المشاركة الأصلية كتبت بواسطة احمدينهو (المشاركة 8975314) انا مرشح في الرياض واخذت ورقة الكشف الطبي من المحكمة الادارية بالدمام

المشاركة الأصلية كتبت بواسطة احمدينهو (المشاركة 8975501) تاخذ معاك صور شخصية 3X4 وتجيب الهوية فقط يعطونك ورقة الكشف انا بروح الرياض اذا خلص الكشف واعطيهم اوراقي لان ترشيحي في الرياض مدري كيف وضعك انت اسألهم اذا رحت

المشاركة الأصلية كتبت بواسطة مواطن مغلوب (المشاركة 8978537) الحمدلله انقبلنا في ديوان المظالم وتم عمل كشف طبي وسلمنا أوراق ولكن المشكلة ماعطونا تاريخ المباشرة

المشاركة الأصلية كتبت بواسطة علي العبدالرحمن (المشاركة 8979796) كيف طريقة الكشف الطبي وكم مدة هالإجراء؟

السلام عليكم ورحمة الله وبركاته

اخواني الاعزاء انا اول مره اشارك معكم ، بفيدكم باللي اقدر عليه حسب تجربتي .
بالنسبة للاخوان اللي يسالون عن الكشف الطبي .. تقدر تروح تاخذ الورقه تبع الكشف الطبي من اقرب محكمة ادارية قريبة لك مو شرط من ديوان المظالم في الرياض .. وكل محكمة راح تحولك على اقرب مجمع طبي لها يكون معتمد عندهم لكشوفات الموظفين الحكوميين .. طبعاً تروح لهم الورقه مطلوب فيها الله يكرمكم تحليل بول + تحليل دم + كشف سريري عند الطبيب على النظر والسمع والعمليات الكبرى ان وجدت ، واشعه للصدر فقط .. طبعاً نظامياً تاخذ يومين بسبب تحليل الدم ، بس اي شخص يروح لهم اذا مستعجل يقولهم انا من خارج المنطقه ، راح يحولونك على مكتب مدير الفحوصات الطبيه ويعطيك موافقه تاخذ النتيجه في نفس اليوم اذا انت جاي بدري يعني قبل الساعه 9 صباحاً او يعطونك هي ثاني يوم اذا جايهم بعد الساعه 9 صباحاً .. لان فيه استثناء للي جايين من خارج المنطقة ..
عقب ما تخلص من الكشف الطبي تاخذ صورتين ضروري يا اخوان صورتين من الكشف الطبي وتودونه للمقر الرئيسي لديوان المظالم بالرياض شارع العليا الدور الرابع .

الشي الثاني : بالنسبة للشهادات وهالامور ، تروح لهم بالكشف الطبي مع صورتين منه ، وصورتين شمسيه 3×4 ، واصل الهويه الوطنيه + صورتين منها ، و اصل وثيقة التخرج + صورتين منها . واللي مقدمين على وظائف الامن والسلامه والمرتبه الرابعه اعتقد يطلبون منهم اضافة شهادة دورة حاسب + صورتين منها .

الشئ الثالث ، وقت المطابقه راح يعطونك 3 اوراق تعبيهم ، في ورقتين منهم يعطونك منها نسختين تعبيها بعد
وهي تخص معلومات عامة ، للتبسيط : ورقتين نفس الشكل وجه وقفا ، اسئله عامه بخصوص خبرتك واين عملت و اسمك رباعي و رقم هويتك وهل عليك حد ومن هالامور ، + ورقتين نفس الشكل 7 او 8 اسئله تقريبا ً اجابه بنعم او لا يتاكدون فيها هل انت عملت لدى الحكومه مسبقاً كل سؤال منهم يسالك هل توظفت على السلم العام واللي بعده هل توظفت على بند الاجور ، اللي بعده على توظفت بنظام التعاقدات ووووو هكذا كلها تخص الوظائف الحكوميه ، وتوقع كتعهد .. + ورقه عنوان ، تحط فيها عنوانك الالكتورني وبريدك ان وجد ورقم هاتفك و 2 من معارفك القريبين للتواصل مع ارقامهم وايميلاتهم ، وموقع السكن فقط .

