص للنساء ويكون عليه حراسه يعني زي السكن الجامعي
اذا في احد عنده خلفيه عن الموضوع ..وايش المناطق الموجود فيها لاني أتوقع انها موجوده في المدن الكبيره زي الرياض وجده ..واللي عندها معلومات عن سكن وجربته تفيدنا من ناحية النظافه.الشقق خارج الموضوع لاني خوافه وابي حراسه ههههههههه

اول شيء الله يوفقك
انتي انقبلي بالبداية واضمني الوظيفة
وداومي ابو اسبوع وبعدها طيارة للملك سلمان
اشتكي له عن وضعك - بواسطة ابوك او اخوك
وانك مغتربة ومن هالقبيل - صدقيني ما تكملين الاسبوع الثاني
الا وانتي بالمكان اللي تبينه ان شاء الله ، < مجرب
بالتوفيق للجميع .

كيف تبيني اقدم على المفاضله التعليميه في منطقه ماعرف فيها احد؟؟؟ من غير ما اضمن السكن اول..اذا على الوظيفه باذن الله مضمونه بحكم انو نقاطي عاليه...بس راح تكون خارج منطقتي..ومنو يضمن لي الملك سلمان بيقابل الوالد .. وبعدين الوالد الله يحفظه ما يحب الشحذه والمعاريض.. والواسطات .. اذا السالفه فيها حب خشوم مانبيها نعيش بكرامتنا والامو لازم الوظيفه

بعدين تعال العالم المتغربه عن اهاليها وش وضعهم وهم معاملات وشكاوي ومراجعات شكلهم ماسمعوا بخطتك الجهنميه ..لو السالفه سهله ماقعد احد متغرب

حددي المنطقة بالشمال وين علشان اقولك في سكن ولالا

عني م سمعت ي ختي.

مافيش سكن ..

مثلا تبوك الجوف حفر الباطن>> اخر وحده تعينت فيها مثل تخصصي كانت اقل نقاط ..

في سكن نسائي بحراسات وكل شي في بالرياض وجده هذا اللي انا متاكده منه بس المناطق الثانيه مدري

على كذا بتطولي عاطلة بحجة السكن ..!!!
على العموم انا مجرب قلت لك والحمدلله سلكت اموري
والامور هذي مافيها اعيش بكرامة ..! من متى الملك يمن علينا ؟؟

كلامك كبير عليك حفظك الله ووفقك ياختي الغالية .

لاتشيلين هم ، اغلب المناطق فيها مثلك مغتربات ولهم سكن خاص فيها حتى بالقرى !

الله يكون بالعون ويفرج هموم المغتربات .