كل الشكر لفتى نجد
ولكل المشاركين

اخي فتى نجد او اي شخص ممكن يفيدني
اذا تخدمني ابغى اسماء وارقام تلفونات محلات الجملة للساعات والجلابيات في دبي

انا رحت سوق عكاظ ومرشد بس كلها غاليه
سمعت ان فيه ارخص ولكن ما ادري

ولك جزيل الشكر

السلام عليكم الله يعطيك على نيتك فتى نجد ويساعدك ويفرج عليك زي ما فرجت على كثيرين ب نصايحك ومعلوماتك

طلبي منك او ممن عنده معلومه انا افكر اشتغل بفساتين السهره الجاهزه وابغى مواقع اقدر اتعامل معاهم سمعت ان تركيا عندهم جواهز سهره والصين كذالك لكن لم اجد مواقع او طريقه للتواصل معهم ،، ونصايحك للفكره والمشروحع لاني ما بحياتي سويت مشروع ولكن ملينا من البطاله

اخوي / عادل حياك ..
لللأسف ماتحضرني تلفوناتهم الأن , ولكن انت طالما وصلت السوق أكيد انك لفيت عليهم أغلبهم وسعرت وشفت بنفسك .
لكن حبيت انبهك على شغله .. ترا الأسعار مرتفعه بشكل عام حتى في الصين نفسها ارتفعت بشكل كبير جدا , مثلاً ( درزن جلابيات نسائية شتوي قطن السنه اللي فاتت كان بحد ود 110 ريال واصل المستودع , هذي السنه يوصل تقريباً 260 ريال !!!! ) .

السؤال .. إنت على أي اساس حكمت إن الاسعار في دبي غاليه ؟؟

وموفق بإذن الله ,,,

حياك اختي ..

ـ الشراء عن طريق المواقع صعب خصوصاً مع الصينيين لأنهم نصب في نصيب واحذري منهم .
ـ الشراء من مواقع تركيه ممكن وانا انصح بتركيا افضل بكثير من الصين خصوصاً بالسهرات لأن تصاميمهم رائعه وخاماتهم ممتازه جدا جدا , لكن المشكله الموقع ما يسمح نحط أي روابط هنا .
ـ المشروع بشكل عام ممتاااااااااااااااااز جدا جدا وارباحه خياليه ولاتطري على بال , ولكن بشرط إن البضاعة من تركيا ولابد من السفر الى تركيا وشرائها بنفسك ( يعني تكون نقوه ) لأن المواقع ماراح يعرضون كل اللي عندهم حفاظاً على تصاميمهم , يعني اللي بيكون موجود في الموقع اغلبها موديلات قديمه .
ـ واذا كان المشروع في أي مدينة غير الرياض و الخبر و جده , بيحقق نجاح لالالالالالالالايصدق إن شاء الله وانصح فيه بقوه .

وبالتوفيق بإذن الله ,,,

الله يرزززقنا ويااااااااكم


لي عوووده ..

[align=center]
جزاك الله كل خير * فتى نجد *
وكل المشاركين بالموضوع

حابة أستفيد من تجاربك وتجارب الأعضاء ,,
عندي موهبة وشغف بالأشغال اليدوية والهدايا والتغليف
وقبل فتره بدأت مشروع وفتحت محل للهدايا بسوق نسائي بس للأسف كانت تجربة شبه فاشله والحمدلله
صحيح اني استفدت كثيييييييييييييييييييييييير من التجربة بس مشكلتي اني غلطت بإختيار الموقع لأن فكرة الأسواق النسائية بجدة غير مقبولة حاليا وطبعا استهلكت كل راس المال الموجود عندي بالأضافة للديون اللي اتراكمت عليا و كثرت الإنتقادات والتحطيم من أقرب الناس ليا بس ما أستسلمت وإستمريت بأعمالي وهوايتي لكن بتواجهني صعوبة التسويق والدعاية وبحكم إني بنت فمجالي محدود جدا وخصوصا بعد التجربة الأولى مابلقى الدعم الكافي من أهلي عشان أبدأ من جديد وأحقق حلمي وأستغل وقت فراغي الضايع بلافايدة ..
بعد كدا تعاملت مع أكثر من زبونه ونفذت طلبياتهم لكن بتفاجأ بالأخير اني تعرضت لعملية نصب وإستغلال أكبر من اللي قبلها يمكن مازالت تنقصني الخبرة الكافية لبدء المشروع الصحيح ..

