تجمع المقبولين في وظائف ديوان المظالم
السلام عليكم ورحمة الله وبركاته بعد اذن إدارة المنتدى نفتح موضوع المقبولين في وظائف الديوان وما الاجرائات وردود بعض الزملاء مهم بنسبة لنا وانا ولله الحمد احد المقبولين وحبيت افتح الموضوع بنسبة للي راجع الديوان وماذا قالوا لهم بخصوص الفحص والمطابقة ولتوفير المشوار لنا اقصد الزملاء الذين خارج مدينة الرياض هل في أحد راجعهم ؟؟؟ للاسف حاولت التواصل مع المقر الرئيسي هاتفياً ولكن دون جدوى لا آحد ير ولأن الفترة المخصصة للمطابقة محدده على أسبوع |
رد: المقبولين في ديوان المظالم آمل المشاركة في الموضوع
انا مرشح في الرياض واخذت ورقة الكشف الطبي من المحكمة الادارية بالدمام
|
رد: المقبولين في ديوان المظالم آمل المشاركة في الموضوع
اقتباس:
هل طابقو اوراقك وكم يبله الفحص ويحتاج تروح الرياض حسب مذكرو بالخبر ولا تكتفي بزيارة مكان تعينك ؟ |
رد: المقبولين في ديوان المظالم آمل المشاركة في الموضوع
تاخذ معاك صور شخصية 3X4 وتجيب الهوية فقط
يعطونك ورقة الكشف انا بروح الرياض اذا خلص الكشف واعطيهم اوراقي لان ترشيحي في الرياض مدري كيف وضعك انت اسألهم اذا رحت |
رد: المقبولين في ديوان المظالم آمل المشاركة في الموضوع
اقتباس:
|
رد: المقبولين في ديوان المظالم آمل المشاركة في الموضوع
وعليكم السلام ورحمة الله وبركاته
انا ولله الحمد مرشح في فرع جازان ويوم الخميس المآضي سويت الكشف الطبي وموعد استلام ورقة الكشف يوم الثلاثاء القادم وبإذن الله بعدها راح اطلع للرياض لمطابقة اصوول الشهادات وأصل الكشف الطبي ,, فيه احد من فرع جازان بيطلع يخاويني وبالتوفيق للجميع يآرب |
رد: المقبولين في ديوان المظالم آمل المشاركة في الموضوع
سلام عليكم
اخواني عندي استفسار مهم الان عشان يعدلون لك لازم تكون الحاله عندك بالاحوال طالب او متسبب ولا عادي يعدلون لك حتى لو موجود مسمى وظيفة اخر طبعا حكومية |
رد: المقبولين في ديوان المظالم آمل المشاركة في الموضوع
ألف مبروك القبول يا إخوان
يا ليت اللي عندهـ فكرة عن باقي الإجراءات .. يفيدنا هل الفحص الطبي آخر الإجراءات ؟ هل هناك فترة بين المطابقة والتعيين ؟ وكم الفترة حتى التعيين ؟ |
رد: المقبولين في ديوان المظالم آمل المشاركة في الموضوع
تكفون في أحد راح لهم وش صار معاه ومتى التعيين
|
رد: المقبولين في ديوان المظالم آمل المشاركة في الموضوع
هل من مجيب
|
رد: المقبولين في ديوان المظالم آمل المشاركة في الموضوع
السلام عليكم ورحمة الله وبركاته
اي واحد مقبول يراجع اقرب فرع ديوان مظالم منه في اي منطقه منه وياخذ معاه صورة شخصية 3*4 علشان يحطونها على نموذج الكشف الطبي بعد ماتسوي الكشف الطبي تاخذ النتيجة وتاخذ اصول الشهادات والهوية وصورتين 3*4 وتروح الى الرياض فرع ديوان المظالم الرئيسي بالعليا، بعدها تتوجه الى الدور الرابع بعدين تقابل لجنة مختصة بالاستلام والتسليم والتدقيق وبعد مايشوفون اوراقك يعطونك نماذج تعبيها عندهم اكثر من نموذج وورقة معلومات ارقام تواصل ، بعدها تسلمهم وتتوكل على الله وتنتظر اتصال منهم ومثل ماقالوا شهر وتتابع الموقع او تنتظر اتصال منهم . اما بالنسبة اللي على راس العمل او تارك العمل كل هذي الامور راح تعبيها في نموذج عندهم والنموذج هذا بيرسل للخدمة المدنية ولازم ماتكتب شي الا ومعاك مايثبت منه اصل وصورتين . وتحياتي للجميع |
