|
اختكم الحائره محتاجه فزعتكم
السلام عليكم ورحمة الله وبركاته ؛؛؛
اخواني الأعضاء بدخل بالموضوع بدون مقدمات انا خدمت في قطاع خاص لسنوات والشهر هذا قرروا يغلقون نشاطهم فجأه فوق ان الرواتب ضعيفه كنت صابره ومتحمله بحكم ان اصرف ع امي واختي فوالدي متوفي رحمة الله فانا ابي اتاجر بمكافاة نهاية الخدمة تقريبا ب 25 الف ريال وابي تدلوني على مكتب تقسيط بطاقات ثقة احد عنده هالمبلع وهو يتاجر لي فيها يعلم الله اني في كرب وهم وتذكروا حديث الرسول صلى الله عليه وسلم: " مَنْ فَرَّجَ عَنْ أَخِيهِ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ ، وَاللَّهُ فِي عَوْنِ الْعَبْدِ مَا كَانَ الْعَبْدِ فِي عَوْنِ أَخِيهِ ". انا شكيت لكم همي بعد الله بحكم اني شفت كثير منكم خدوم ويفزع وعنده خبره ودراية واسالكم بالله لا احد يستغل ضعفي وحاجتي لصالحه اسأل الله العظيم من فرج كربتي ان الله يفرج همك ويرفع قدره ويطول في عمره ويباارك له في ماله واولادة ويرزقه الصحه والعافيه الي يعرف مكتب يراسلني ع الخاص |
رد: اختكم الحائره محتاجه فزعتكم
الله يكون بعونك
|
رد: اختكم الحائره محتاجه فزعتكم
هلا اختي الحايره
وش قصدك بتقسيط بطاقات قصدك تشتغلين في الديانه يعني تشترين بطاقات وتدينيها واحد يبي مبلغ25 الف عشان بس تصير حلال وتنباع بنفس اللحظه مدري هي شغلتها زي الصابون لوتعرفينه المهم انه هالشخص ياخذ مبلغ25 الف وبينكم عقد وبعد مده انتي تحددينها مثلا6 شهور يجيك زياده اعتقد7 الاف على مبلغك الاساسي واوممكن تدينيها لشخصين مثلا تعطين ديانه15 الف لشخص وشخص ثاني10الاف زوجي مجربها وروعه ماشاء الله تبارك الله بس مشكلتها اننه ممكن المستدين يماطل بترجيع الفلوس ويالله هاتك يامكالمات اوشكوى يعني لازم شخص ثقه من قرايبكم يمسكها لكعشان يقدر يطارد وراها او انك تدينيها شخص ثقه من الاقارب وبالتوفيق اتمنى اني افدتك |
رد: اختكم الحائره محتاجه فزعتكم
عليكم السلام ..
الله يفرج همك ويسهل أمرك ويعوضك في وظيفه أفضل منها .. بالنسبه لتقسيط البطاقات تعتمد بالأساس على صاحب المكتب وش وضعه.؟ وكم صار له شغال وأمانته .. مجال التقسيط فيه كثير من المشاكل وانا اعرف ناس شخصيا قبل اقل من 4 شهور تورطوا في بعض مكاتب التقسيط جمعوا الأموال من المساهمين وهربوا .. المجال فيه نوع من الخطوره وبالأساس يعتمد على صاحب مكتب التقسيط اذا معرفه او لا .. نصيحتي لك.. تجربين بمبلغ بسيط مثلا 5 الاف او 3 الاف تشوفين المجال اللي يناسبك .. ميك اب .. ملابس نسائيه .. ملابس اطفال .. الكترونيات .. اي مجال استهلاكي تحسين انك تفهمين وعندك ذوق فيه .. الطلب يكون من المواقع الصينيه بكميات بسيطه وجربي حظك بالكميات البسيطه والله يوفقك ويرزقك |