الشئ الرابع : طابق اوراقك بعدها ، عندهم في اللجنه يداومون من الساعه 8 الى الساعه 2 ، اذا جيت متاخر ما لقيتهم في الدور الرابع ، تلقاهم في الدور السادس او الثامن تقريباً ناسي بالضبط .

هذا كل اللي اعرفه من خلال تجربتي ْ، وبالتوفيق للجميع .

بالنسبه للتوظيف يا اخواني واموره ، هنا في منتدى بطاله بحثت عن موضوع الدفعه اللي قبلنا العام اللي راح 1436 هـ تقريباً 401 صفحة ، تصفحت وقريت واخذت لي كم معلومه اعطيكم المختصر منها والخلاصة لان عملية القراءة فيها تاخذ وقت وجهد ،
بالنسبة لـ الدفعه اللي راحت استغرقت عملية الاتصال على المقبولين من شؤون الموظفين حوالي 24 يوم حكم ما بين اول يوم في المطابقة الى وقت الاتصال حسب ردود الشباب في الموضوع ، مع ان الدفعه اللي راحت كانت اكثر منا تقريبا 350 او حولها ، ودفعتنا اقل بكثير ، عشان كذا اقول استبشروا خير ان شاء الله .. قريب واليوم اتصلت على شؤون الموظفين ما افادني بشي لكن قالي انتظر بالموقع مثل ما قلنا لكم ، رغم ان الدفعه الي راحت قالوا لهم نفس الشي ، ولا نزل على الموقع شي اتصلوا عليهم شؤون الموظفين ، وانا اعتقد والله اعلم انهم يقولون كذا ، عشان الطلب المتزايد على الاتصال على شؤون الموظفين ، فـ يبغون يخففونه لين توصل المباشره ويتصلون .

هذا شي والشئ الاخر ، في شي اكتشفته العام الماضي ، انه تقريباً ثلث الدفعه ما توظفوا والله العالم بسبب خطا اخطئوه ، الا وهو انه الكشف الطبي كان مكتوب من ضمن الشروط ارفاق صورة من الكشف الطبي ، فجابوا الشباب صورة وحده فقط ، ديوان المظالم ارسلوا صورة للخدمة المدنية وظلوا هم بدون صورة ، فيوم جاء وقت الاتصالات على المقبولين ، ثلثهم ما اتصلوا عليهم ، فراحوا يشوفون ليه ما اتصلوا عليهم قالوا ناقصكم اوراق ، الا وهي الكشف الطبي ، قالوا حنا جبنا الكشف الطبي فاتضح ان ديوان المظالم ايضا محتاجين صورة ، فبعضهم اعتذروا منهم وطلبوا يسوون الكشف الطبي مره ثانيه ، وبعضهم واعدوهم وقالوا لهم راح نخاطب الخدمة المدنيه يرسلون لنا صورة من الصورة تبع الكشف اللي ارسلناها لهم .. فـ اللي كملوا اوراقهم تعطلوا عن الدفعه الاولى تقريباً ما يقارب شهرين الى ثلاثه بعضهم من اللي كملوا اوراقهم اتصلوا عليهم وبعضهم ، والله العالم ان ما جاهم نصيب واعتذروا منهم ، بسبب التاخير اخذوا ناس من الاحتياط . لذلك يوم شفت هالردود عرفت سبب سؤال الموظف يوم جينا نطابق ، اول سؤالين سالنا اياهم " هل انت موظف حكومي ؟ وهل جبت صورتين من الكشف الطبي " ما يستقبلون من احد بدون صورتين .

