تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

السلام عليكم ورحمه الله وبركاته كيف الحال ان شاء الله بخير

انا لي فتره اتصفح المنتدى وماحصلت مواضيع تشرح او تساعد في كليه الملك فيصل الجويه الا السنين الي فاتت السنه ذي مافيه شي وحبيت أحط شرح مبسط عن الي بيصير :

1- اول حاجه تطبع استماره الالتحاق المبدئي وتعبي المعلومات المطلوبه فيها وتجيب المتطلبات ومنها البرنت حق الأحوال المدنيه والختم حق العمده او رئيس المركز او شيخ القبيله الخ .. الصور تحطها بالمكان المطلوب
2- ثاني حاجه تحجز موعد عشان الفحص الطبي والمقابله واختبار اللياقة المدنيه
3 - ثالث حاجه تطبع بطاقه المراجعه وفيه صوره مطلوبه خذها بنفس المقاس وحطها بالمكان المخصص

عندكم الثلاث الأيام الاولى حقت الفحص :
طبعا متطلبات كليه الملك فيصل تجيب (تيشيرت ازرق ساده وبنطلون اي لون وجزمه رياضيه الله يكرمكم ) ويفضل انك تكون محلق ع الزيرو لانها على ماسمعت تساعد على القبول وحاولوا تتجنبون الكدش والقصات وغيرها وممنوع احضار اي متعلقات شخصيه منها الجوال

اليوم الاول : الكشف الطبي طبعا يفحصون الوزن والطول والسمع والنظر والاسنان واختبار النطق اذا عندك مشاكل بالحروف واختبار قوه التركيز ويسألك اساله واختبار املاء بسيط بالعربي طبعا اذا تمام ولائق طبيا بيرفعون اسمك للمقابله اذا مو لائق بيقولون لك الله يستر عليك ونصيحه الحقوا على اعماركم واكشفوا عند دكاترة أنف وإذن وحنجره وأسنان تأكد انك تشيل كل التسوس والنظر مايمديك تسوي فيه شي وأبعد عن عمليات الليزك وطقتها ترا بيقفطونك زي السلام عليكم


اليوم الثاني : بيعلمونك من نتيجه الفحص الطبي اذا انت طيار ولا فني واختبار لغه انقليزيه من 100 سؤال وفيه المقابله الشخصيه وبيسالك من اي مدرسه تخرجت وش تعرف عن القوات الجويه الملكية السعوديه ليه ناوي تخش طيران وش أسطول الطائرات الي بالقوات الجويه الملكية السعوديه والخ ... بعدها اختبار قدرات مثل الألعاب مثلا اذا انت طيار يحطونك بزي اللعبه حقت محاكاه طيران سيموليشن وترا تعتمد عليها لان في ناس كانوا مقبولين كطيارين وحولو تخصصهم بسبب فشلهم بالسيموليشن


اليوم الثالث : اختبار لياقه بدنيه ضغط 25 ووثب25 وبطن 25 وسباق 50 متر فك ابو السبرنت فيه وسباق هروله 600 متر تقريبا نصيحة اوزن خطوتك ولا جا قريب من للنهايه فك السبرنت وان شاء الله تأخذ الاول وأبدوا مشي وتمارين من الحين عشان لياقتكم تكون ممتازه .


ملاحظه : الي مكتوب كله اجتهاد شخصي جمعتها من المواضيع السابقه وسالت ناس من الدفعات الي فاتت وقالوا هالكلام والله يسهلها علينا جميع ونكون من المقبولين باْذن الله .

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

ولله الحمد قبلوني مبدئي بس حبيت اسال نتيجتي ف القدرات و التحصيلي و كفايات مكتوب لازم اختمها من قياس ؟.

