|
الاقدمون والسابقون في الماجستير هلا افدتونا ؟؟
هل تستطيع ان تطلب يوماً ما خدمة الا ممن ستثق انه سيسديها لك ؟؟ اخوتي اعزائي واحبتي هل لي ان اعرف من شخصكم الكريم كيفية التقديم على الدراسات العليا من الألف الى الياء .. اي ذوي الخبرات و السوابق ( اجرام مو تقديم ) هههه اقصد الاسبقية في التقديم هل لي ان اعرف .. 1- كيفية استخراج السجل الاكاديمي ممن بالضبط ( شؤون الطالبات صح ؟ ) 2- تزكيتين علميتين ممن بالضبط من اساتذة المادة التي انوي التخصص فيها والا اساتذه القسم عامة ؟ 3- لمن اذهب حتى استخرج التزكيتين ؟ 4- ان كنت خريجة كلية هل يتطلب مني شهادة اعادل بها نسبتي المئوية بمعدل من خمسة وان كان فممن بالضبط ؟ 5- كيفية الامتحان ؟ في مادة التخصص فقط ام عامة ؟ المقابلة ووووو.. اممممممم واتمنى ان اقرء خبرات واضافات من الجميع لاني سجلت بس بدون هالاشياء وحابة تكون عندي |
الله يوفقك يارب
وأنا كمان أبغى أعرف ممكن أحد يوضح لنا |
اختي الكريمة انا من الناس الا رتبو امورهم ولكن لم يكتب لي ربي بدراسة المجاستير
السجل الاكاديمي اخذتة مع وثيقة التخرج مع بعض التوصيات من اساتذتي مباشرة علما انهم يطلبون السجل الاكاديمي حتى يتأكدون انهم درسوك او لا اعملي نسخ واطلبي فيها ختم اعملي كثير بعدين ولاني اسكن بمنطقة والجامعة بمنطقة اخرى اخذت اوراقي ورحت الى مكتب ترجمة وازيدك من الشعر بيتين نصااااابين مرة وترجمتهم واستلمتهم علما ان البنات ترجمو اوراقهم من نفس الجامعة هم قالو لي واذا وثيقتك عربي انجليزي مالاداعي تترجمينها السجل الاكاديمي هو مال الدرجات |
اقتباس:
موفقة عقبال القبول |
الله يوفقك وييسر امورك
|
علاوي ان شاء الله تكون استفدت
عسل النحل والله كان ودي اخذهم مرة وحدة بس من فرحة التخرج والله ما اهتميت اخذت الوثيقة وطيران على الديوان ( خخخخخخ كان وقتها في تقديم بس شحتوني هههه ) عاطلة مش بطالة جزاك الله خير والله كفيتي ووفيتي اما عالقبول فكثري منها بقدم لاني حابة ادرس دراسات عليا والا ما اظن انقبل بصراحة في دكتورة ما تقدر على دمي كانت تموت اذا ما تنحز لي او تحرجني ودي اخذ منها تزكية خخخخخخخخخخخخ بس تشوفني ما بتعطيني خاصة اني حملت عندها مادة من قبل هع هع هع عاطل لا حرمنا الله من دعواتك مرورك ودعائك شرف لي .. اكثر الله من امثالك محتاجين دعواتكم وبالتوفيق للجميع |
صح طرا على بالي سؤال
لو كنت ابي اتخصص في مادة تقديري فيها مش ولا بد خخخخخ مقبول او جيد ومطروح للماستر مادة اخرى تقديري فيها جيد جدا او ممتاز لكني لا احبذ المادة ( عاد بتستغربون كيف ما احبها وجبت هالتقدير تراه مو بالغش سهلة بس ثقيلة طينة عادي تصير ) الموهييم اقدر اتخصص في المادة اللي ابيها والا انا مقيدة بالتقدير الاعلى يعني راح انرفض اذا على هالحال ؟؟ وشكراً سلفاً |
الله يكتبلك الرزق وين ماتروحين ويحقق لك اللي في بالك
|
وجزاك .. العفو كويس إنك مقابلة هالنوع من الدكترة في البكالوريوس عشات تأخذي حصانة ضدهم!! لأنك بيتلاقي كثير منهم في الماجستير!! جواب لسؤالك .. الأفضل إنك تقدمي على التخصص اللي تقديرك فيه أعلى لأنهم ينظروا لتقديراتك في مواد التخصص عند القبول.. إلا إذا كان التخصص صعب أحيانا يقبلوا جيد مرتفع تجاوزا ! موفقة |
1- كيفية استخراج السجل الاكاديمي ممن بالضبط ( شؤون الطالبات صح ؟ ) أختي (براءة روح) بالنسبة للسجل الأكاديمي أو مايسمى بـ(كشف الدرجات) يعطوكي ياه مع الوثيقة أما إذا ماكنت أخذتيه روحي للعمادة واطلبيه منهم ... ونصيحتي عشان تكون روحتك وحده صوري السجل عدة صور واختميه من عندهم عشان يكون صورة مصدّقة ونفس الشي سوّيه مع الوثيقة. 2- تزكيتين علميتين ممن بالضبط من اساتذة المادة التي انوي التخصص فيها والا اساتذه القسم عامة ؟ بالنسبة للي أعرفه إنه تكون من أي دكتورة درّستك سواء بمواد التخصص أو غيرها الأهم إنها تكون دكتورة مو (استاذة محاضرة) أو (معيدة) . وطبعاً بعد ماتاخذي التزكيات لازم تختميها من الدراسات العليا عندكم بالكلية حقتك إنتي ... وبعدين صوّري كل التزكيات ... يعني لاتسلّميها نفسها ... أعطيهم عند التقديم الصور .. أنا كذا طلبوا منّي يوم قدمت على الماستر. 3- لمن اذهب حتى استخرج التزكيتين ؟ بالنسبة لأوراق التزكيات نفسها تاخذيها من مكتب الدرسات العليا عندكم بالكلية طبعاً راح تكون فاضية وإنتي تودّيها للدكاترة وهم يعبّوها لكي.4- ان كنت خريجة كلية هل يتطلب مني شهادة اعادل بها نسبتي المئوية بمعدل من خمسة وان كان فممن بالضبط ؟ هذي ممكن تسألي فيها عمادة القبول و التسجيل بالجامعة اللي إنتي تابعة لها . 5- كيفية الامتحان ؟ في مادة التخصص فقط ام عامة ؟ المقابلة ووووو.. الامتحان غالباً بيكون في التخصص اللي بتقدّمي عليه ماعدا بعض الأقسام مثل الإدارية قالوا إنهم يجيبوا كمان أسئلة عامة. لكن الأفضل تسألي القسم اللي إنتي مقدمة عليه وش هي المواد اللي بيكون فيها الاختبار وهذا أحسن لك و أريح. وطريقة الاختبار ومدّته .. حتى تكوني مهيّاة نفسك صح ولاترتبكي وقتها. بالنسبة للمقابلة الشخصية بتكون عامة لكن على حسب ماوردني من أحد الأخوات اللي سبقتني بهالمجال إنهم سألوها في التخصص. اممممممم واتمنى ان اقرء خبرات واضافات من الجميع لاني سجلت بس بدون هالاشياء وحابة تكون عندي أختي الاهم في الدراسات العليا إنه قبل كل شي لابد إنه تكون عندك فعلاً العزيمة و الإرادة إنك تكمّلي دراستك والأهم إنك تستخيري قبل لاتقدمي ... والله يوفقك إن شاء الله.:) |
| الساعة الآن 02:23 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين