|
مشروع مغسلة ملابس
السلام عليكم ورحمة الله وبركاته
ياهل الخبره ارجو منكم تفيدوني هل فتح مشروع مغسلة ملابس ناجح وتنصحوني فيه وكم تكاليف المغسله باالكامل واين تباع الاات المغسله كم نسبة نجاح هذا المشروع المكان في مدينة الطائف ارجوكم ساعدوني انا وزوجي في حيره والله يجزاكم الف خير |
هلا والله بنت شمر
اختي موضوعك مايحتاج رد على الطاير هذا مشرووووووووووع يعني لازم الي يحدد نجاح وفشل المشروع بإذن الله هو عده امور منها : الموقع الدقيق للمشروع , رأس مال المشروع المتوفروالامور الفنيه اللأخرى ايضا توفر الميزه التنافسية للمشروع وغيرها اتمنى ان يفيدك الاخوان بشكل مفصل وبالتوفيق |
هلا بك بنت شمر
أنا قبل فتره نزلت موضوع بأحد المنتديات أستفسر فيه مثلك عن مشروع مغسلة ملابس بس للأسف ماحد رد علي لكن أنا الحمدلله شلت الفكره من راسي لأن الدخل المتوقع يتراوح مابين 4000 إلى 10000 شهرياً وعلى حسب شغل المغسله وكسبها للزباين وطبعاً هذا الدخل اخصمي منه الفلوس اللي بتروح على الحاجات اللي بتشترينها شهرياً للمغسله مثل ( الصابون وراتب عامل أو عاملين والإيجار ) طبعاً أنا أقولك هذا الكلام وأنا ما عندي أي خبره ولا أملك أي مشروع يعني لا تاخذين بــ شوري أنا بس أعطيتك رأيي المتواضع وانتي الله يوفقك بــ مشروعك وهذا رابط فيه دراسة جدوى لمشروع مغسلة ملابس : - - اضغطي هنا - والله يوفقك انتي وزوجك تحياتي |
أتمنى لك التوفيق
حياك الله أختي الغاليه
وصباح الخير للجميع بالنسبه لموضوعك أختي الغاليه مع الاسف ليس لدي خلفيه :o ولكن أتمنى لك التوفيق تمنياتي لك بالتوفيق والنجاح والستر بالدنيا والاخره تحياتي |
الموقع
العمالة أهم شيء لجذب الزبون ثم هناك أشياء ثانوية مثل فاين معطر كل أربع قطع تكوى الخامسة مجاناً وهكذا وفقكم الله |
ماعندي اي فكرة عن المغسلة لكن اتمنى ان الاعضاء يفيدوكي
|
طبعا انا ارد عليك من واقع ان عندي مغسلة امتلكها والحقيقة كنت بالبداية متردد الى مااخذت القرار الاخير وفتحتها والحمدلله ماشيه بس مش ولابد لان الموقع اللي فتحتها فيه داخل حارة يعني الزياين محدودين وبالنسبه لمشروع المغسلة انا اشوف ان نجاح مشروع المغسلة يعتمد على شيئين 1 الموقع وهو المهم 2/ التعامل مع الزباين .