كيف اختمها و وين مكانهم ؟

لا يخوي انت تخش موقع قياس وتسوي طباعة وترفقها بالملف حقك انا عارف قصدك حقت للكليات والجامعات يجب الرجوع لبيانات المركز لتوثيق هذه النتيجه هذي الي مقصود فيها اداره القبول والتسجيل بالجامعات او الكليات الي عليك انت بس اطبعهم وحطهم بالترتيب

بشر كم جبت كفايات ومتى موعدك 🌞

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

طيب واللي نظره ضعيف ويلبس نظارات يشوتونه

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

اخ بس فتحت الجروح

كفايات ما دريت انها مطلوبه الا لما قبلوني و حجزت اختبار يوم 7

و موعدي يوم 16

تتوقع يمدي تطلع النتيجه ولا ؟

اي للأسف هم القطاع الوحيد الي مره مدققين على النظر ):

اذا محوسب تطمن ي قلبي بتطلع بعد 3 ،4 ايام بالكثير لاتشيل هم

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

يا عيال الصور المطلوبه 3 صح ؟

وحد في بطاقة المراجعه 2*3

ثنتين في الورقه 3 و 4 مقاس 3*4

فيه غيرها شي

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

السلام عليكم ,
يعطيك العافيه ععع المعلومات
عندي استفسار
هل يمكن ان احول قبل الكشف الطبي من كليه للي كليه اخر مثل من كليه الملك فيصل الجويه الي كليه الملك عبد العزيز الحربيه , واذا كنت اقدر كيف طريقه؟
وهل اللاسنان يدققون بسوسه الخفيفه ولا اهم شي الاماميه تكون خخاليه من تتسوس...

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

يا شباب نبي نحرك الموضوع معقوله محد انقبل مبدئي ؟

كل واحد يكتب متى موعده

انا 10/16

سو زي ماسويت خذ من كل وحده 6 نسخ عشان تريح بالك

بالنسبة للتحويل ماعندي خبر والله بس اتوقع والله اعلم انه مايمديك

بالنسبة للتسوس رح لدكتور الأسنان وقله افحص واشرح له وضع التقديم وخله يشتغل فيك ويسنعك وي عيال لاتنسون تروحون دكتور أنف وإذن وحنجره عشان لو في شي يعالجونه ويشيلونه

انا مثلك منلخم مدري وين اختفوا 😂😂😂

انا موعدي قبلكم يوم 8

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

زين علمنا وش يصير معك و بالتوفيق

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

السلام عليكم .. الله يتقبل منا ومنكم صالح الاعمال ويضاعف اجورنا واجوركم في العشر الاواخر

اتمنى ما يكون استفساري هذا سبب في اشغالكم او ازعاجكم ..

1- انا غلطت في اسم جد جدتي من امي هل فيه امكانيه اعدله ولا الموضوع سهل ما يبيله ؟

2- الشهود هل هم اللي يكتبون بخطهم او عادي انا اكتبها وهم يوقعون بس ؟

شاكر ومقدر لكم حسن تعاملكم .

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

بالنسبه لرقم 1 انا مثلك غلطت ب اسم ابو جدي ولا ادري وش الحل

اما رقم 2 انت صور بطاقات الشهود 2 و عب البيانات و وقعها انت او هم * اذا وقعتها خل التواقيع تختلف * و رح للعمده و يوقع لك وبس

يعطيك العافيه على الموضوع المتكامل
لكن عندي كم سؤال مافهمتهم بشكل واضح
س1: ماهي الجوات الجويه الملكيه بحثت عنها لكن ماوصلتني الفكره بشكل واضح ؟
س2: ماهو اسطول الطائرات اللي بالقوات الجويه الملكيه ؟
س3 ماهو الوثب 25 هل هو القفز الطويل ؟
س4: كيفيه تمرين البطن هل هو تثبيت الارجل مع تحريك باقي الجسم الا اعلى و الا اسفل

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

يا شباب الحشوه ممنوعه او لا ؟ نبي العلم الاكيد

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

زين بيض الله وجهك وان شاء الله نلقى حل او يصير امرها بسيط اللي برقم 1

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

شباب ويش شروطهم اللي يبي يقدم ؟!

