جزاك الله خير اخوي اسماعيل العسيري موضوعك جميل جدا ويحفز على التجارة لاتبخل علينا بمواضيعك ومشاركاتك
تحياتي لك

يعطيك العافيه على طرح تجربتك

من وجهه نظري انه مستحيل العامل يتحمس يدخل مكاسب اكثر للمشروع وهو يستلم راتب شهري ثابت

لابد تعطيه نسبه من الارباح ولو بسيطه جدا

هذي حياة التجارة .. تجارب وتتعلم منها وتستفيد لمستقبلك
مع اني ضد العمل بدون دراسة جدوى للمشروع بشكل تفصيلي .. ودراسة الجدوى تكون قبل البدء بالعمل لمعرفة تفاصيل العمل والارباح المتوقعة والخطة الاستراتيجية له والتوسع المستقبلي ..

وايضا لازم تختار الشريك المناسب لك .. اذا المشروع بتبدأ فيه بمالك وانت ما عندك خبره فيه لازم تجيب شريك معك له خبره في هالعمل وتعطيه نسبه من الارباح تتفق بينك وبينه عليها كـ 40% او اقل وتسلمه الشغل ولك باقي نسبة الارباح على ان يكون بينكم عقد (مضاربة) موثق من عند محامي .. وعقد المضاربة يكون انت تدفع المال والشريك يكون له نسبة من الارباح السنوية فقط بدون راتب وبجهد العمل عليه .. وتكون انت كرئيس مجلس ادارة او مدير عام وهو مدير تنفيذي او العكس بينكم .. وتوظف مدير للمشروع له خبرة بالعمل وبالاشراف ومحاسب لادارة الاموال .. ونظام حاسوبي مالي متكامل لإدارة العمل والارباح عليه ..

والعمالة لازم على كفالتك لتضمن ولاءهم لك على المدى البعيد .. وتريحهم من ناحية توفير السكن والتأمين الطبي وزيادة الراتب لو 50 ريال كل سنة او نسبة من الارباح كل سنة كـ 2% مثلا لكل موظف فهذا يجعلهم مطمئنين لك وللعمل معك ويستمرون معك فترة اطول ..