رد: بعد أمل ويأس افتتحت مشروع مطعمي ولكن ؟
 

الله يعينك ويفرج همك وماضاقت الا تفرج وانا اخوك

اللهم أمين جزاك الله خير

بالتوفيق لك اخوي
كل العالم وليست السعودية فقط تعاني من أزمة اقتصادية

وبما انك تبحث عن اقتراحات وحلول
راح اعطيك وجهة نظري
وادرسها كويس

الست أشهر القادمة راح يكون فيها شد حزام مثل ماصرح وزير المالية

نصيحتي لك دخل معك شريك بالارباح بنسبة 25٪
انا مدري كم كلفك المطعم
لكن اتوقع راح يدفع لك بين 75الف إلى 50الف
وكذا تقدر توقف على رجليك...

انا اعرف الكثير مايحب الشراكه

لكن بما اني فاضي بعطيك سالفة
خويي عسكري
بدأ مشاريعه من 2006
التاريخ هذا حافظة لأني وقتها شريت سيارة وهو بدا مشروعه

باختصار كل مشاريعه مشاركة
ولا مشروع له لوحده
بدأ بمشروع شاورما وكان عددهم 5أشخاص
وبعدين فتح مع شباب أخرين مشروع شاورما على الطريقة المغربية وفتحوا 4فروع
وبعدين دخل مشروع فطاير مع مجموعة شباب
بعدين سوا مشروع كوفي شوب دورين
وكنا جالسين بالكوفي قلت بالله كم عددكم
قالوا الشباب باص باص
مافهمت عليهم قال عددنا 10
عدد كراسي الباص
قلت له وكم المبلغ.. قال السهم من 30 الف
عندهم كوفيهات عددها فوق 4
وبعدين فيه ميزة انه ماله شغل بادارة المحل
يقول نسوي قروب واتساب لاعضاء الكوفي ويرسلون رسالة نهاية اليوم كم الحساب وكم قفلنا ونظامهم اللي يدير المشروع يعطونه راتب وباقي الأعضاء مالهم شغل بشي
ماشاء الله عليهم الله يزيدهم
و بعطيك معلومة لا تتوقع نجحوا بمشاريعهم كلها
خسروا بمشروع بروست وانا كنت حاضر تفاصيلها وكلفهم فوق 200الف
لكن الخسارة موزعه على مجموعة ماتاثر عليهم
وعلى فكرة من 2006 ويعرض علي ادخل معهم وكنت أرفض لانهم كثير فوق ال4 أشخاص ومرات عددهم بالمشاريع اللي عرضها علي فوق 6 أشخاص وكنت انظر إن المبلغ اللي يطلع طفس ماتستاهل العناء
باختصار
الشراكة هي الطريق الصحيح
واحنا ياللي مانحب الشراكة
بقينا على وضعنا لا قدرنا نفتح مشاريع ولا شي بسبب القروض

الله يحييك اخوي محمد شكراً لمرورك ومشاركتك ع كلامك الشراكه جيده وميزتها انو لأقدر الله حصل خساره ماراح تكون الخسارة قوية بخلاف لو كان شخص لحاله انا مااخفيك عرض علي الشراكه في بداية مشروعي ورفضت وأنا من الناس اللي اكره الشراكه لأسباب كثيره وعندي ناس من الزملاء مشاركين اعز اخوياهم بل بعض مشارك نسيبه وقريبه وهم في مشاكل الأن والبعض انفصل عن الآخر واللخ المشروع تعبت فيه كثير ودفعت دم قلبي لاكن مااقول غير الله يعوضني خير بصراحه تفكيري في الوقت الراهن وصلت لدرجة أني اعرض المطعم للبيع مع العلم انه كلفني فوق 300 الف وأنا عارف لو عرضته ماراح يجيب المبلغ اللي ابيه بس ع الأقل يجيب قيمة سداد القروض اللي تسحب من راتبي حدود 8 الألف كلها اقساط وكلها لأجل المطعم وسبب بيع المطعم عدم القدرة ع العودة والوقوف من جديد بسبب الوضع المالي اضافة الان ماعد قدرت اصرف ع العمال فلذلك العمال راح احاول اسفرهم لأني جالس ادفع مصاريف سكن ومصاريف اكل وشرب لهم من راتبي اللي ماعد يبقى منه الا قليل القليل فالوضع سيئ كداً ماابغى اضحك ع نفسي واوهم نفسي باشياء أو بأمل والواقع للأسف مرير والحمد لله ع كل حال وكفاية تراكم الديون علي وأملي بالله أني اجد فيه مايعوض نص خسارتي ع الأقل والشكوى لله .
بيض الله وجهك ع ردك اسعدتني بمشاركتك

رد: بعد أمل ويأس افتتحت مشروع مطعمي ولكن ؟
 

اخوي لا تفكر انت لحالك بنفس الوضع

قسما بالله انت نسخه مني ودي اتعرف عليك ههههههه
لاني اخيرا لقيت نفس حظي وشبهي تماااااما ما فيه فرق نفس معاناتك و مطعمي الان للتقبيل
طبعا الاسباب انت ذكرت الكثير منها

