السلام عليكم

أنا حاب اتكلم في موضوع البطالة والواسطة ومثل ما انتم عارفين انه فيه وزارة كامله ما استفدنا منها الا فتح التوظيف لمرتين في السنة وياليتها وظايف كثيرة تسد الاحتياج
اكيد عرفتوا الوزارة اللي هي وزارة الخدمة المدنية وأتوقع الوزارة ذي مالها أي دور ملموس لا على الموظفين ولا العاطلين ولا حتى الوزارات الاخرى
يمكن انا ما أعرف وش يسوون في الوزارة بس اللي يعرف يقول لنا !!

قبل فترة رد المنيف على اللي يقول الوظائف المطروحه من الخدمة المدنية قليلة ولا تلبي الاحتياج وقال انه الوزارة تطرح الوظائف اللي توصلها من الوزارات الاخرى
وهنا السؤال العريض وين دوركم انتم يا وزارة الخدمة المدنية !!
مو معقول تتركوا الوزارات على راحتهم بالتوظيف لأن الثلاث او الاربع وظائف اللي تجيكم هي فائض من الوظائف اللي حصلوا عليها اخرين بالواسطة
كل شخص يوظف قريبة وجاره وباقي ثلاث وظائف ارسلوها للخدمة المدنية

المفترض وزارة الخدمة المدنية تفرض على جميع القطاعات المدنية انه ما يوظفوا أي شخص الا من خلالكم وبكذا نقدر نقول ان حرامي واحد أهون من عشرة