رد: اختكم الحائره محتاجه فزعتكم
ابن الأصول آمين وياك يارب
جنتي امي ايه ياقلبي هذا الي اقصده الله يسخر لي والله يفرج همك ويسعدك اخوي خالد العنزي الله يفرج همك ويسعدك والله يقبل مادعيت لي فيه ولك بالمثل ان شاء الله المشكله مالي في التجاره عشان كذا ودي واحد يخاف الله يستثمرها لي والله مشاركتكم في موضوع اعطتني راحه عجيبه الله يريح قلوبكم ومازلت انتظر المزيد من المشاركات وأتمنى الي ماعنده خبره يرفع الموضوع الله يرفع قدره |
رد: اختكم الحائره محتاجه فزعتكم
انتبهي من مجال الاقساط فيه نظام بينزل جديد بالمحاكم اللي عليه دين مايسجن نهائيا فقط توقف خدماته الحكوميه ولا توقف رواتبه يعني يسحب عليك وماتقدرين عليه
اذا تبين نصيحه اشتغلي بالتجاره من البيت فيها خير كثير مايعرفه الا اللي جربه سواء كان طبخ منزلي ولا تجارة ملابس اطفال مخفضه او اي شغله تكونين فاهمه فيها وعن طريق الانستقرام انا ولله الحمد كانت لي تجربه ممتازه بهالشغله كنت ابيع شواحن متنقله جبتها من الصين برأس مال قليل جدا والارباح فوق الممتازه بفضل الله والكلام للجميع اي واحد محتاج استفسار او افكار بخصوص التجاره الالكترونيه يتواصل معي على الخاص ويبشر بالخير |
رد: اختكم الحائره محتاجه فزعتكم
ماقصرت اخوي عابد الله يسهل امرك وامري
اساأل الله ان يكتب لي الخيره |
رد: اختكم الحائره محتاجه فزعتكم
مالك ومال الطلايب والشكاوي يا بنت الحلال هذا سدد وهذا ما سدد ولا تحطين شقى عمرك عند شخص منتي عارفه طينته وتروح عليك بغمضة عين
شوفيلك تجاره تديرينها بنفسك افضل هي تعب وشقى صح ولكن فيها خير بعد الله مثلاً اذا انتي بالرياض شوفي سوق الجوالات النسائي اللي افتتحوه قبل فتره والله ييسرنا امرنا وامرك يا اختي |
رد: اختكم الحائره محتاجه فزعتكم
الله يفرج كربك وابعدي عن التقسيط
|
رد: اختكم الحائره محتاجه فزعتكم
اختنا الحائرة : اسأل الله العلي القدير انه يوفقك ويبعد حيرتك ..
احذري احذري احذري من انك تسلمين فلوسك لاحد ماهو قريب لك وتعرفينه معرفة تامة .. |
رد: اختكم الحائره محتاجه فزعتكم
اسال الله ان يسعدك كل شخص رد علي ونصحني ودعاء لي الله يفرج همي وهمك وحسيت فيكم حب الخير الله يجزاكم خير
الله يعين احترت يارب دبرني فاني لا احسن التدبير المشكله الخاص ما اقدر ارسل أي رساله لاني مشاركاتي قليلة |
رد: اختكم الحائره محتاجه فزعتكم
اختي نصيحه لا تبحثين عن احد يشغل فلوسك خصوصا في النت انتبهي واحذري من الناس اللي ما تخاف الله ظاهرها الصلاح وخافيها النصب والاحتيال ..