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

سلام عليكم
شباب وين المكان اللي نروح له للكشف الطبي هل نروح للعيينه ولا في الرياض واذا كان في الرياض هل في نفس الوصف اللي في موقعهم

بالنسبة لرقم واحد انا قريت انه تحمل استماره الالتحاق ملف وورد وتعدلها لكن تاكدوا من المعلومة ذي

لا ي عين ابوي انت رح للوصف الي بالموقع

أهلين الي سمعته انه 50 متر جري سريع يعني فك ام السبرنت 🌚 وبعدين حول الملعب 1600 متر هروله زي السباق
والضغط والوثب شد حيلك وتمرن من الحين عشان تأخذ الدرجه كامله وتريح مخك

وبالنسبه لاسئلتك اكتب بقوقل القوات الجويه الملكية السعوديه ويبين لك كل شي بويكبيديا

الله يعافيك وي هلا والله ومرحبًا

س1: جاوبت عنه
س2: جاوبت عنه
س3: الوثب الي هي التمرين الي بالمسمى العامي البطه
س4:تمرين البطن انا قاعد اتمرن حاليا بكل الأشكال عشان اعود جسمي ولا جا وقت الاختبار الي يجي يجي أكون مستعد له وانصحكم تسوون مثلي

وي عيال كل واحد يعلمنا متى الموعد حقه خل نعرف بعض هناك

اي والله تكفون ي شباب علمونا

انا سويت الحشوه التجميليه البيضاء الي ماتبين وان شاء الله تكون مب ممنوعه لان قريت بالموقع يكون خالي من التسوس ماتكلمو عن الحشوات

لا ازعاج ولا شي أبد خذ راحتك
السؤال الاول : جاوبت عنه فوق بس تاكدوا منها ترا ماني متاكد

السؤال الثاني : عادي انت تكتب بس التوقيع لازم كل شخص فيهم هو الي يوقع

والله يسهلها علينا ونكون من المقبولين نهائيا ان شاء الله

اخوي انا حاب اغير موعدي بس خايف اطلع من الموعد اللي انا مسجل فيه وتكون المقاعد كلها محجوزه وفل سؤال المقاعد تتفلل علي عدد كم طالب ولا ماتتفلل واذ تتفلل يكون في كل يوم كم طالب

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

يعطيك العااافيه عع ردد و ماقصرت يي بعدي بس هروله معقوله 1600 متر سمعت انه 600بس ا

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

اذا 1600 راح يكون الجري اكثر من50 متر

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

الله يجزاك الف خير .. امين يارب اجمعين

والله في ذي ماعندي خبر بس يقولك المثل خلك على قردك لا يجيك اقرد منه 🌚

صح عليك 600 متر انا غلطت بالكتابه وبالموضوع كاتب 600 متر

ومتى مواعدكم ي عيال خلونا نعرف بعض 😂❤

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

اخوي ممكن طريق تمارين الوثب و البطن ؟

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

الوثب اللي هي القفز على حسب علمي .. البطن اللي هي sit up اكتبها بقوقل وبتعرفها بشكل افضل


لا تنسى يا صاحبي ترا فيه بوش اب وجري لا تنساها

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

صدقت ههههههههههههههه

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

الله كريم ي بعدي والله يجيبها ان كانت بها خيره والله يبعدها ان كانت بها شر لنا
موعدي يومم 21 الثلاثاء
فالكم التوفيق جممميع

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

الله يوفقنا وياكم جمييع
وموعدي يوم الاربعاء 15..
بس ياطويلين العمر عندي كم سؤال كذا :
الحين انا غالط باسم (جد جدي لابوي) ولا اقدر اعدل عليها؟
تضر تتوقعون يعني انرفض والا وش الوضع!!!!!!
والسؤال الثاني: جبت بالكفايات 26 تهقون يبون اعلى يعني والا اهم شي اني اختبر بس

والله يوفقنا ويسمح دربنا.

رد: تجمع المقبولين مبدئيا كليه الملك فيصل الجوية عام 1437 (استفسارات ،نقاشات)
 

بخصوص غلطك بالاسم انا زيك غلطت بجد جدتي لامي وان شاء الله ربي ييسرها وما يهتمون للغلط