رد: المقبولين في ديوان المظالم آمل المشاركة في الموضوع
يا اصدقاء اللي عنده معارف او اقارب بالديوان يفيدنا كيف العمل بالديوان هل هو زين او لا
كيف عمل شؤون موظفين وكيف النقل الواحد يقدر ينقل بعدين ، وكيف الديوان كمستقبل مهني وسلامتكم. |
رد: المقبولين في ديوان المظالم آمل المشاركة في الموضوع
الحمدلله انقبلنا في ديوان المظالم وتم عمل كشف طبي وسلمنا أوراق ولكن المشكلة ماعطونا تاريخ المباشرة
|
رد: المقبولين في ديوان المظالم آمل المشاركة في الموضوع
راح يتم تمديد المطابقة حتى نهاية دوام الخميس
بالتوفيق للجميع:w |
رد: المقبولين في ديوان المظالم آمل المشاركة في الموضوع
يا اخوان في شي جديد ولا لا
راحت اسبوعيين ولا ردو علينا احد عنده اي معلومه يرييحنا بها |
رد: المقبولين في ديوان المظالم آمل المشاركة في الموضوع
السلام عليكم
يا اخوان في شي جديد ولا لا راحت اسبوعين ولا ردو لنا خبر ما في اي معلومه تريحونا بها |
رد: المقبولين في ديوان المظالم آمل المشاركة في الموضوع
عليك السلام ورحمة الله
اللي سمعته ممكن نهاية الشهر وممكن تاخذ شهر من الان لأن فيه تدقيق وفيه امور ثانيه يتاكدون منها اتوقع وبعدها اذا كانت امور المرشح سليمه يتم الاعلان عن المباشره بعد صدور قراراتهم ،،، ان شاء الله ماتاخذ شهر نقول ان شاء الله اقل وربي يسر لنا ولكم |
رد: المقبولين في ديوان المظالم آمل المشاركة في الموضوع
اقتباس:
|
رد: المقبولين في ديوان المظالم آمل المشاركة في الموضوع
اقتباس:
طلعت لهم وسويت تسجيل عندهم وبعدها يتم توجيهك الى الأشعة ومن ثم الى طبيب عام للكشف ومن ثم الى تحاليل الدم والبول الله يكرمكم وبعد يومين يعطونك النتيجه تأخذ الورقة الى الديوان وتعطيهم إياها |
رد: المقبولين في ديوان المظالم آمل المشاركة في الموضوع
السلام عليكم ورحمة الله وبركاته اخواني الاعزاء انا اول مره اشارك معكم ، بفيدكم باللي اقدر عليه حسب تجربتي . بالنسبة للاخوان اللي يسالون عن الكشف الطبي .. تقدر تروح تاخذ الورقه تبع الكشف الطبي من اقرب محكمة ادارية قريبة لك مو شرط من ديوان المظالم في الرياض .. وكل محكمة راح تحولك على اقرب مجمع طبي لها يكون معتمد عندهم لكشوفات الموظفين الحكوميين .. طبعاً تروح لهم الورقه مطلوب فيها الله يكرمكم تحليل بول + تحليل دم + كشف سريري عند الطبيب على النظر والسمع والعمليات الكبرى ان وجدت ، واشعه للصدر فقط .. طبعاً نظامياً تاخذ يومين بسبب تحليل الدم ، بس اي شخص يروح لهم اذا مستعجل يقولهم انا من خارج المنطقه ، راح يحولونك على مكتب مدير الفحوصات الطبيه ويعطيك موافقه تاخذ النتيجه في نفس اليوم اذا انت جاي بدري يعني قبل الساعه 9 صباحاً او يعطونك هي ثاني يوم اذا جايهم بعد الساعه 9 صباحاً .. لان فيه استثناء للي جايين من خارج المنطقة .. عقب ما