السلام عليكم ورحمة الله وبركاته


انا بنهبل من الطفش والملل ماادري وش اسوي
والله يا عالم ابي اتوظف باي شكل . .

انا خريجه مكتبات وتقنيه معلومات من جامعه الامام محمد بن سعود الاسلامية في الرياض
وعندي دبلوم حاسب من نفس الجامعه
وعندي دورة انقليزي من معهد نيوهورايزن مدتها شهر

متخرجه من سنه
ولا يتصل علي الا كول سنتر و دوام طويل وراتب 1800
انا مااقدر كذا .. صعبه
وغير كذا والله القهر اهلي كلهم بقطاع التعليم .. اللي مديرة واللي موجه ادارية واللي واللي
ولا احد يتوسط لي .. القهر يتوسطون لبنات خالتي وانا لاء
حظي شييييييييين ... انا ماابي مدرسة اهليه لان شهادتي مو تربوية فـ ماراح اعرف ادرس
يعني لو ادراية ممكن بس مكتفين الاداريات
والشركات ارسلت لهم ولا عبرني احد
والبنوك ياعالم حظووووووظ من جد يقولون ما نبي الا اللي شهادتها حاسب والا رياضيات والا انجليزي .. وانا 2 من صديقاتي نفس التخصص نفس شهاداتي هذي متوظفين في بنوك

والله تعبت ابي شي اشغل نفسي فيه واختلط مع العالم والناس ابي احس اني درست واستفدت من حياتي الدراسيه وافيد العالم واساعدهم .. مليت من البيت يعني امي موظفه ابوي واخواني مافي الا انا .. حتى خوات ماعندي
الشهر الجاي ان الله عطاني عمر بدخل في الـ 27 وانا ولا نص وظيفه ما توظفت فيها

ساعدوني باي شي .. لو بالدعاء

اختكم ام عبد العزيز