قبول مشروعي برياده ووقت المقابله اتفاجئ بالرفض ؟؟

[Wmwafaa]

السلام عليكم
قدمت علي رياده الاعمال قبل ثلاث شهور وتم ارسال رساله من بكره برفضي لعدم مطابقه الشروط اللي هي الخبره
بعدها بيوم اتصلو فيني من نفسهم وسئلوني عندك خبره قلت لهم عندي خبره من المنزل لمده سنه ونص وعندي حساب انستقرام متابعينه اكثر من 15000 واشارك بمعارض نسائيه مثل ومكس وغيره
ومعاي دوره تصميم ازياء ثلاث شهور وحاليا بخلص دوره خياطه ست شهور قفلت وبعدها ارسلو رساله نصيه الرجاء ارسال شهاده الدوره ايميل ووبعدها ارسلو انو مطابقه للشروط ووقبلوني مبدئياا
قبل اسبوعين ارسلولي موعد اللقاء وحضرته وقالولي وقتها عليك تعثر بسمه فوق 10 الاف ريال سدديه قبل تدخلين موعد المقابله الشخصيه
سددت التعثر وجبت اثبات بسدااد والحمدالله
حضرت المقابله يوم الخميس الماضي بعد انتظار ثلاث ساعات تم دخولي للمقابله
وكان اربع اخوات المسئولات عن المقابله من ضمنهم ممثله بنك التسليف
طلبو مني اعرف عن نفسي واتحدث عن مشروعي مامداني اتكلم واعرف عن نفسي اتفاجئ بممثله بنك التسليف تقول
نعتذذذذر نعتذذذر ماينفع نجري معاك هالمقابله !!
قلت ايش السبب؟ قالت مامعاك شهاده خبره ؟ كيف اجيب لك شهاده خبره وانا اعمل من المنزل طيب ليش الحين بعد كل هالتعب تقولون لي الحين
كان من البدايه رفضتو ليش الان ترفضون بعد ماستوفيت الشروط وكل شي الان تقولون وطلعت
وهذي قصتي كامله ارجو من اصحاب الخبره يعطوني رايهم باللي صار معاي وهل في حل او اجراء اتخذه ضدهم وشكرا لكم

[أرباح للتسويق]

ايش نوع مشروعك اختي و بأي مدينة

[عاطله منذو مبطي]

حتى انا امس كانت مقابلتي في فرع المدينة المنورة للاسف تجربة فاشلة لجنة تفتقر ادنئ درجات المهنية والتعامل مع المقدمات ناهيك عن سوء تنظيم وقلة معرفة بسوق العمل لكافة افكار المتقدمات اقل مااريده ان تكون من تعمل لي المقابلة له خلفية بالفكره لو شي البسيط ليس ذنبي انك جاهله بموضوع فكرتي مقابلتي للاسف اقدر اسميها مصارعة تحطيم من تسبق الاخرى بذلك لايعطونك فرصة للاجابة عن سوالها ولا تترك لك مجال يسمعون بالاكشن والاثاره والله يااستاذة انا اشوف الفكره غير مجدية مجلس سواليف وليس مقابلة لرفع همة الشابات بدخول مجال العمل الحر بالعربي طقطة علي المتقدمات فرع المدينة المنور بقيادة منيرة عثمان
وبالاخير اعتذرو عن القبول لفتقر لسمات الريادية حسبي الله نعم الوكيل
والله يعوضك ويعوضني خيرا من ذلك ربما كانت خيرة

[Wmwafaa]

المشاركة الأصلية كتبت بواسطة أرباح للتسويق

ايش نوع مشروعك اختي و بأي مدينة

بوتيك لتصميم الازياء تصميم كأنتاج في الرياض

[Wmwafaa]

المشاركة الأصلية كتبت بواسطة عاطله منذو مبطي

حتى انا امس كانت مقابلتي في فرع المدينة المنورة للاسف تجربة فاشلة لجنة تفتقر ادنئ درجات المهنية والتعامل مع المقدمات ناهيك عن سوء تنظيم وقلة معرفة بسوق العمل لكافة افكار المتقدمات اقل مااريده ان تكون من تعمل لي المقابلة له خلفية بالفكره لو شي البسيط ليس ذنبي انك جاهله بموضوع فكرتي مقابلتي للاسف اقدر اسميها مصارعة تحطيم من تسبق الاخرى بذلك لايعطونك فرصة للاجابة عن سوالها ولا تترك لك مجال يسمعون بالاكشن والاثاره والله يااستاذة انا اشوف الفكره غير مجدية مجلس سواليف وليس مقابلة لرفع همة الشابات بدخول مجال العمل الحر بالعربي طقطة علي المتقدمات فرع المدينة المنور بقيادة منيرة عثمان
وبالاخير اعتذرو عن القبول لفتقر لسمات الريادية حسبي الله نعم الوكيل
والله يعوضك ويعوضني خيرا من ذلك ربما كانت خيرة

