السلام عليكم
مبتدئ و معي فلوس و حرام العب فيها ..

وش رايكم بأحسن مشروع ..
كثير وصوني بالمقاولات لكن ما اعرف عنها اي شيء وش اسوي و وين اروح

تكفـــون مشورتكم يا اخوان

اتمنى الاخوة يفيدونك
وفققك الله

اختي اذا ماعندك افكار للمشاريع انصحك لاتغامرين
اذا عجزتي عن التفكير بفكرة راح تعجزين عن ادارة المشروع
والله اعلم
الشخص يعود نفسه انه يفكر ويبدع ولا كيف بعض الناس اصبحوا تجار لانهم يملكون مخ تجاري
والله يوفقك ويرزقك فكرة المشروع الي تدر عليك ذهب آمين يارب

بيبي كير .. سوي حضانه بس اختار الحي الصحيح , يعني حي اغلبهم موظفات او طالبات عندهم اطفال .

بالتوفيق

الله يجزاكم خير بس انا ولد ماني بنت

تبي نصيحتي اختار لك مكان فيه ناس وضبط لك محل خدمة طالب تدر فلوس

االفكره قبل راس المال

ايش هواياتك وميولك اي شي انت تبدع فيه
وجرب بمبلغ صغير لين تنجح

اخي الكريم شغل المقاولات متعب جدا لان نظام وزارة العمل معقد جدا جدا من سعودة وتامينات
اما شغل المشاريع الحكومية بيعتمد على العلاقات وفيه النصب الكثير اتكلم عن شغل المشاريع بالباطن
اما شغل الاهاالي وجع راس واذا قلت انا اخذ من كل عامل نسبة بتكون خسران احسن مشروع مشاريع
بيع بالتجزئة اغذية مثل جملة ومفرد هذي المشاريع مايستغنى عنها او مشروع فتح محل خضار وفواكة
واذا تبي مشوره مجانية ادخل خاص وابشر

اقرأ هالكتاب بيفيدك كثير :
الجميع قادرون - الكل يستطيع ان يكون تاجر في الاعمال
ميزة الكتاب ان اصحابه ناس عاديين مثل اي احد ما يعرفون التجارة من قبل ولكنهم يبغون يدخلون عالم التجارة بأي طريقة
وهم اخ واخته تعاونوا وفتحوا سلسلة مقاهي قهوة في بريطانيا واللحين لهم فروع في انحاء العالم حتى انهم وصلو لجدة !
ميزة الكتاب انه يعطيك خطوات عملية خطوة خطوة كيف تبدأ بمشروعك من الصفر وطريقة جمع المعلومات عن المشروع وطريقة الدخول بالسوق .. وفيه مقوله عجبتني في الكتاب : بإمكانك ان تكون عالم في شيء محدد اذا قرأت عنه بشكل مكثف وبحثت عنه ودرسته دراسه عميقه ..

والافضل انك ما تدخل في شيء انت ما تعرف له لأنك راح تخسر فلوسك فيه او راح تعيش معاناة مع المشروع لعدم خبرتك فيه :
والافضل انك تبدأ بربع راس مالك في المشروع لو بـ 10 الاف لأجل دراسة السوق والدخول فيه والغوص في اعماق المشروع لتعرف الموردين والزباين واسرار السوق اللي راح تعمل فيه .. وبعدها تبدأ تتوسع بمشروعك وتكبره بباقي راس مالك او بتمويل اذا حسيت ان المشروع فيه فايده لك وربح شهري وسنوي جيد لك .. والافضل انك تدخل مشروع تحبه ويكون قريب منك ومن هوايتك

وخلاصة التجارة :
ابحث عن الشيء اللي يرغب فيه الناس ولا يجدونه = انت تجيبه وتبيعه لهم بربح صافي لك .
او ابحث عن فكرة او محل يتزاحم الناس عليه ولكن الجودة معدومه = انت تفتح هالمشروع بجودة ممتازة ونظافة وخدمة مميزة لهم
والتسويق للمشروع هو اساس نجاحه = تسوق لمشروعك بالنت ومواقع التواصل الاجتماعي والبروشورات وغيرها لجذب الزباين لك

اقرأ الكتاب :

... من هنا ...