|
ان شاء الله انه مشروع ناجح
اهم شئ الموقع الموقع الموقع والله يوفقكك يارب |
بارك الله فيك |
مغسلة ملابس
حبيبتي انا فاتحة مغسلة مع زوجي
والصراحة انها تعتبر مورد رزق بحمد الله يساعد مع الراتب وفي البداية تعبتنا البلدية بالإجراءات والشروط لكن مشيت امورنا ميزتها مالها وجع راس الشركات تورد التايد وخلافة لباب المحل لكن انصحك 1- اهم شي دوروا محل زحمة مثل سكن عزاب او فنادق سياحية 2- اجروها على الأجنبي وخذوا كل بداية شهر مبلغ بدون اي تعب وراح تقولي ليييييييييييييش؟ لأننا في البداية كنا نجرد المحل يوميا وبالريال وما طلعلنا الا ارباح محزنة بسبب تلاعب العامل واهماله وبمجرد ما اجرناها له صارت الأرباح ثلاث اضعاف تخيلي!!!!!!!!!!!!!!! |
اشكر الاخوان والاخوات على ردودكم الطيبه وجزاكم الله الف
خير لكم مني اطيب تحيه |
حبيبتي قرميطه على التوضيح الرائع بس لي طلب وضحي لي كيف
ااجر المغسله على العامل يعني اجهز مغسله كامله او اخذ المغسله باالعامل تكفين فهميني تحياتي لكي |
اقتباس:
انا راح افهمك قصد قرميطه.. قصدها اذا خلصتم المغسلة وبدا الشغل فيها خلي العامل يعطيك مبلغ معين نهاية كل شهر وهو بكيفه يشتغل على راحته بدون اي قيود.. يعني كأنك مؤجرة المغسلة عليه..وانتي تاخذي اجارك نهاية كل شهر.. الطريقة حلوة وانا اعرف ناس كثير مسوين زي كذا ... والله يوفقك |
اقتباس:
طبعا ان حبيت اقول حاجه اعرف قريب لي يفتح محلات مغاسل ويؤجرها على العمال اللي فيها وتقريبا كان ياخذ كل شهر من اول مغسله 3500 ريال .. طبعا وكل مغسله لها حسبتها من حيث الموقع والدخل ماشالله والله يزيده هو اللي عليه انه باخر الشهر يجي وياخذ الفلوس ويمشي ماله اي علاقه فيهم طبعا اهم شي الموقع والعامل اللي فيه علشان يكسب الزبون دايماً والله يوفقكم |
ماقصروا الاخوان وزي ماقالوا نجاح المشروع وفشله يعتمد على الموقع بالمركز الاول انا
هالفكر ه براسي من زمان والله يساعدني واقدر افتح مغسله بس اهم شي تكون بحي كل عزاب وقليل فيه المغاسل والله يوفقك انتي مع زوجك وخليه يمر على المغاسل وعادي يستفسر من العمال كيف الشغل وكذا. |
بتوفيق
|
بالتوفيق
|
بالتوفيق إن شاء الله
|
اخوي دور لك مغسله قائمة وقبل ماتشتريها
اتفق مع العامل الي فيها على اجارها \ لان مستحيل تنجح المغسلة اذا لم تاجرها على العامل اتفق انت وياه على مبلغ معين على حسب موقع المغلسة وعملها اذا اشتريتها اول ماتنقل الرخصه يعطونك عامل او عاملين على المغسلة بيع الفيز الي عطوك واشترط على الي تبيعها عليهم انك بتجيبهم يشتغلون ويتعلمون بعدين تفتح لهم مغسله مثلا اشتريت مغسلة ب 45 الف والمغسلة ماجرها على العامل ب 2000 او1500 اذا نقلت الرخصة يعطونك عامل على اقل تقدير واذا تعرف تدبرها يعطونك من الى 3 عمال تبيع الفيزة الوحده من 8الاف او اكثر لو عطوك عاملين تبيع الفيزتين ب 16 الف بكذا تطلعلك المغسلة 29الف وشوي شوي ويكون عندك شبكة مغاسل |
اشكر الجميع على الردود والافاده والله يرزق الجميع
|
اخوي سليمان الله ينور دربك لانك نورتني على اشياء كثيره
ويحفظلك من تحب شكرا شكرا شكرا |
المشروع ناجح باذن الله
وراس ماله مو كبيررر والله يوفقك يابنت شمر |
اقتباس:
قبل يومين كنت ابحث عن مغسلة بشتيرها كلمة صاحبها قال انا مشتريها ب 58 الف قبل سنتين يقول كنت اتابعها وتدخلي مبلغ صافي 5000 يقول تعبت لانه ساكن بمنطقه ثانية قال اجرتها على العامل ويعطيني 2000 ريال شهري على كذا لو اشتريتها انقل الرخصه واحاول يعطوني عاملين الى ثلاثه لان المغسلة شوي كبيره وابيع فيز العمال الجدد وبكذا تطلع المغسلة علي بمبلغ بسيط الله يوفقك يارب |
اقتباس:
السلام عليكم ورحمة الله وبركاته كل عام والجميع بألف خير وتقبل الله صيامكم وقيامكم وفتح لكم ابواب الرزق الحلال ياليت أحد يتفضل علي ويشرح لي كيف أقدر أبيع الفيز ؟ يعني أبيعها على عمال موجودين ؟ طبعا ما أتوقع لأنه موجود على الفيزة حقته ؟ طيب كيف أبيعها على عامل ما بعد جاء للمملكة ؟ أنا أخطط لفتح مغسلة لكن احب استوفي كل المعلومات والله يكتب الخير لي ولكم ولكل من يقرا ولو كانت الاستفادة مجرد معلومات ممكن يحتاج لها أحدنا مستقبلا تقبلوا شكري وتقديري للجميع |
^
هلا سعودي ............. طرحت نفس التساؤل هنا وان شاء الله تجد افادة https://www.btalah.com/t196574-2.html |
جزاكم الله خير موضوع مفيد .