امين يارب واتفق معاك بكل كلمه قلتيها ولاكن لو تم رفضي بعد المقابله صدقيني ماكان همني لاكن انهم يقبلوني واستوفي الشروط بعدها بالمقابله الشخصيه يقولو ماراح نجري المقابله مامعاك خبره ؟؟
ابحث عن بس طريقه عشان ارد حقي منهم موعشان ابي يرجعون يقبلوني

[مخاوي العبرة]

هلا بأختي ام وفاء

طبعا الرفض هذا ليس نهاية المطاف
ولا بد يعطيك دافع للتقدم مره اخرى اخرى ولا تحبطي وواصلي النشاط والحماس لا تعطيك موظفة البنك اي نوع من الرسالة السلبية فهي مجرد موظفة حكومية واكيد فيه قنوات تمويلية غيرها
فانا انصحك بان تكرري المحاولات وبيدك صنعة ومستقبل ان شاء الله
والله يوفقك

[reeem22]

لازم تعرفين نظام ريادة وبنك التسليف قبل كل شيء

التقديم والقبول المبدئي يبنى على نقاط معينة اذا مستوفيتها يقبلونك مبدئيا, القبول المبدئي مايعتبر نهائي

يوم المقابلة يكون التقييم على نقاط اكثر توسع واهم
بنك التسليف لهم شروطهم
ريادة لهم شروطهم

بعض المشاريع يشترطون فيها شهادة خبرة او شهادة دراسة مثل الخياطة والتفصيل والتصميم والتجميل لان فيه لها دورات تقام ودبلومات وتخصصات بالكليات والمعاهد ولان الدراسة فيها مهمة جدا ونجاح المشروع يعتمد عليها
الخياطة مثلا حتى لو هم قبلوك بعدين يوم بتطلعين ترخيص من البلدية مابيعطونك رخصة الا لو عندك شهادة
اذا عندك شهادة تخصص دبلوم او دورة ممكن يقبلونك

اما بعض النشاطات التجارية اللي مايحتاج فيها خبره مثلا تشترين بضاعة وتبيعينها بمحل هذه مايشترطون فيها خبرة او شهادة دراسة

بعد القبول في المقابلة تنتقلين لدورة دراسة الجدوى
اذا سويتي دراسة الجدوى وطلع المشروع غير مربح وصعب نجاحه ممكن يرفضون دعمك واعتقد يرجعون لك قيمة الدورة
يعني خطوات القبول والدعم عندهم طويلة ومتعددة المراحل , مو معنى تم القبول المبدئي يعني تمت الموافقة على دعمك
او تم قبولك في المقابلة يعني تم قبول دعمك

ترى اللجنة عملوا مقابلات لمئات البنات مثل تخصصك ومجالك واكيد وافقوا على دعم بعض منهم
وعرفوا المشاكل اللي واجهتهم وعرفوا ان الوحدة اللي ماعندها خبرة او مو دارسه مشروعها ماينجح
مايرفضون بشكل عشوائي ابدا

واحتمال اخر انهم يبون يختبرونك في المقابلة,
المقابلة اختبار شخصيتك وموقفك واسلوبك ومعرفتك
لما يقولون لك ان ماعندك خبرة مابنقبلك وش بيكون موقفك ؟
هل بتستلمين؟
هل بتقنعينهم بأنك صاحبة خبرة وجديرة ؟
هم ماهم اعداء لك, هم بيدعمونك لكن عشان يوافقون على دعمك لازم يختبرونك ولعلمك اختبارهم لايعتبر شي مقارنة بالاختبارات اللي بتواجهينها بعدين

هل تعرفين التراخيص الخاصة بمشروعك ؟ و وش يلزمها؟ يعني بدون الخبرة او الشهادة هل تقدرين تحصلين على التراخيص؟
لو كان عندك علم انه ممكن تحصلين عليها كان ممكن تقنعينهم وانتي واثقه تمام الثقة


عزيزتي اللي بيفتح مشروع لازم يحط قدامه ان بيواجه عوائق وصعوبات كثيرة
الطريق مو مفروش بورد
اذا هم ماقبلوك فيه جهات كثير تقبلك
اذا ماقبلوك هذه المره قدمي مره ثانية

[reeem22]

المشاركة الأصلية كتبت بواسطة عاطله منذو مبطي

حتى انا امس كانت مقابلتي في فرع المدينة المنورة للاسف تجربة فاشلة لجنة تفتقر ادنئ درجات المهنية والتعامل مع المقدمات ناهيك عن سوء تنظيم وقلة معرفة بسوق العمل لكافة افكار المتقدمات اقل مااريده ان تكون من تعمل لي المقابلة له خلفية بالفكره لو شي البسيط ليس ذنبي انك جاهله بموضوع فكرتي مقابلتي للاسف اقدر اسميها مصارعة تحطيم من تسبق الاخرى بذلك لايعطونك فرصة للاجابة عن سوالها ولا تترك لك مجال يسمعون بالاكشن والاثاره والله يااستاذة انا اشوف الفكره غير مجدية مجلس سواليف وليس مقابلة لرفع همة الشابات بدخول مجال العمل الحر بالعربي طقطة علي المتقدمات فرع المدينة المنور بقيادة منيرة عثمان
وبالاخير اعتذرو عن القبول لفتقر لسمات الريادية حسبي الله نعم الوكيل
والله يعوضك ويعوضني خيرا من ذلك ربما كانت خيرة

مقدرة غضبكم وانزعاجكم انتي وصاحبة الموضوع لان الرفض امر صعب على النفس خصوصا بعد تأمل
لكن اعتبروه درس بسيط يكسبكم فائدة كبيرة تفيدكم بالمستقبل
خذوها قاعدة التعليم مو ببلاش
عشان الواحد يتعلم ويتطور لابد من انه يقع ويفشل مرات
المهم يستفيد

دعم الريادية وشابات الوطن مو انهم يقولون وووواااااو مشروعك حلو وخطير واحنا نعطيك الفلوس وانطلقي
لو كذا كل البنات قدموا واخذوا قروض كل من طقت براسها فكرة قدمت وقالت افتح مشروع اطقطق عليه
ولا جو للواقع انصدموا وخسروا وخسروا الدولة معاهم
مو كذا الريادة
حتى لو بتفتحين مشروع بمالك الخاص فيه امور اساسية لازم تعرفينها

المقابلة اختبار صغير يعتبر مقارنة بالاختبارات اللي بتواجهينها اذا بدأتي بالشغل على مشروعك وتأسيسه
اذا حطموك او حطوا قدامك حواجز او عائق صعب المفروض انتي واثقة بمشروعك وخبرتك وسوق مشروعك لان درستيه واشتغلتي فيه وعرفتي كل شي عنه وعندك توقع لكل شي ممكن تواجهينه وحل لكل شي ومعرفة بكل شي
ومتوقع منك سويتي دراسة جدوى قبل التقديم وعرفتي نقاط القوة والضعف وكم الربح بيكون وكم البيع وكم التكاليف وايش الفئة المستهدفة وكيف تسوقين
تكلمي كريادية واقنعيهم واشرحي لهم ووريهم اعمالك لو عندك
يبون يشوفون شي واقع انجزته الريادية ويشوفون قدرتها ومعرفتها اللي بتتسلح فيها عشان تنجح مشروعها

حتى لو قالولك مشروعك فاشل , يبون يشوفون وش ردة فعلك وكيف تقنعينهم وتثبتين لهم العكس
كلمة مشروع غير مجدي وفاشل ممكن تسمعينها من اقرب الناس لك اهلك, من زميلاتك, وممكن من الزباين نفسهم اللي تبين تبيعين لهم
فإيش ردك انتي ياصاحية المشروع؟ وش ردة فعلك ؟
مثل اللي يقولك اقعدي بالبيت وخذي حافز ليش تتعبين نفسك وتفتحين مشروع وتتحملين دين ومصاريف ولا شوفيلك وظيفة اضمن لك
وش ردك؟

طبعا لاتقولين كلام عشوائي مجرد كلام مثل هذا حلمي طول عمري وانا تعبت عليه وانا اشتغلت وبعت والناس تمدح شغلي
يبون فعل ومو اي فعل
فعل صحيح وعن معرفة ودرايه ومدروس
وعشان تقولين كلام صح وتفعلين فعل صح لازم يكون عندك صفات شخصية تساعدك
وهذه مانقول انها جينيه ولا تجي مولودة مع الواحد
هذه تجي مع الخبرة والتعلم والممارسة والتجربة والدراسة
والمقابلة هذه احد التجارب اللي تكسبك معرفة وفائدة وتنورك على نقاط ماكنتي تهتمي لها وتكسبك خبرة ايضا
لو رحتي لمقابلة عند اي جهة بتكونين عارفة وش بتواجهين وكيف تتصرفين وايش تقولين



الله يكتب التوفيق لك وللجميع

لاتنسوني من دعواتك

[قيس العتيبي]

ربي يوفقك اختي

[زرقا اليمامة]

يااااخواان
الرسول عليه الصلاو والسلام
يوم جاه الرجال الي يشكي الفقر قاله اذهب فاحتطب ولااراك ال بعد خمسة عشر يوماً
فجائه الرجل في الموعد المحدد ومعه 8 دراهم قاله الرسول هذا خير لك من ان تسئل الناس
لو الواحد يفكر ويجاهد نفسه وفي نيته انه يسعى لرزق حلال اكرمه الله بفكره تكون باب خير عليه
بدون منة احد