استفسار (صك إعالة)
 

السلام عليكم ..
أنا رحت قبل كم شهر الضمان ابي اضيف اولادي معي وقالوا لازم صك إعاله
ورحت المحكمه امس وقالوا انهم وقفوا صك الإعاله من ثلاث شهور ..!
شالحل وكيف اضيف اولادي معي بالضمان ؟!
اللي عنده تجربه يفيدني

رد: استفسار (صك إعالة)
 

وعليكم السلام
روحي الى مكتب الضمان وابلغيهم انك راجعتى المحكمة وابلغوك انه تم ايقاف صوك الاعاله .. واذا لم يقتنع الموظف اطلبي منهم خطاب رسمى موجه للمحكمه والمحكمة اما تعطيك صك اعالة او ترد على خطاب الضمان وبهذا يتم اضافه الابناء معك في الضمان

رد: استفسار (صك إعالة)
 

اخبر صك اثبات حالة وعدم وظيفه وتضيف فيه الابناء كلهم يفي بالغرض بس تاخذ خطاب من الضمان

اليوم رحت وزارة الشؤون أستفسر منهم كأن صحيح اللائحه التنفيذيه الجديده بأن أطفال الأم المطلقه المعيله لأطفالها يأخذون سنتين فقط ويتم أسقاطهم من الضمان قالو لي نعم صحيح قلت لهم حتى بوجود صك إعاله وحضانه قالو نعم لأنهم يعتبرون بحكم المهجورين قلت لهم بعد السنتين طيب أقدر أجدد لهم قالو لا مدة الخدمه سنتين فقط فحسبي الله ونعم الوكيل فيهم 😭

رد: استفسار (صك إعالة)
 

حرام مين يصرف عليهم انا مطلقه وعندي بنتين ابوهم ولا يسال عليهم

رد: استفسار (صك إعالة)
 

أستاذ محمد فينك طمنا الله يسعدك اش نسوى وهل صحيح الكلام
احد يرد علينا انا مطلقه ليه سبعه سنوات وبناتي معايه ولا احد يسال عنهم
أستاذ محمد طمنا الله يسعدك

والله العظيم أن الخبر صحيح ميه بالميه وأنا سمعته من الوزاره كنت موب مصدقه أقول إشاعه ليه ماعلنوا رسمي بموقع الوزاره أثاريهم طبقوا النظام من 1440/3/12 وحنا أخر من يعلم وأخوي سأل بعد قسم الرجال بالوزاره وقالوا صحيح يوم قال لهم وش يسوون هالضعوف بعد السنتين قالوا خلاص حكمهم حكم المهجور من ابوهم قال لهم والمهجور تخلونه بدون مصروف قال هذا نظام وجيت مصدومه من هالنظام لكن ربك كريم ماينسى أحد وحسبي الله على الظالم

الله لا يوفقهم ولا يسعدهم انا كتبت موضوع هنا من واحد بتويتر كلامه صحيح ميه بالميه وحذفه محمد البلادي الله يهديه لازم نكون على بيته ويكون عندنا علم القرارات اقرت واعتمدت وحنا اخر من يدري نبي الزود منهم يجازونا بالحرمان الله يحرمهم العافيه خلونا نراسل الوزير عبر الايميل انا عني ارسلت

رد: استفسار (صك إعالة)
 

أستاذ محمد ولا علق
والله حرام من فين نصرف عليهم
حسبي الله ونعم الوكيل

لأن محمد البلادي الله يجزاه خير مايبي فتح مواضيع بدون مايتأكد من المصادر الرسميه عشان مايكدر خاطر الأمهات المطلقات والله العظيم يوم شفت الخبر أنصدمت أقول أكيد يكذبون موب معقول الوزاره ماتحط الخبر بالموقع وكل ماسألنا أحد بتويتر تهربو من الإجابه أو ردو علينا ردود تابع معنا موقع الوزاره هذا خدمة العملاء بوزارة التنميه بتويتر الين طفشت ورحت بنفسي الوزاره اليوم وتأكدت نبي نسوي هاشتاق لأبناء المطلقات والله حرام عليهم المهجوره يقولون لها حدك سنتين وخلاص أو ثلاث سنوات وبعدها تجبين صك طلاق وتستمر بالضمان وحنا خالصين من زمان وعندنا صك طلاق وحضانه وإعاله من المحكمه ويقولون نعتبرهم زي المهجورين كيف زي المهجورين وهم بحضانة أمهم بصك شرعي وصك أعاله والأم تربي أطفالها وحدها والحياه الزوجيه منتهيه بينهم بالطلاق ولهم عين يتكلمون عن حقوق المرأه والطفل واللي سووه فينا أكبر تعنيف من وين نصرف على أطفالنا بكل بساطه أصدروا هالقرار لتخلص من أطفال المطلقات ربي لايوفقهم حسبي الله عليهم المنتقم الجبار