الغالبيه العظمى هدفهم النصب ونادر تلقى ما تلقى احد ينفعك لوجه الله حنا رجال ما سلمنا من النصب والاحتيال ويشهد الله اني أطالب ناس بمبالغ عاليه ولكن الله يعوضنا .. النصيحه : مبلغك جيد لبدء مشروع صغير ودخله كويس بالنسبه لراس المال حسب تجربتي إذا لك المقدره أفتحي بوفيه "كافتيريا" تكلفتها بالكثير حول 20 ألف وممكن 25 ألف حسب المنطقه .. تأجرينها على العامل ب 2000 او 1500 ومالك دخل بشي ابدا لا ايجار ولا مشتريات ولا كهرباء ولا غيره .. كذا تضمنين دخل شهري حتى لو انه قليل لكن على الاقل عارفه وين فلوسك ووين شغلتيها .. والله يكتب لك الخير ويرزقك من واسع فضله |
رد: اختكم الحائره محتاجه فزعتكم
الحائرة
يسعدنا تواصلك على الايميل وبإذن الله سنتمكن من خدمتك وتغيير فكرة البطاقات لديك بانتظارك taghreed.sul2020@gmail.com |
رد: اختكم الحائره محتاجه فزعتكم
الله ييسر لك امرك
|
رد: اختكم الحائره محتاجه فزعتكم
اخوي خالد اسأل الله ان يسعدك سعادة ابديه لاتشقى بعدها ابدا
فكرتك مره اعجبتني والله يخلف عليك بحلالك الي راح |
رد: اختكم الحائره محتاجه فزعتكم
ا ب ت ث
آمين يارب وياك |
رد: اختكم الحائره محتاجه فزعتكم
السلام عليكم
ما أدري كيف المشروع هذا لكن ممكن يكون ناجح لو درستيه بشكل ممتاز تبيعي عن طريق الانترنت يعني حفلات عشاء أو تعملي بوفيهات وترسلينها لصاحبة العزيمة. إذا انتي ممتازة في الطبخ استغلي الموهبة. أو سوي بروست من البيت ما شفت أحد سوا هذا الشيء |
رد: اختكم الحائره محتاجه فزعتكم
الافكار كثير ممكن تسوي طبخ مثل الورق العنب وغيره وتبيعي وسوي حساب في الانستقرام
ايضا لو لكي بتصميم حفلات التخرج والمواليد وغيرها تقدري تعيني من الله خير |
رد: اختكم الحائره محتاجه فزعتكم
اقتباس:
وهذا موضوع عن المحل حقي اللي افتتحه قبل فترة محل بروست اذا تبغين تستفيدي منه كمحل تجاري ولكن من البيت فهو يحتاج مواد كثيره ومكلفة وممكن ماتقدري على اسعارها بالفلوس اللي معاك فانصحك بشيء ثاني علي اقبال اكثر http://btalah.com/showthread.php?t=667501 الله يسهل لك امرك |
رد: اختكم الحائره محتاجه فزعتكم
اذا ممكن تبغين تعملي في مجال المواد الغذائية مثلا شاورما
فانا افتنحت قسم الشاورما مع البروست ولله الحمد والاقبال عليها تمام وعندي خلصة للشاورما طعمها محبب وانا مسؤول عن الطعم 100 % انه ممتاز وتحتاجي مكينة شاورما وهي رخصية اذا كان مكينة شاورما صناعة تركيه واصلي فتحصلي في محلات الهليس سعرها 4500 انا اخذت مكينة شاورما صناعة وطنيه من حراج الصواريخ بجدة وجديده بسعر 1780 ريال وتحتاجي اسطوانة غاز وسكين تقطيع شاورما فقط والخبز اما تعمليه عندك بالبيت او انك تشتري خبز التورتيلا من اي مستودع او سوبر ماركت واي شخص يطلب تعملي له شاورما وتجهزي له طلبه اما ساندوتش او صحن وسط او صحن كبير او شاورما عربي وصوص الثوم امره بسيط اعطيك خلطة الثوم التركية ومكوناتها سهله وسريعه اذا فكرتي بمشروع الشاورما ساكون على تواصل معاك باذن الله في نفس الموضوع وساكون متابع لموضوعك هذا او تواصلي معي على الواتس اب اللي انا حاطه في موضوع الخاص بي حق البروست http://btalah.com/showthread.php?t=667501 وهذا رابطه او الايميل الموجود في الموضوع الله يسهل لك امرك |
رد: اختكم الحائره محتاجه فزعتكم
وعليكم السلام ورحمة الله وبركاتة
