السلام عليكم ورحمة الله وبركاته

كيف الحال وشلونكم

ابي اتكلم عن البطالة في المدن الثانوية

يعني غير الرياض جدة الشرقية

مثلا بحايل ما تلقى احد يوظفك نهائيا

يعني مو تلقى وظيفة بس راتبها شوي

ما تلقاها اصلا

المدارس الاهلية 10 بس

المستوصفات 10

شركات قطاع خاص ما فيه

قليله وما يوظفون

غير كذا

تبي تتعلم

دورات

معاهد

تبي تكمل دراسات عليا

أنسى

ما فيه امل

بتكلم عن نفسي

خريج معلمين

ما لقيت مدرسة اهلية >> ما عندي واسطة

دورات تربوية ما فيه الا بمركز خدمة المجتمع

مدتها اسبوعين بس

والخدمة المدنية ما تقبل دورة مدتها الزمنية اقل من شهر

جامعتنا اسم بس >>> ولا هي كلية المجتمع >> يذكرني بسالفة فار لابس بشت

لو فكرت اطلع وادرس برا حايل

يبي لي ايجار سكن

ومصروف معيشة

لأن الراتب اكيد ما راح يوفي

وين نروح ما ندري

وش نسوي ما ندري

الجلسة كذا ما تصلح

بس ما فيه غيرها

ما عليش ادري غثيتكم

بس هذا شي بصدري

وودي اقوله