فاللي عنده خبره أو نصيحة أو مساعدة يقدمها ليا لايبخل لأني بجد بحاجة مساعدة خصوصا من بعد ماخلصت الجامعة سار عندي فراااااااااااااااااااااااااااااااااااااااااغ كبير والله الثواني بندم انها ضاعت مني من غير فايدة ..
أعمالي عرضتها بقسم البيع والشراء للي حاب يتطلع عليها ..


https://www.btalah.com/t367862.html

" حسبنا الله سيؤتينا الله من فضله إنا إلى الله راغبون"

[/align]

اخي الكريم فتى نجد يعطيك ألف عافية على جهودك
عندي فكرة لمشروع وياريت تعطيني رأيك فيه وياريت كل عضو عنده خبره لا يبخل علي برأيه
المشروع عباره عن تأجير مفارش لطاولات الاعراس والحفلات وتلبيسات كراسي وتلبيسات علب المناديل وقاروة ماء الصحه يعني طقم كامل وحابه اني اجيب المفارش من الهند او كشمير او باكستان وياريت اللي عنده مصادر في هذي الدول يفيدني الله يجزاه الجنه
انا من ينبع وهذه الاشياء تعتبر جديدة عندنا في المنطقة
لكني متخوفه من موضوع ان الناس تحب تستأجر من محل واحد يعني الزينه اللي على الطاولات والكوشه وهذي الشغلات وانا ما عندي بصراحه امكانية انفذها لاني يلزمني مستودع وناس تروح وتزبط واكيد احتاج لعمال رجال وهذا شئ مستحيل
ابغى فقط ااجر المفارش
ياريت تعطيني رايك
في انتظار الرد
وشكرا خاص لجميع القائمين على هذا المنتدى بصراحه منتدى رائع ومفيد واسأل الله العلي القدير ان يجعله في ميزان حسناتكم

مبدع يا فتى نجد
وفكرة مشروع تجاري حلو وناجح ان شاء الله

السلام عليكم ورحمة الله وبركاتة


اخي العزيز فتى نجد جزاك الله عنا كل خير صراحه الموضع اكثر من رائع

وانا امس شفت موضوعك بالصدفة ومره عجبني صراحه

وبدأت اقراه من اول صفحه في الارشيف

وتشجعت بعد ما قريت الموضوع والتجارب

وفي كذا فكره في راسي ومو عارفه اي وحده اختار

وبصراحه ماعندي احد يشجع ابدا

تحطيم في تحطيم

انا قريت بداية الموضع في الارشيف

هم ست صفحات وقريت الصفحه الاولى كامله
والموضوع جدا رائع
اللي اقصده ان بداية الموضوع كان في 2007

وانا توني اشوفه فحبيت اقراه من البداية واشوفه

فلي عوده بأذن الله بعد ما قراه كله
عشان ابي استشيرك اخوي فتى نجد وباقي الأعضاء الكرام
في الافكار اللي عندي و هل هي مربحه او تمشي في وقتنا الحالي ولا لأ

و شاكره لكم مقدما وللمنتدى الاكثر من رائع..

و على فكرة تراني ما سجلت في المنتدى وتحمست اسجل الا لأجل موضوعك الرائع اخوي ابو خالد

السسسسسسسسلااام عليكم ..


واااااااو .. الله يعطيك ألف ألف عاافيه ،، ويسهل أمورك والمسلمين دنيا وآخره ..
من أمس الساعه 9 الصباح لين 4 العصر " يعني فترة دوامي كلها " واليوم كذلك حتى الآن توني قضيت الموضوع كامل من أوله لـ اخره .. وكلها معلومات قيمة وحقيقة أول مره في حياتي أٌرا هالكم الهائل من المعلومات في أقل من يومين وبنفس طيبة ومرحه .. .. كلكم فيكم الخير والبركه والله يكتب اللي فيه الخير يارب للجميع .. عموما أستاذي أبو خالد لي عودة قريبه إن شاء الله وأطرح كل ما عندي دفعة واحدة عشان لا أتعبك بالردود والمتابعة .. عندي أكثر من مشروع واحد يخصني والثاني يخص أختي ..