ابشري بالخير . مين اي منطقة ؟ |
رد: اختكم الحائره محتاجه فزعتكم
انتبهي على نفسك اختي
الموضوع خطورته انها تضيع كل فلوسك لو تراسليني خاص عندي لك فكرة مندوبة تسويق ومنتج نسائي تجيب فائده بدون ماتدفعي ولا ريال فقط تحتاج منك وقت فراغ وعلاقات بصاحباتك وقريباتك ومعارفك الحريم |
رد: اختكم الحائره محتاجه فزعتكم
فاعل خير انا من الرياض
اختي الساحرة الله يجزاك خير ياقلبي |
رد: اختكم الحائره محتاجه فزعتكم
ملك الهوكي الله يسعد قلبك ويجزاك خير
المشكله اني فاشله في الطبخ |
رد: اختكم الحائره محتاجه فزعتكم
اخوي فيصل الله يجزاك خير على نصايحك الله لايحرمك الاجر
مشكلتي لاطبخ ولا تصميم |
رد: اختكم الحائره محتاجه فزعتكم
اخوي علي الله يجزاك خير وقرأت موضوعك من قبل ولامست فيه حبك للخير الله يفرج همك
بس مشكلتي احترت ولا آني عارفه يارب لا تكلمي الى نفسي طرفة عين |
رد: اختكم الحائره محتاجه فزعتكم
الله يسعد كل ما من رد ع موضوع فعلا الناس مازال فيها خير الله يفرج همومكم ويرزقكم من حيث لا تحتسبون
|
رد: اختكم الحائره محتاجه فزعتكم
التجارة المنزلية ابرك وافضل
اكل او اكسسوارات او ملابس |
رد: اختكم الحائره محتاجه فزعتكم
d7moni الله يجزاك خير
الله يسهل كل عسير |
رد: اختكم الحائره محتاجه فزعتكم
السلام عليكم
ابتعدي عن التقسيط وانسي موضوعه قبل عدة ايام تم سعودة اكشاك الاكسسوار بداخل المجمعات التجاريه والمولات ابحثي عن مؤجر واستأجري بالشهر وخذي البضاعه من سوق المرقب وستجدين ضعف مبلغك في دخل شهرين بمشيئة الله ان لم يحالفك الحظ في موقع للايجار ادخلي في المعارض التي تقام في مهرجان الرياض للمعارض صالة العليا واستأجري مكان مدة المعرض وادخلي بجزء من مبلغك في النشاط النسائي ملابس ومنبعها في اسواق الوزير والعمائر المقابله للوزير او اكسسوار ومنبعهم سوق المرقب وستجدين مايسرك بمشيئة الله |
رد: اختكم الحائره محتاجه فزعتكم
اختي الحأره ,
احنا مؤسسه ونشاطنا مواد التجميل , احنا محتاجين لمسوقات , يسوقون المنتجات للصالونات . طبعا النسبه اقل شي 5000 ريال , ومافيه حد اعلى . |
رد: اختكم الحائره محتاجه فزعتكم
أنا أنصحك ان تدخلي التجارة وأن تفكري وتبحثي في شيء مناسب لكي
وتسطيعي أن توظفي شخص ويكون له معرفه أو مهارات بالمشروع الذي ستختارينه وتكوني أنت القائمة على مشروعك ووفقك الرحمن عز وجل وحفظك |
رد: اختكم الحائره محتاجه فزعتكم
الله يفرج همك يا اختي ويحميك ويهون عليك ويستر عليك ويرزقك من واسع فضله
|
رد: اختكم الحائره محتاجه فزعتكم
الله يفرج عليك ويعينك ويعينا وياك
هذي بعض الافكار اللي في بالي الحين.. 1- تقدرين تستقدمين لك اكثر من خادمة وتاجرينها على المناسب بحكم ان اغلب المنازل فاقدين خدامات . (المشروع الاول) 2- تقدرين تفتحين لك مشغل في المنزل ملابس او تجميل (خذي دورة تجميل) ، (المشروع الثاني) 3- تقدرين تفتحين لك روضة اطفال او حضانه في المنزل او في مكان مناسب . (المشروع الثالث) 4- تقدرين تستقدمين طباخه او خدامة وتخلينها تطبخ حلويات او اكل شعبي او كيك ومقبلات . (المشروع الرابع) عيوب : 1- المشروع الاول بيكون مكلف راح ياخذ 20 الف سلام سلام وبيسحبها 2- المشروع الثاني بيكلفك جهد عقلي لابد من الابداع والخبره ، وهذي تجي اما من التجربه او التعليم او الممارسه 3- المشروع الثالث الموقع مهم لابد منه وسلامة