السلام عليكم ورحمة الله وبركاته.. تحية طيبة للكل.. وإلى هالمنتدى اللي لولاه ما أدري شنو صار فيني لأنه يخليني أبث همي وتعبي إليه ومعاااناتي..

قصتي باختصار إن عندي دبلوم حاسب بس والله ذكيييية وشطورة:o وأقدس شي اسمه عمل.. المهم ماخليت مكان ماقدمت فيه خلال معاناتي لخمس سنوات لاديوان ولاشركات ولابنوك حتى الامارة رحت وشكيت حالي للأمير .. وبعد ماتعبت وعرفت إن احنا في زمن الواسطة قررت أدور عنها..

فبدأت بالبنوك طبعا بعد ماتعبت وياهم اقدم عن طريق النت ورحت اختبرت مرتين في ساب ورحت مقابلة في بنك الرياض والبنك الاهلي بدوووون فايدة والله كلمت مدير كبير في ساب وقال لي باختصار عندك واسطة أهلا وسهلا ماعندك لاتتعبين نفسك..


وبدأت رحلتي مع الواسطات .. بنت وتبي واسطة لأن زوجي الله يحفظه مستحححيل ينزل نفسه ويكلمهم عنده تقليل من شأنه وكانت فرصة للشباب اللي عقلهم مريض وفعلا كان يتجدد الأمل مع كل شخص يرسل لي انا رح اوظفك وتبدأ المكالمات مكالمة بعد الثانية ها وين الوظيفة؟؟؟ شوي انا رفعت اوراقك .. وشوي الإجراءات تطول ..

آخر الواسطات كان مدير في بنك أعتذر عن ذكره.. قال لي ابشري ارسلي اوراقك عن طريق الفاكس وقلت شكله باب الفرج انفتح لي وقام يدق علي بمنتصف الليل وكنت ما أرد واسأله يوم ثاني يقول غلطان إلى ان اتصل مرة اخرى ورفعه زوجي وسكر الخط وإلى يومكم لا حس ولاخبر...


فاللي أبيه أي شخص يقرا موضوعي ويقدر يساعدني في أي وظيفة إدارية أو يعرف أحد في ديوان الخدمة المدنية او وزارة التربية والتعليم او الاشراف التربوي او الاحوال المدنية يسااااعدني بشرط طبعا يكون الشخص يخااااااف ربه .. لأن جاتني عقدة من البنوك بصراحة مع إني حلمي أتوظف في بنك بس الحمد لله .. فاللي يساعدني ربي يفرج همه يااارب ويقضي له كل حوايج الدنيا والآخرة آميييين .. وسامحوني على صراحتي

~~ الله يوفقك اختى و يسهل دروبك ويرزقك من حيث لاتحتسبين ~~

وظيفة حكومية!!!!!!!!!!!!!!!!!!!!!

الله يوفقك وييسر لك ياااارب

وان شاء الله تلقين اللي يسرك باذن الله

الله يوفقك
يارب

اما الواسطه في زمنا هذه والله صدقيني نااادره جداا

بس خلي واسطتك اللي ماتنام عينه اللي تنفعك في االدنيا

والاخره الله سبحانه وتعالى هوه الواسطه لاتقولي لي فلان او فلان

وياااااااااااااااااااااااااااااااااااااااااارب تتوظفي وظيفه حكوميه

واكثري من الاستغفار

اختي اذا جوزك شغال وقادر يصرف على البيت ويعيشكم عيشة هنية فايش تبغي بوجع القلب والشغل والقرف والاحتكاك مع ناس لا مواخذة ماتسوى ولا تخاف الله .
استري نفسك وخليكي في بيتك احسنلك طالما منتي محتاجة للعمل من اجل المادة .

والله يسهل على الجميع

الله يرزقنا ويوفقنا وياك
هذانا نفحط عشان الوظايف الحكومية..!!

شاكرة لكم مروركم الطيب.. وإن شاء الله تفرج

الله يوفقكـ ويرزقكـ

ابتدى الحجز على الوظايف .. سااااعدوووووووني وفرجوا همي ..