زميلتي في العمل غير متعاونه
 

السلام عليكم

عندي مشكله في الدوام ويمكن البعض مايشوفها مشكله بس لأني بديت اتضايق من الوضع الي يصير معي في الشغل

انا موظفة في شركة أجنبيه حاطين قسم للبنات او بألاخص غرفه متر في متر لاربع موظفات , انا موظفه لي اكثر من سنه وزميلتي معي في الشغل بس بديت اتضايق منها لعدم جديتها في العمل بقولكم كذا موقف واحكموا

اول شي في تلفون مشترك بيني وبينها كل مادق التلفون نادر ماترد وتنتظر دايما اني اشيله !! لان لو ردت بيطلبون انها تجي تستلم اوارق او تاخذ الشغل تحب دايم انا الي اروح واتكلم مع القسم واجيب الشغل

دايم تحكي لي انها ماتحب الوظايف المختلطه!! وانا بنفسي اقول ليش قبلتي فيها واذا قبلتي اجل اشتغلي يضيق خلقي تاخذ راتب كامل!! وانا بس الي اتحرك واتكلم صحيح هي تشتغل بس في مكتبها ماتحب تروح او تتكلم معهم يضيق خلقها طيب هل المطلوب اني دايم اسوي كل شي مو معقول

ثاني شي برودها في العمل دايم عندها كل شي (نسويه بكره) وشغلنا كثير ولايتأجل ودايم تشوفني اني مستعجله واضغط على نفسي ولما اقولها ترا احنا احسن من غيرنا يكرف ولا وقت ياكل تضحك!! تقول لو يضغطونا اكثر من كذا بترك الشغل !! على اساس الحين هي تكرف:court:


ماعندنا مسؤول مباشر والمشكله البنات الي معنا يحبونها ولا اقدر افتح معها موضوع دايم تقلبه علي حاولت كم مره اسفهه التلفون يسكت !! ولاترد الا قليل اذا كنت اصلي او كنت بره تضطر مجرد مااكون موجوده تسحب عليه وتحط سمعات وتلهي بجوالها ولاهما العالم الخارجي سوا احد دق الباب او التلفون او فيه شغل ماتسالني في اي شي دايما انا المبادره


صحيح يمكن هالشي ايجابي لي لانهم دايماً يذكروني ولايذكرونها حتى واحد من الموظفين قال هذه فلانه تداوم مالها حس ,واحد ثاني سالني هي تشتغل

ماادري وش الحل معها :(

رد: زميلتي في العمل غير متعاونه
 

خلي كل عملك عن طريق الايميل الرسمي للشركة حفظا للحقوق .. لما المدير والمسؤولين يلاحظون ان العمل ما ينجز الا عن طريق ايميلك بيتخذون الاجراء المناسب .

حتى لو عملك ما يحتاج ايميل ارسلي ايميل رسمي ان العمل الفلاني تم انجازه

رد: زميلتي في العمل غير متعاونه
 

قاطف حروف صح كلامك الايميل الرسمي يحفظ حق الموظف ويكون مرجع له

ويثبت انه قاعد يعمل وبكذا تكونين احرجتيها واجبرتيها انها تشتغل بدون ماتتكلمين معها
او تتعبين نفسك خلي شغلك ايميلات رسمية وشوفي كيف التغيير بعد فتره قصيرة ،،

رد: زميلتي في العمل غير متعاونه
 

اغلب السعوديين كذا يبون رواتب بدون عمل... المطلوب منك انك تكتبين فيها تقرير الى المدير تشرحين فيه كل شي... اما تشتغل زي الناس او تقعد في بيتها غيرها محتاج شغل..

رد: زميلتي في العمل غير متعاونه
 

طيب اختي تكلمي معاها بصراحة وقوليلها ان الرد يكون بالدور عشان ماحد ينظلم وانتي احتسبي شغلك لله وكمان ترى هالشي فصالحك ان الكل يعرفك يعني لو كان في ترقية او غيرها انتي حتكون لكي الاولوية .

رد: زميلتي في العمل غير متعاونه
 

شكرا على ردودكم

بالنسبه الايميلات هي برضو ترسل المشكله مو في الشغل المكتبي لاني ذكرت في موضوعي انها تشتغل في مكتبها ماختلفنا المشكله اني دايماُ في الواجهه يعني تخيلوا من الصباح الى العصر ماغير اتردد رايحه جايه اجيب اوراق من عندهم احيانا اعصب واقولها فلانه ممكن تروحين هالمره قلت يمكن تحس على دمها تروح مره وعشر مرات انا!!

بالنسبه لتقرير ماقدر اسوي مشكله لانها تضل زميله صرت لما اروح لهم ارمي نغزات وكلام انها جالسه وكذا وهم حسو شوي

بالنسبه انه شي ايجابي احاول اقنع نفسي انه المصلحة لي صحيح,بس برضو لما تتعب رايح جاي وفي الاخير تاخذ نفس راتب زميلك وهو جالس شي يغبن

رد: زميلتي في العمل غير متعاونه
 

حتى لو زميلتك لا تستحين منها لو تحترمك كان ساعدتك .. انتي مالك حل غير هالحل لازم يجيها توبيخ قوي من الادارة عشان تشتغل..

رد: زميلتي في العمل غير متعاونه
 

طيب اعطيها اكثر الاشغال المكتبية واتفقي معها انك تشيلي عنها الروحه والرجعه لمدة وشوفي يناسبك أولا .

رد: زميلتي في العمل غير متعاونه
 

حللي راتبك ولازم يكون لك بصمه في العمل حتى تاخذي الترقيات
نصيحتي لك تجاهليها واهتمي بعملك لأنك بتتعبي من التشكي في النهايه انتي الرابح الأكبر

رد: زميلتي في العمل غير متعاونه