بسم الله الرحمن الرحيم [align=center]

السلام عليكم ورحمة الله وبركاته
اتمنى انكم ماتطنشون موضوعي مثل باقي مواضيعي لاني والله مادري وين اروح ومالي الا الله ثم انتم,,,اتمنى من عنده اي خبره انه مايبخل علي...
اخواني انا كنت اعمل في الجيش السعودي برتبة عريف سائق وفي يوم من الايام اضطررت للذهاب الى والدتي مريضه ومالها بعدالله الا انا وقبل وااسافر رحت للضابط واستأذنت منه واذنلي بس شفوي مافيه شي رسمي ورحت اسبوع وبعد مارجعت لقيت قيدي مطوي وفوق هذا وقفوني اربع ايام وقالو حنا نرجع لك المعامله قبل يوقع الفصل وبعد ماطلعت قالو كل شي خلاص راح ومعاملت الفصل وقعها قائدالمنطقه
وقفوني عشان مايمديني اوقف المعامله لان كان معي تقريرطبي للوالده وكنت ابي اقدمه لقائد المنطقه عشان مايوقع الفصل..
رجعت ابي اعيد الخدمه وسويت فحص وصقطت فيه قالو الوزن زايد ورجعت سنه وكل مااروح ابي اعيد الخدمه قالو عندك فحص انت ساقط فيه ومانعيدلك الخدمه..
انا اخسر مصاريف الروحه والرجعه والسفر والتكاسيومانجح شي لان ماعندي واسطه..
وانا الى الحين عندي امل اني ارجع للجيش...لوفصلت هل الوضائف العسكريه تقبلني؟؟؟
انا ابي اسأل اللي مثلي وين يروح ؟؟؟
والا اقعد عاطل طيب عندي عايله زوجتي وعيالي هذا غير امي وخواتي
(( ازيدكم من الشعر بيت انا كنت مقدم على نقل ابي اروح عند الوالده ورفعته للاميرخالد ابن سلطان ووافق عليه وارسله لقيدة المنطقه ووافقو عليه وجا عندقائدالسريه وتركه في مكتبه شهر حتى اضطررت للاستأذان والذهاب لوالدتيوتم الفصل!!!!!...))
[/align]..

والله الله يكون في عونك مشكلتك ماهي سهله


الله لا يوفق النقيب هذا دنيا واخره اسمعني خلي الوالده تدعي عليه في كل صلاه لانه حصل لي مثلك تقريبا ومن نقيب وانا قاعد ادعي عليه



اسمعني اخوي انت غلطتك الوحيده انك الوقت الي قالو لك انه وزنك زايد رحت وقدمت الاوراق لمكتب التجنيد المفروض انك تعيد مره ثانيه وثالثه الكشف الين تنجح من الكشف


وبعدين اذا فصلت من القطاع العسكري في اي جهه على ماأعتقد انه مافي قطاع يقبلك عسكري مره أخره

ام الوظائف المدنيه عادي تقدر تقدم عليها


اخي العزيز شوف لك واسطه عاليه للواء دايركت ترجع تداوم خلال يوم


او انك تدخل للواء مباشرة وتشرح له وضعك


طبعا يحاولو انهم مايدخلوك لكن حاول لو انك تحصل على رقم اللواء



الله معاك ياخوي



ادعيلي انامعاك


لي عوده

اسمعني اخوي انت غلطتك الوحيده انك الوقت الي قالو لك انه وزنك زايد رحت وقدمت الاوراق لمكتب التجنيد المفروض انك تعيد

المشكله انا مااخذتها هم اللي حولوها على التجنيد والا انا ماطلبتها..

الله يوفقكم
اللهم امين
=================
--------------------------

الله يكون في عونك 0 0
وإن شاء الله ترجع لعملك و يرجع الوضع زي أول وأحسن
إن شاء الله 0 0

الله يشفي والدتك وتكون قريب منها 0 0 0

جزاكم الله خير
واشكر كل من قدملي النصح...

الله يعينك ويشفي والدتك
وان شاء الله ترجع لوظيفتك اللهم آمين

الله يوفقكم... دمتم بخير,,,

روح لخالد بن سلطان او محمد بن نايف

حسبنا الله ونعم الوكيل
حاول تقابل القائد وعطه التقرير
والله ييسر امرك ويعافي والدتك من مرضها ويعافي جميع المسلمين وينصر اخوننا في غزة اللهم (امين)