تحيــااتي

جزاك الله خير اخوي ياخي اقرب مثلا شوفو الهنود والاجانب بشكل عام ياخي معيني خير من هذا الشغلات يبدا من الصفر اذا جاء السعودية ويفتح له محل ويصيطرون على السوق ويجيب اهله وعياله ويمسكون السوق كامل وحنى باقي عيب ومدري ايش والعالم مترزقه من ظهورنا ليش حنى ما نستغل الفرصه
حبيت اوصل لكم بس فكره بسيطه ممكن تنفع ذو الدخل المحدود
الله يوفقهم يارب ويكتب لكم الخير في هذي المشريع

حي الله كلن باسمه , وتشرفت بمروركم ...
والعذر والسموحه عن اتقطاعي كل فتره ولكن مجبر والله .

وإن شاء الله بيكون لي مرور كل فتره , وارجو منكم العذر .

وبالتوفيق للجميع ,,,

السلام عليكم ورحمته الله وبركاته
فتى نجد يابعدي والله سجلت عشان افكارك النيره اللي تحمس
انا ابشرك اني قررت اصير سيدة اعمال اللي كان حلمي من وانا بالثانوي
لكن ربك يسرها ولكل شي وقت وعسى الله يفتح علينا وبديت اشتري من ابو ريال وابيع بريالين وسويت كم حبه اكياس لتخزين مثل اللي ينحط فيها الاستشوار وغيره-بعت بس حبه من 5انا انزل سوق الحراج وابيع الملابس المستعمله وقررت اني اجيب بضاعه تكون اسعاره بسيطه وابيها في الحراج لانه الناس اللي فيه كلهنم على قد الحال يعني يبون الشي الرخيص اللي مايتجاوز ال20مثلا عاد انا ابي منك الفزعه لاهنت الرياض ماعرف اسواقه ولااعرف احد ينزل لسوق ابي اذا تقدر تساعدني بتوفير بضاعه ومن جده وصيت مندوب بس المشكله ان كل وقته مشغول لي الحين اسبوعين وهو لسى ماسوى شي مدري وقته ضيقه تكفى فزعتك الله يفزع لك يوم الموقف العظيم ولايجيجك لمخلوق وياليت ترسلي ايميلك لاني توي مسجله انتظر ردك

عزالقصيد ياخوي مساك ربي بالخير ياليت ترسلي ايميلك على الخاص ابي اتواصل معك

الاخ فتى نجد
السلام عليكم ورحمة الله وبركاته
بصراحة شدني موضوعك الرائع والجميل
حاولت ارسلك رسالة على الخاص ولكن لم استطيع لمنعكم انتم فتى نجد
انا موظف واريد ان اعمل في الفترة المسائية ياليت ترشدني على تجارة مسائية
بالنسبة للبخور اريد عينة كيف التواصل معك اخي فتى نجد وهذا ايميلي am123-123@hotmail.com
am123-123 @ هوتميل دوت كوم

أخـوي فتى نجد صراحه قلمي يعجز عن التعبير على ما تقدمه لأخوانك واخواتك عسى الله يرزقك من حيث لا تحتسب رزقا في الدنيا ورزقا في الاخره ومثواك جنات النعيم ..

اخوي فتى حاولت ارسلك رسالة خاصه ماقدرت .. أبغى اتواصل معك ياريت اذا مهتم للموضوع تراسلني ع الخاص بطريقة التواصل ..
اسأل الله لي ولك التوفيق

تقبل تحياتي ..

السلام عليكم

ما شاء الله عليك اخوي فتى نجد والله يفتح عليك ابواب الخير من حيث لا تعلم

بصرااحه موضوعك وطرحك مررره حلوة .... افكارك و ردودك ما عليها غبار


بصراحه انا ودي افتح محل بسوق القريه الشعبيه لانه قريب من بيتنا بس المشكله :

1- ما اعرف شئ بالتجاره
2- ماني قادره احدد البضاعه اللي ابيها ( سوق النساء بالقريه كله قمصان روز وبخور و..... الخ) اخاف اجيب مثلهم وماتمشي بضاعتي واتوهق فيها

بصراحه فكرتك اللي طرحتها اعجبتني ( فكرة اني ازودهم بالبضاعه بدل ما يشترونها من سوق الجمله وبسعر اغلى ) بس كيف ابدااا فيها


اناااا جاده بالموضوع وابي نصيحتك وياليت تتواصل مع غلى الخاص


الله يــــعطيك العافيه

...
 

