السلام عليكم ورحمة الله وبركاته ,
اليوم موضوعنا عن الكليات العسكرية ووش الامور الي ك متقدم تهمك .
فالبداية عندنا كليات وزارة الدفاع
1 - كلية الملك فيصل الجوية ( تقريباً اقل عدد قبول من ناحية الكليات والي يمشي في فحصها يضمن 85 % انه بينقبل إذا كان تخصصه جوي ) الموزونات غالباً من 89 وانت طالع مع إختبار Step 65 وفوق
2 - كلية الملك عبدالله للدفاع الجوي ( عدد قبولهم من 300 الى 350 ) موزونه عاليه واعرف شخص موزونته 90 منقبل فيها مع إختبار ستيب 73 .
3- كلية الملك عبد العزيز الحربية ( اكثر كلية عدد من ناحية القبول للطلاب الثانوي , 1000 طالب ) موزونتها تقريباً من 80 وفوق واختبار ستيب 45
4 - كلية الملك فهد البحرية ( عدد القبول 300 طالب ) موزونات من 86 وانت طالع مع إهتمام جداً باللغة الإنجليزية من ناحية اختبار ستيب الي يبغى الكلية ذي يجيب درجة عاليه بستيب ومهم تكون موزونته من 85 اذا يبغى قبول نهائي ممكن ينقبل نهائي اذا كان تحت هاذي الموزونه حسب الدفعه وحسب التنافس الي فيها ولكن هذا رقم تقريبي لها .

_____________________________________________
كلية الملك فهد الأمنية : من اعلى الكليات قبولاً لطلاب الثانوي اخر سنتين كان عدد قبول الطلاب فوق 1000 طالب ولكن التنافس فيها شديد جداً جداً اللي يبغاها لازم موزونه 90 مع إختبار ستيب من 65 وانت طالع هنا بأذن الله ان يجيك القبول النهائي ولكن الكلية هاذي بالمقابلة الشخصية يهتمون فيها فا عادي تلقى شخص موزونته 83 فيها وستيب عادي لاتستغرب .
______________________________________________
كلية الملك خالد العسكرية , اغرب كلية من ناحية القبول لانها تحيرك تدخل الفحص وتطلع ماتدري انت مقبول ولا مرفوض وبالحرف الواحد كلية فيها شيء من الاقارب والمعارف لكن فيه مسار ماتدخل فيه الامور ذي الي هو الطيران العمودي اذا درجاتك كويسه وستيب عندك عالي قدم على الطيران العمودي عندهم لان مافيه مجامله .
عدد قبولهم من 300 إلى 400 طالب سنوياً الموزونات متفاوته وغير محدده لكن فيه شباب دخلوها بجدهم وإجتهادهم بس درجاتهم عاليه موزونتهم من 90 إلى 94 مع إختبار ستيب بدرجة عاليه 65 وانت طالع .


وبالنهاية إعذرونا عالقصور هاذي اغلب المعلومات الي اعرفها عن الكليات حسب تجربتي معهم

واسأل الله سبحانه ان يرزقنا وإياكم القبول فيها .