ولكن انا فكرت بالمستقبل طبعا لن يكون هناك اقبال ع المطاعم بعد كورونا بحيث الايرادات تغطي المصاريف
ايضا ارتفاع اسعار مواد الخام بسبب الضرائب
كثرة الرسوم الحكوميه والمصاريف والغرامات كلا من عنده يجلد فيك وانت خسران اصلا
صعوبة ادارة المطعم بحيث تكون مطلع على كل امورك مع الموردين والموزعين وانتقاء الخامات المناسبه اضافه الى ان مشروع مطعمي في مكه المكرمه وكنت اعتمد على موسم العمره و الحج في نجاحه وتعويض قل الايرادات وانضربت محلات مكه لا عمره ولا حج واصبحت مديون بسبب مصاريف المطعم المستمره والمطعم مغلق بسبب كورونا

ولكن نقول ياللله العوض



حبيت افيدك اخوي ان الوضع اللي تعيشه يعيشه غيرك
ولكن انا ماخذ الامر بصدر رحب لاننا بشر والاقدار عند رب البشر يصرفها حيث يشاء
لذلك عش حياتك وكن قنوع وترتاح نفسيا واطلب الله العوض

ههههههه الله يحفظك لي الشرف بمعرفتك أنت وشرواك من اخواننا بالمنتدى انا عارف والله أني مو بس انا لحالي الي أعاني ادري ان الوضع سيئ عند الكثير ولكن مايحزنك اكثر انو احنا اللي تونا بادين وماكملنا حتى 6 شهور وتجيك الضربة القاضية هذي المشكله ولو كان عندك سيوله لو مبلغ 20 - 30 الف تقوم فيها مطعمك بعد كورونا كتسويق ودعم بضاعه كان الأمر اهون بكثير لاكن المشكله ماعد بقى ف الجيب ولاريال حتى سكن العمال الان مع الشهر القادم مدري كيف ادفعه لاكن اسأل الله ان يسهلها من عنده علينا وعليك وعلى كل مسلم ، عن نفسي بعد دراسة ومراجعة أموري وطرح السلبيات والإيجابيات ومحاولة ايجاد الحلول ماطلع معي شي أبداً سوا أني اعرض المطعم للبيع فقط لأغير لأني لو رجعت افتحه بعد كورونا احتاج ماده حتى انهض بالمطعم مثل جديد لاكن الوضع المادي سيئ جداً والراتب ماعد يتحمل التزامات اكثر من اللي عليه لدرجة أني معدي نسبة 65٪ في الالتزامات والله ان الدين مثل السم في الراتب لاكن مانقول غير الحمد لله على كل حال ونسال الله ان يفرج همنا وهمك والله ان النفسية زفت واحلام كنت بانيها ع المطعم أني أتفرع لدرجة أني كاتب في السجل التجاري مطاعم وليس مطعم لاكن شكله الواقع يقول مامعك الا الموجود والموجود يمكن ماعد يكون له وجود !؟
شكراً لمشاركتك الله يسعدك تحياتي لك .

رد: بعد أمل ويأس افتتحت مشروع مطعمي ولكن ؟
 

حياك اخوي

قدم على مبادرة استرداد ترجع لك 80% من الرسوم والمقابل المالي
https://esterdad.monshaat.gov.sa/Home/Index#about

بالتوفيق

ذكرتني فيها اخوي السلاطين الله يذكرك بالشهادة
شكراً لك يالغالي .

رد: بعد أمل ويأس افتتحت مشروع مطعمي ولكن ؟
 

دار حديث بيني انا واحد الأصدقاء الكبار في السن والذي لديه 3 مطاعم نفس نشاط مطعمي وهو الان في طور افتتاح الفرع الرابع بعد الازمه الله يرزقه ويوسع عليه فسألني عن مطعمي ووضعه الراهن فذكرت له كل شي مثل ماطرحته لكم في موضوعي هذا وقلت له انا عارض المطعم للبيع قالي انصحك تسلم المطعم للعمال طالما مش قادر تطلع رواتبهم واللي يدخل لهم وحملهم مسؤولية كل شي لمدة شهر لكن لاتبين لهم انك أعطيتهم الخيط والمخيط راح يشتغلون لك شغل غير طبيعي وإذا لازال لك رغبه ف البيع فاعرضه للبيع والمطعم شغال وليس مغلق لانها من وسائل اغراء الزبون وأيضا حتى يطمأن المشتري انه فيه شغل ويشوف نظافة المطعم وكل مافيه وحركة زبائنه أمام الأمر الواقع ووبخصوص العمال في حالة انك شفت ان الشغل ارتفع فوق بعد ماسلمتهم المطعم ارجع وامسك زمام الأمور انت وارجع ع طريقتك السابقة رواتب وماإلى ذلك مع العلم انه بالنسبه لي وصلت إلى قناعة ببيع المطعم بعد صلاة الاستخارة اكثر من مره ولكن الخوف انه مايجيب لي السعر اللي يكون مرضي لي .
رأي صديق عزيز أردت مشاركته معكم .

رد: بعد أمل ويأس افتتحت مشروع مطعمي ولكن ؟