موضوعك جميل انا ابي اشتغل ولاكن كيف اجيبها من دبي هذا اولا

ثانيا: الحاجات الي في البسطات فيه انواع الحريم مايعجبهم يعني مثلا اشتريت زر والا هيل والا اي شي فيه شي حلو وفيه شي مو كويس وانا بالنسبه لي ماافرق بينها..

السلام عليكم
حابه اسالك اخووي عن محلات الجمله بجده للملابس الجاهزة احابه ابدا تجارتي فيها
واذا فيه منتجات من الصين غريبه ويحتاجها السوق دلني عليها واكون شاكرة لك

موضوع جدا مهم

الله يعطيك العافيه اخوي فتى نجد

وياليت تترجع تتواصل معانا

اخ فتى نجد اولا ربي يوفقك لانك تساعد الناس وثانيا
انا من زمان افكر بالتجارة واصير تاجرة في احدى المنتديات لكن ماأعرف كيف
فكرت اخذ بضاعه من دبي بالذات السوق الصيني او سوق الكرامه لكن اشوف الكل ياخذ من الصين رغم انهم يقولون كل اللي في الصين موجود في السوق الصيني بدبي هل هذا صحيح واذا لا شلون اخذ من الصين والشحن والجمارك وكيف اتأكد انهم مايلعبون علي وياخذون فلوسي انا ببدأ بدايه بسيطه بشنط التقليد ودي بنصايحك في هالموضوع مع خالص شكري

السلام عليكم ورحمة الله وبركاته
 

اشكر فتى ونجد وكل من افاد الناس بخبرته ومعرفته وهذا شي طيب ونادر خاصة بهالزمن

ما اطولها وهي قصيره
انا طموحي كبييييييير والله يعينني واقدر اسوي لو جزء بسيط من افكاري

المهم

عز الشماليه وعطر الغلا انا ذوقي جدا رائع والحمد لله ائا تحبون ممكن انا ادورلكم من اسواق الجمله اللي بجده بضايع واخذ عموله عليها او اني اشتريها وارجع ابيعها لكم

انتو بس اذا حابين ممكن تحددون وش تبون من جده من بضايع وانا باذن الله ادور عليها الين القاها لكم


وعلى فكره انا عندي مناكير الطباعه عالاظافر والقوالب الخاصه فيه اذا حابين راسلوني

والله يوفقني ويوفقكم للخير

حياك الله اختي .. والمعذره المعذره لأني فعلاً ما اقدر اخدمك بهالموضوع , لكن اكيد بتلقين في المنتدى من يقدر يخدمك بإذن الله , وحاولي يكون تركيزك على جده افضل من الرياض باسواق الجملة .

حياك الله اختي ..

اول شي !! هل تعرفين كيفية الحصول على محل في القرية الشعبية ؟؟

ثاني شي , توريد البضائع ممتاز ولكن يحتاج منك السفر الى دبي , ويحتاج صبر وطولت بال لين تتعرفين على التاجرات بالسوق ويتعرفون عليك ويكون بينكم ثقه , ومجرد الوصول للمرحله هذي اعتبري نفسك نجحتي بإذن الله .

كيف اجيبها من دبي ؟؟ لابد من السفر الى دبـــــــــــي !!

مسألة يعجبهم ومايعجبهم , هذي تعتمد عليك انتي , يعني لابد من نزولك للسوق لفتره والتعرف على البضائع الموجوده والمرغوبه , يعني ( دراسه ميدانيه للسوق ) وبعد كذا بتكتشفين انك استوعبتي السوق وعرفتي متطلباته , وعلى فكره لو قدرتي تعرفين 30 % من متطلبات السوق هذا يعتبر انجاز مبدئياً .

للأسف ما اعرف وين موقعهم في جده , ولكن حسب علمي وعلى ما اذكر قالو فيه سوق اسمه ( عماير الباشا ) وإن شاء الله يكون صحيح .