|
اقتباس:
|
طيب اذا اجرتها على العامل الاجار مين يدفعه نهاية العام
الله يجزاكم خير |
الله يوفقك اختي بنت شمر ..واسالوا عن حكم بيع الفيزااااااااااااااااااااا من الشيخ حلال اوحرام
|
الشركات تورد التايد وخلافة لباب المحل
ماذا تقصد الاخت...........؟ |
اقتباس:
|
استغفر الله
|
رفععععععععععععععععععععععععع
|
اختي بنت شمر انا لدي 3 محلات بجدة ولله الحمد
وكان عندي برضوا حوش لغسيل السجاد لكن قفلته لان العامل صدم بسيارة وكرهتها وقفلتها لان الحوش كان لي المغاسل فيها فلوس واعتمدي اهم شئ علي الديكور هو اللي يجذب الزبون وثاني شئ العماله اهم شئ تكون على الكفاله وتبي نصيحه ابعدوا عن اليمنه بنسبه 90% اذا ماكان على الكفاله وحتى لو على الكفاله انا والله اكلمك من واقع تجربه انا المغسله الاولي كلفتني حول 70 الف الثانيه حول 110 الالف الثالثه 90 الف وهذا يختلف على حسب الايجار وكم فتحت محل وانا المغسله الاولي صحيح تعلمت منها الشي الكثير وكنت اشتري مغسله عرضها صاحبها للتقبيل واخذ الاغراض وانقلها في محل ثاني وحاولي تراعي موقع الشارع والحركه انا من اهل الطائف وبس ساكن بجدة واعرف مغاسل الطائف كويسه جدا فيه وحدة بحي القمريه ماشاء الله عليها فيها 2 شباب سعوديين شغالين صح وحاولي قدر الامكان تشترون معدات مستعمله واذا تبي اي خدمه انا تحت امركم اعرف ناس حقين معدات بالطائف وان شاء الله مضمونين واي استفسار انت تحت امرك |
اهم شي الموقع المناسب
|
مرحبا شباب وتجار المستقبل
ممكن اعرف سعر ادوات المغسلة يعني المكائن حقت الغسيل والكوي لاني ابغى افتح مغسلة بخار وكوي بخار وادوات تنظيف الاوساخ المستعصية مثل الزيت والشحم والزفت وكمان روائح للملابس حصلت محل مساحتة 7*6 هل مناسب لعمل مغسلة |
هل الأفضل تأسيس مغسلة أم تقبيلها ؟
ومالفرق في التكاليف بالتفصيل |
ليش مافي ردوود
|
يا اخوان انا عارف ان الموضوع قديم << قد يجيبني احد
كم رأس مال المغسله بحدود كم ؟ انا أفكر أفتحلي مشروع من زمان |
[QUOTE=عمر العصيمي;3882952]يا اخوان انا عارف ان الموضوع قديم << قد يجيبني احد
كم رأس مال المغسله بحدود كم ؟ انا أفكر أفتحلي مشروع من زمان[/QUOTE ] تكلفك فقط معدات المغسلة كاااااامله 36 الف من البابطين وهي افضل شي من غير الايجار وديكور المحل |
| الساعة الآن 12:31 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين