بالنسبه للدوره العسكريه

[يارب ملازم أول]

دام امورك كذا

قدم وخلص امورك
واذا ربي كتبها من نصيبك وحددو لك موعد الدوره

روح لهم وقول لهم ظروفك
ان تساعدو معك توككل ع الله وخش الدوره

ماتساعدو معك اسحب عليهم وما بتخسر شي

[ضويض]

قدم وتوكل على الله وشف من يعول اسرتك عمك خالك جدك اهم شيء محرررم لهن والعسكريه صحيح رواتب طيبه بس ترا التعيين مشكلته وانصحك اذا تبي تدخل قطاع عسكري تثبت محلك شف الداخليه الامن العام المباحث والقوات الجويه اما الجيش والحرس تتقلات ماتثبت

[مقرن بن سعود]

برّ بوالدتك وأعل أخواتك
تفلح في الدنيا والآخرة
وأثرها في الدنيا ستراه
وفي الآخرة ضمن الرسول لمن فعل الجنة؛ إذا صح عنه صلى الله عليه وسلم أن قال (من عال جارتين حتى تبلغا جاء يوم القيامة أنا وهو هكذا وضم أصابعه).
ولا يمنع أن تفعل الأسباب التي سبقني بذكرها الشباب .. لعلها تنفع.
دعواتي لك بالتوفيق ولوالدتكم الكريمة والأخوات بالعافية.

[عاطل مقدماً]

اسال الله بمنه وكرمه ان يرزقك من حيث لا تحتسب ويعوضك خيرا منها في يوم الجمعه المبارك

[متممكن]

الله يرزقك بالوظيفة الي تسر خاطرك

[Mr2]

المشاركة الأصلية كتبت بواسطة Ahmed121

السلام عليكم ورحمة الله وبركاته

يا اخوان تكفون علموني الحين ودي ادخل العسكريه بهذلتن الشركات
بس اللي رادني عنها هي دورتها والحبسه فيها المشكله اني وحيد امي وخواتي مالهم غيري
ومافيه احد غيري يقوم بهم
الحين لو اشرح لهم ظروفي هل يسمحون لي ع الاقل اخرج لو مره كل اسبوع اجيب لهم اكل وعلاج ولا مافيه خرجه الا بعد 45 يوم ؟

وبعدين وش وضع التعيين يوم اقرا الشروط في اغلب الوظائف العسكريه مكتوب
لايسمح لك بطلب مكان للتعيين ولا احد يطلب عنك كائننا من كان
مافهمت يعني الحين لو تعينت مثلا بتبوك معقول اشيل اهلي واترك بيتي واروح تبوك ؟
ولا انا فاهم غلط ؟

الله يوفق من يرد

اخوي شف دورات الي قريبه منك مثلنا لو كنت بطائف دوره دفاع المدني بطائف والأمن العام برياض ولها اكثر من مكان ,,, المقصد انك تشوف لك قطاع عسكري تكون دوره و تعيين بديرتك ,, واكثر قطاع عسكري يكون تعيين عن اهلك هو دفاع المدني يليه القوات طوارى ,, مانصحك على المباحث , الأمن العام , المخدرات , لأن اغلب تعينات تكون خارج المنطقه الي تسكنها ,, والله يعينك وقضي حاجتك ويغينك بحلاله عن حرامه

[Ahmed121]

الله يجزاكم كل خير ويفتحها بوجيهكم
لكل من رد