الصين مليان منتجات غريبه ومربحه ... لكن السؤال : هل تقدرين تسافرين للصين ؟؟

الله يعافيك اخوي ... وبإذن الله اني موجود وحواليكم ( تراني ما ابعد :Looking: ولا اتعدى الحاره :yaa: )
قررررريب .

السوق الصيني في دبي سوق فاااااااااشل ومافيه إلا النصب والكذب واحذر الجميع منه .

اسواق الجمله المعروفه في دبي هو ( سوق ديـــره ) وفيه كل المنتجات .
بالنسبه للشراء من الصين لاانصح ابداً الشراء عن طريق وسيط , الحل الوحيد هو السفر فقط .
بالنسبه لتقليد الماركات !!! ممنوووووووووع دخولها للسعودية وتراها بتتصادر عليك وبتخسرين راس مالك ... انتبهي انتبهي ولاتفكرين فيها ابداً .

العفو اختي الكريمه , واتمنى ان يكون بينكم تواصل وتفيدون بعضكم اهم شي ( صفووووووو النيه )

السلام عليكم ورحمة الله وبركاته
 

اخوي فتى نجد تدري انا طحت بهالموضوع من عمنا قوقل ولي يمكن 5 ايام اقراه الين خلصته ونزلت ردي عليه وانا مستعجله ما اطولها وهي قصيره

بس حبيت والله اشكره والله يعطيك العافيه
وكمان حبيت استشيرك بشغله وماني عارفه فيها غير الفكره اللي تدور براسي واللي لها كم يوم

يمكن هي فكره مالها داعي ولكنها تلف وتدووور براسي طريقة تنفيذها على ارض الواقع شلون ؟ ماني عارفه

المهم فكرتي هي انو الكثيييير من البنات والعيال بتخصصات مختلفه وبجميع مدن ومناطق المملكه وجالسين بالبيوت

ففكرتي هي اسوي موقع واعلن عنه الموقع عباره عن بطايق تعريف تحتوي على بيانات كل بنت او ولد بالمملكه وحاب يشتغل يكتب بياناته بالموقع وش تحتوي عليه بياناته؟ تحتوي على اسمه وتخصصه او شهاده ومهاراته وهواياته و بأي منطقه او اي مدينه وسيلة الاتصال به وتكون سريه وسيلة الاتصال حتى ضعاف النفوس ما يغرهم ابليس

الحين يجي دوري انا يصير اقسم هالاشخاص كل على مدينته

ولمن احد يبيله مثلا بتبوك يبيله مهندس ديكور او معلم دهانات انا اشوف البيانات اللي عندي وارسله له بعد ما انا احدد له السعر ********> او انت وش رايك اذا فيه فكره افضل

مثلا وحده تبي مدرسه خصوصيه او منسقة حفلات بنفس الطريقه

وطبعا لازم كل اللي يسجلون بياناتهم عندي يكونو جادييييييين انهم يبون يشتغلون


لساتي ما درستها زيييين ولا محورتها براسي ولكن اذا عندك اي رأي بالفكره ياليت ما تبخل برايك لي

واذا الفكره مالها داعي برضو انا صدري وسييييع واتقبل المدح والنقد البناء بسعة صدر

لى فكرتي


واي استفسار انا موجوده

ايه صح بالنسبه للفلوس حاليا عندي 2000 ريال لان كل راس مالي وقف مع شركة المتكامله اللي موقفينها بالتداول الله ياخذهم


بس ممكن اقدر ادبر فلوس اذا المشروع ممتاز ومضمون النجاح لأن اللي باخذ منه الفلوس مستحيل يعطيني الا اذا ضمن انو بيرجع له مردود وراه

وكمان عندي مليون فكره وفكره لو بأقولها باتعب وانا اكتبها بس حتى اوصل فكرتي


انتظر ردك علي باسرع ما يمكن

اعجبتني افكارك كلها وحبيت اشوف وش بتقول ع

لو سمحت اخوي ممكن تساعدني

بسم الله الرحمن الرحيم الأخ فتى نجد بدي أيميلك ضروري وبدي رقم جولك أن أمكن
على الخاص طبعا

يعطيك العافيه فتى نجد