الاطفال مهمه وسلامة المادة التعليمية وبيكلفك بحدود 18 - 25 الف مع الاستقدام 4- المشروع الرابع البيع يكون على القريب وهذا عيب في التسويق الالكتروني (مواقع التواصل الاجتماعي) ، الين مايعرفونك الناس ملاحظتين المشروع الثاني والرابع مابيكلفك الكثير وبيتبقالك من مبلغك النص تقريبا ، نقول ان شاء الله :) الاسعار الموجودة تقريبية واحتمال اكثر واحتمال اقل . وفي مشاريع ثانيه بس يبيلك راس مال اكبر ، وفي مشاريع شخصيه يُخطط لها تحياتي طالب جامعي1 |
رد: اختكم الحائره محتاجه فزعتكم
اقتباس:
اختي الفاضلة عن نفسي اتكلم من افضل المشاريع الناجحة الان مكاتب تقسيط البطاقات ولا تتردي وخليك من اللي يقول افتح بوفيه او مشغل او غيره انتي عارفة بالنسبة لمبلغ 25000 ريال بصراحة ما تفتح لك محل لكن خذي بنصيحتي واتجهي لمكتب تقسيط والأفضل يكون معرفة يعني عن طريق احد من اقاربك او عن طريق احد من صديقاتك . ولتوضيح عندما تضعين فلوسك بأي مكتب اشرطي على صاحب المكتب مع التعقيب بالمحكمة وما يقصد سوى ( موظف او موظفة ) بجهة حكوميه وبكفيل ( موظف او موظفة ) بجهة حكوميه وبالنسبة الضمانات توقيع المتقسط من حسابك على كمبيالة ( سند لأمر ) |
رد: اختكم الحائره محتاجه فزعتكم
لاتعطيها لاحد انتي متفرغه شغليها بنفسك
شوفي مشروع انتي تقدري عليه ويناسب المبلغ اللي معك مثلا خصصي غرفه او اثنين بالمنزل لحضانة الاطفال تحت سن المدرسه..جهزيها بسراير نوم و شوية العاب حركيه وكتب وقصص اطفال وجهاز تعقيم رضاعات..صدقيني اي موظفه عندها طفل مايروح المدرسه اكبر همها طفلها ومحد يثق بالشغالات يخلي فلذه كبده عندهم.. والله يفرج همك |
رد: اختكم الحائره محتاجه فزعتكم
اختي الحائره
انا صاحب مؤسسة تقسيط ولي في السوق 11 سنه ولله الحمد والأن جالس اكتب الرد من المكتب ولكن خذيها نصيحه من اخ لأخته لاتستثمرين مبلغك عند اي مكتب او اي شخص وراح اقولك الاسباب الغائبه عن الكثير بعض اصحاب المكاتب وانا لا اعمم اقول البعض منهم بمجرد ماتسلمينه المبلغ مثلاً الـ 25000 ريال يقوم بالاتصال بالعملاء المتعثرين عنده ممن تقل مديونياتهم عن 20000 ريال يعني لو صاحب المكتب يطلب عميل متعثر والعميل ماسدد والمبلغ اللي عليه 20 الف ريال يكلم العميل يقول تعال ابي اعطيك 25 من مستثمر بشرط اني اخصم العشرين فلوسي اللي انا اطلبك من اول ويصفى لك 5000 عاد العملاء الاغلبيه نصبين ومايخافون الله الا من رحم ربي يجي ويوقع عقد جديد ويستلم 5000 ريال والعشرين يسدد بها صاحب المكتب المديونيه القديمه اتمنى اتضحت الصوره عشان كذا نصيحتي لك شوفي لك مشروع انتي بنفسك تديرينه الأن فيه صالات نسائيه لبيع اجهزة الجوالات استأجري عندهم واشتغلي |
رد: اختكم الحائره محتاجه فزعتكم
السلام عليكم
وش كان نوع الوظيفة السابقة؟ |
رد: اختكم الحائره محتاجه فزعتكم
في اي مدينة ؟
بما ان ظروفك مثل ماقلتي 25 الف مابيكون لها العائد اللي يفي بالغرض والرزق من عند الله صحيح فيه مشاريع يمكن راس مالها 500 ريال وتدخل ارباح جيدة عشان كذا قلت الرزق من عند الله |
رد: اختكم الحائره محتاجه فزعتكم
25000ريال
في مكتب تقسيط , يعني كم يعطونك بالشهر ؟ اذا كان المكتب هو اللي بيتعامل مع العملاء ويبرم العقود بإسمه وهو اللي بيعقب على المتعثرين |
| الساعة الآن 05:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين