27-08-2025, 08:15 PM
|
 |
مراقب عام
|
|
تاريخ التسجيل: Sep 2006
الدولة: Dammam
المشاركات: 153,428
معدل تقييم المستوى: 21475183
|
|
|
جمرة القيظ
يالله برش المطر لو هو طشاش=جمرة القيظ احرقتنا يا سعد
ما هنا لي مرقدي فوق الفراش=يا سهيل اليوم سبّـق بالوعد
مع طلوع سهيل يبدا الانتعاش=انشد اللي سافرو واللي قعد
من يقول ان السعادة لك بلاش=لو كذا محدٍ على القمة صعد
في هبوب الصيف ماعندي نقاش=يرضى من يرضى ويقعد من قعد
اشهد ان البرد لو سبب رعاش=اهون من الصيف يا وجه السعد
يا رفيقي صرت في حال اندهاش=قرب المكشات غيري ما استعد
انت ودك وانا ودي مير ماش=في ضمايرنا كلام ٍ وش نعد
دنيتك لو هي صفت ما من عراش=ودي انك يوم تصدق بالوعد
لو صروف الوقت تجرشنا جراش=واجب الضيقات عنها نبتعد
ما حلا صوت المطر لو هو رشاش=ما حلا صوت السحايب والرعد
يالهبوب الباردة يحلى النقاش=في مجالس مثل مجلس ابو سعد
عاش من هو يعشق البران عاش=من يعاف البر جعله يبتعد
__________________
ومن يعمل من الصالحات وهو مؤمن فلا يخاف ظلما ولا هضما
|
العرض المتطور