تخلص من الكشف الطبي تاخذ صورتين ضروري يا اخوان صورتين من الكشف الطبي وتودونه للمقر الرئيسي لديوان المظالم بالرياض شارع العليا الدور الرابع . الشي الثاني : بالنسبة للشهادات وهالامور ، تروح لهم بالكشف الطبي مع صورتين منه ، وصورتين شمسيه 3×4 ، واصل الهويه الوطنيه + صورتين منها ، و اصل وثيقة التخرج + صورتين منها . واللي مقدمين على وظائف الامن والسلامه والمرتبه الرابعه اعتقد يطلبون منهم اضافة شهادة دورة حاسب + صورتين منها . الشئ الثالث ، وقت المطابقه راح يعطونك 3 اوراق تعبيهم ، في ورقتين منهم يعطونك منها نسختين تعبيها بعد وهي تخص معلومات عامة ، للتبسيط : ورقتين نفس الشكل وجه وقفا ، اسئله عامه بخصوص خبرتك واين عملت و اسمك رباعي و رقم هويتك وهل عليك حد ومن هالامور ، + ورقتين نفس الشكل 7 او 8 اسئله تقريبا ً اجابه بنعم او لا يتاكدون فيها هل انت عملت لدى الحكومه مسبقاً كل سؤال منهم يسالك هل توظفت على السلم العام واللي بعده هل توظفت على بند الاجور ، اللي بعده على توظفت بنظام التعاقدات ووووو هكذا كلها تخص الوظائف الحكوميه ، وتوقع كتعهد .. + ورقه عنوان ، تحط فيها عنوانك الالكتورني وبريدك ان وجد ورقم هاتفك و 2 من معارفك القريبين للتواصل مع ارقامهم وايميلاتهم ، وموقع السكن فقط . الشئ الرابع : طابق اوراقك بعدها ، عندهم في اللجنه يداومون من الساعه 8 الى الساعه 2 ، اذا جيت متاخر ما لقيتهم في الدور الرابع ، تلقاهم في الدور السادس او الثامن تقريباً ناسي بالضبط . هذا كل اللي اعرفه من خلال تجربتي ْ، وبالتوفيق للجميع . |
رد: المقبولين في ديوان المظالم آمل المشاركة في الموضوع
بالنسبه للتوظيف يا اخواني واموره ، هنا في منتدى بطاله بحثت عن موضوع الدفعه اللي قبلنا العام اللي راح 1436 هـ تقريباً 401 صفحة ، تصفحت وقريت واخذت لي كم معلومه اعطيكم المختصر منها والخلاصة لان عملية القراءة فيها تاخذ وقت وجهد ، بالنسبة لـ الدفعه اللي راحت استغرقت عملية الاتصال على المقبولين من شؤون الموظفين حوالي 24 يوم حكم ما بين اول يوم في المطابقة الى وقت الاتصال حسب ردود الشباب في الموضوع ، مع ان الدفعه اللي راحت كانت اكثر منا تقريبا 350 او حولها ، ودفعتنا اقل بكثير ، عشان كذا اقول استبشروا خير ان شاء الله .. قريب واليوم اتصلت على شؤون الموظفين ما افادني بشي لكن قالي انتظر بالموقع مثل ما قلنا لكم ، رغم ان الدفعه الي راحت قالوا لهم نفس الشي ، ولا نزل على الموقع شي اتصلوا عليهم شؤون الموظفين ، وانا اعتقد والله اعلم انهم يقولون كذا ، عشان الطلب المتزايد على الاتصال على شؤون الموظفين ، فـ يبغون يخففونه لين توصل المباشره ويتصلون . هذا شي والشئ الاخر ، في شي اكتشفته العام الماضي ، انه تقريباً ثلث الدفعه ما توظفوا والله العالم بسبب خطا اخطئوه ، الا وهو انه الكشف الطبي كان مكتوب من ضمن الشروط ارفاق صورة من الكشف الطبي ، فجابوا الشباب صورة وحده فقط ، ديوان المظالم ارسلوا صورة للخدمة المدنية وظلوا هم بدون صورة ، فيوم جاء وقت الاتصالات على المقبولين ، ثلثهم ما اتصلوا عليهم ، فراحوا يشوفون ليه ما اتصلوا عليهم قالوا ناقصكم اوراق ، الا وهي الكشف الطبي ، قالوا حنا جبنا الكشف الطبي فاتضح ان ديوان المظالم ايضا محتاجين صورة ، فبعضهم اعتذروا منهم وطلبوا يسوون الكشف الطبي مره ثانيه ، وبعضهم واعدوهم وقالوا لهم راح نخاطب الخدمة المدنيه يرسلون لنا صورة من الصورة تبع الكشف اللي ارسلناها لهم .. فـ اللي كملوا اوراقهم تعطلوا عن الدفعه الاولى تقريباً ما يقارب شهرين الى ثلاثه بعضهم من اللي كملوا اوراقهم اتصلوا عليهم وبعضهم ، والله العالم ان ما جاهم نصيب واعتذروا منهم ، بسبب التاخير اخذوا ناس من الاحتياط . لذلك يوم شفت هالردود عرفت سبب سؤال الموظف يوم جينا نطابق ، اول سؤالين سالنا اياهم " هل انت موظف حكومي ؟ وهل جبت صورتين من الكشف الطبي " ما يستقبلون من احد بدون صورتين . وبالنسبه للمباشره ، اذا اتصلوا عليك ان شاء الله وقالوا لك باشر ، امامك مهلة 15 يوم فقط للمباشره يعني تقدر تتاخر لـ 15 يوم فقط هذا نظام الدوله واذا سالتهم راح يعطونك نفس الاجابه ، اللي موظف حكومي مثلاً يقدر يفصل ، واللي موظف قطاع خاص يقدر يقدم استقاله عشان ياخذ حقوقه . هذا كل اللي اقدر افيدكم فيه يا اخوان ، واعذرونا على الاطاله ، واتمنى لو اننا نكون متعاونين اكثر مثل باقي الدفعات ونعرف وش اللي لنا وش اللي علينا . وشكراً |
رد: المقبولين في ديوان المظالم آمل المشاركة في الموضوع
السلام عليكم ورحمة الله .. هل هناك من تلقى مكالمة من الديوان بخصوص المباشرة ؟ |
رد: المقبولين في ديوان المظالم آمل المشاركة في الموضوع
بالإضافة للسؤال السابق .. أتقدم بطلب لإدارة المنتدى بالسماح لنا كحالة استثنائية بسبب تأخر الديوان وغموض الإجراءات بإنشاء قروب واتساب وشكرا |
رد: المقبولين في ديوان المظالم آمل المشاركة في الموضوع
على يدك يا باحث قانوني انشاء القروب وارسل الرقم او رابط القروب
|
رد: المقبولين في ديوان المظالم آمل المشاركة في الموضوع
بكره الاربعاء الاوراق تروح للخدمة المدنية
|
رد: المقبولين في ديوان المظالم آمل المشاركة في الموضوع
سألتهم ولا ايه
|
رد: المقبولين في ديوان المظالم آمل المشاركة في الموضوع
اقتباس:
اقتباس:
يمنع منعا باتا وضع القروبات و الإيميلات وأرقام الهواتف والجوالات وهي من ضمن شروط المنتدى ارجو منكم الالتزام بالقوانين ولا سيتم اغلاق الموضوع |
رد: المقبولين في ديوان المظالم آمل المشاركة في الموضوع
اقتباس:
|
رد: المقبولين في ديوان المظالم آمل المشاركة في الموضوع
السلام عليكم ورحمة الله وبركاته
نشكر ادارة المنتدى ونشكر المراقب ابو حمد 000000 وجميع المراقبين وكل الدعوات لهم لما يقومون به من جهد ونحترم قراراتهم أياً كانت . بالنسبة لموضوع الديوان يا اخوان لا تشيلون هم ربما الاسبوعين القادمة يبدأ الاتصال وان شاء الله ما يتأخرون ونعطيهم وقت إلى نهاية دوام يوم الخميس بتاريخ 24/6/1438 وبعدها لكل حادثة حديث. وأسأل الله التوفيق لي ولكم ولجميع الاخوان وان يبارك لنا في هذا العمل ويجعله مدخال خير وان يعوض الاخوان اللي ماحالفهم الحظ بأفضل واحسن منها وتحياتي للجميع. |