وبالنسبه للمباشره ، اذا اتصلوا عليك ان شاء الله وقالوا لك باشر ، امامك مهلة 15 يوم فقط للمباشره يعني تقدر تتاخر لـ 15 يوم فقط هذا نظام الدوله واذا سالتهم راح يعطونك نفس الاجابه ، اللي موظف حكومي مثلاً يقدر يفصل ، واللي موظف قطاع خاص يقدر يقدم استقاله عشان ياخذ حقوقه .

هذا كل اللي اقدر افيدكم فيه يا اخوان ، واعذرونا على الاطاله ، واتمنى لو اننا نكون متعاونين اكثر مثل باقي الدفعات ونعرف وش اللي لنا وش اللي علينا . وشكراً

المشاركة الأصلية كتبت بواسطة باحث قانوني1 (المشاركة 8981177) بالإضافة للسؤال السابق .. أتقدم بطلب لإدارة المنتدى بالسماح لنا كحالة استثنائية بسبب تأخر الديوان وغموض الإجراءات بإنشاء قروب واتساب وشكرا

المشاركة الأصلية كتبت بواسطة اقسى كلامي (المشاركة 8981249) على يدك يا باحث قانوني انشاء القروب وارسل الرقم او رابط القروب

المشاركة الأصلية كتبت بواسطة ابوحمد000000 (المشاركة 8981287) يمنع منعا باتا وضع القروبات و الإيميلات وأرقام الهواتف والجوالات وهي من ضمن شروط المنتدى ارجو منكم الالتزام بالقوانين ولا سيتم اغلاق الموضوع

المشاركة الأصلية كتبت بواسطة احمدينهو (المشاركة 8981282) بكره الاربعاء الاوراق تروح للخدمة المدنية

المشاركة الأصلية كتبت بواسطة باحث قانوني1 (المشاركة 8981511) شاكرين لك بس ممكن تزودنا بمصدر المعلومة

المشاركة الأصلية كتبت بواسطة احمدينهو (المشاركة 8981546) انا كنت عندهم امس الثلاثاء باقي لي ورقة ناقصة رحت اسلمها قالي حظك جيت قبل مانرسلها للخدمة المدنية سألت الموظف متى بتودونها للخدمة المدنية قالي بكره وبتاخذ اسبوعين بالكثير ثلاث اسابيع

المشاركة الأصلية كتبت بواسطة باحث قانوني1 (المشاركة 8982556) بعد بكرا بنكمل شهر على تاريخ اعلان المطابقة ياليت الزملاء و الأخوة اللي في مدينة الرياض يقدمون مساعدة لنا في خارج الرياض ويراجعون المقر الرئيسي

اخوي انت عطهم المده اللي قالوا عنها ، قالوا شهر ونعلن ، وربما يتصلون ، فأحسب لهم شهر من بعد اخر يوم للمطابقه ، لان اللي بيطابق عندهم اخر يوم راح يقولون له نفس الكلام وراح نتواصل معك بعد شهر فـ باقي حول نص شهر لو تحسبها ، غير ان احد الاخوان كاتب انه وصل لهم ورقة ناقصة وقالوا له ان الاربعاء اللي هو قبل 3 ايام ارسلوا الاوراق للخدمة المدنية وتحتاج من اسبوعين الى ثلاثة عشان يردون عليهم ، الصبر زين والله يكتب لنا ولكم اللي فيه الخير .

المشاركة الأصلية كتبت بواسطة الشايب العايب (المشاركة 8983101) السلام عليكم ورحمة الله وبركاته يا اخوان لا تشيلون هم لأن لو اتصلوا عليك راح يقولون لك (( معاك إسبوعين )) تباشر فيهم يعني تقدر تضبط امورك من سكن او اي امر كان ،،، بالنسبة للمباشرة فأتوقعها والعلم عند الله بداية الشهر ، واسأل الله ان يوفقنا واياكم لما يحبه ويرضاه.