رد: المقبولين في ديوان المظالم آمل المشاركة في الموضوع
الله يوفقكم زملائي الكرام ودنا ان يكون هناك متابعة اكثر على اقل في الموضوع هذا وبالنسبة للقروب ماراح نحتاج ان شاء الله
وأي شيء يصير راح انزله على طول لكن أحرصوا كل الحرص على المتابعة هنا واللي يستطيع يمر عليهم يكون أفضل |
رد: المقبولين في ديوان المظالم آمل المشاركة في الموضوع
اقتباس:
بس ممكن تزودنا بمصدر المعلومة |
رد: المقبولين في ديوان المظالم آمل المشاركة في الموضوع
اقتباس:
قالي حظك جيت قبل مانرسلها للخدمة المدنية سألت الموظف متى بتودونها للخدمة المدنية قالي بكره وبتاخذ اسبوعين بالكثير ثلاث اسابيع |
رد: المقبولين في ديوان المظالم آمل المشاركة في الموضوع
اقتباس:
وياليت تقولنا وش الورقة اكون شاكر لك |
رد: المقبولين في ديوان المظالم آمل المشاركة في الموضوع
بعد بكرا بنكمل شهر على تاريخ اعلان المطابقة
ياليت الزملاء و الأخوة اللي في مدينة الرياض يقدمون مساعدة لنا في خارج الرياض ويراجعون المقر الرئيسي |
رد: المقبولين في ديوان المظالم آمل المشاركة في الموضوع
اقتباس:
اخوي انت عطهم المده اللي قالوا عنها ، قالوا شهر ونعلن ، وربما يتصلون ، فأحسب لهم شهر من بعد اخر يوم للمطابقه ، لان اللي بيطابق عندهم اخر يوم راح يقولون له نفس الكلام وراح نتواصل معك بعد شهر فـ باقي حول نص شهر لو تحسبها ، غير ان احد الاخوان كاتب انه وصل لهم ورقة ناقصة وقالوا له ان الاربعاء اللي هو قبل 3 ايام ارسلوا الاوراق للخدمة المدنية وتحتاج من اسبوعين الى ثلاثة عشان يردون عليهم ، الصبر زين والله يكتب لنا ولكم اللي فيه الخير . |
رد: المقبولين في ديوان المظالم آمل المشاركة في الموضوع
الصبر موجود يا أخي الفاضل ولكن غيرك تحيط به ظروف الانتقال والسفر لمقر الوظيفة وفي نفس الوقت عليه دفع الإيجار في المدينة التي انتقل منها لا يسعني القول الا حسبنا الله ونعم الوكيل |
رد: المقبولين في ديوان المظالم آمل المشاركة في الموضوع
أعانك الله اخ باحث ، قل الحمدلله ، الجميع لديهم عقبات ، والله يسهلها علينا وعليك ، بإمكانك تتصل على شؤون الموظفين على رقمهم ، يردون عليك اذا حاب تستفسر عن شي معين .
|
رد: المقبولين في ديوان المظالم آمل المشاركة في الموضوع
موفقين ان شاء الله
|
رد: المقبولين في ديوان المظالم آمل المشاركة في الموضوع
السلام عليكم ورحمة الله وبركاته
يا اخوان لا تشيلون هم لأن لو اتصلوا عليك راح يقولون لك (( معاك إسبوعين )) تباشر فيهم يعني تقدر تضبط امورك من سكن او اي امر كان ،،، بالنسبة للمباشرة فأتوقعها والعلم عند الله بداية الشهر ، واسأل الله ان يوفقنا واياكم لما يحبه ويرضاه. |
رد: المقبولين في ديوان المظالم آمل المشاركة في الموضوع
اقتباس:
بإذن الله تكون على قولك بداية الشهر الجاي ونحتاج وقت على شأن نضبط الامور للأنتقال للوظيفة الجديدة واسبوعين كافية ان شاء الله عليكم بالصبر وأنتظار الأتصال من شؤون المؤوظفين وأسال الله ان يوفق الجميع:w |
الساعة الآن 04:12 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين