الذهب الإلكتروني يا أبناء وطني باب الخير الذي سيكفلك ويكفل أبناءك من وراك

[لاتقنط من رحمته]

<<

تسلم يالغالي

انا تقريباً خلصت من الكورس باقي اني امارس واحفظ العناصر والوسوم يعني يبيلها شويه وقت على ما اتعود
وعشان اتعود لازم احتكاك وممارسه لكن كيف ماني عارف ياليت ياخالد تساعدني

[لاتقنط من رحمته]

ياخالد ياليت تجي هنا عشان عندي كم سؤوال ابي اسالك عنهم

هل لغه الويب هذي اللي جالسين نتعلمها الان لها دخل بالابلكيشن او التطبيقات اللي بجوال بنظام ios والاندرويد ولا لا ؟

بمعنا اقدر اسوي تطبيق من الى ومتكامل عن طريق برمجة الويب ولا لا ؟؟

ياليت ترد باسرع وقت يا خالد الحرف

[Alcady]

بالتوفيق

[لاتقنط من رحمته]

ياليت اي احد يعرف رقم خالد الحرف يرسله لي خاص

[لاتقنط من رحمته]

ياخالد الحرف اين انت يارجل ؟؟؟؟؟؟؟

[لاتقنط من رحمته]

عندي كم سؤال

واحس اني متشتت

ما العلاقة او ما الفرق بين لغه html مع php ؟؟ وهل علي ان اتعلمهم كلهم ؟ وهل هم وجهيين لعمله واحدة ام تختلفان كلياً ؟؟

وما هي Ruby ?
وماهي JavaScript. ؟

[حمدان فهد]

السلام عليكم ورحمة الله وبركاته ..

البرمجة تشبه المقاولات , بمعنى عشان تسوي برنامج بشكل صحيح , كأنك تبني بيت , إما تبنيه بشكل صحيح أو شكل خاطئ

1- التحليل , هي المرحلة الأولى , ولا يمكن يقوم بها إلا محلل , والمحلل هو مبرمج خبير وقديم , والتحليل يشبه مخطط المنزل يمر بعدة مراحل من ERD , DFD ...الخ , لكن لا تشغل نفسك فيها , لأنك بالبداية بتسوي برامج بسيطه وبالتالي ماتحتاج مخططات , مثل الي يبي يبني ملحق او استراحه بسيطه مايحتاج مخطط هيكلي , إذا وصلت لمرحلة معينة من الخبرة , بتصطرك الحاجة انك تتعلم التحليل, لكن لازم المبرمج يتعلم لو مبادئ التحليل على الاقل , او برنامجه بيكون اساسه خطأ ويسبب تراكم بيانات غير مبرره , اما المحلل المحترف فعادة مايحتاج يبرمج لأنه وصل بالخبره انه يكفي يحلل على ورق.

2- التصميم , لا يوجد مبرمج محترف يجيد التصميم , التصميم له ناسه , والبرمجه لها ناسها , اذا حددت نفسك كمبرمج , يكفي تتعلم رؤوس أقلام عن CSS عشان تتحكم بالالوان بشي بسيط , لكن لازم تتقن HTML تماماً وتكون فاهمها بشكل 100%

3- البرمجة , لابد المبرمج يتقن لغة برمجه على الاقل مثلاً PHP بالاضافة إلى برمجة قواعد البيانات SQL إتقان تام , نلاحظ ان المبرمج يعرف شئ عن كل شئ من اعلاه , إلا البرمجة يجب أن يتقنها ..

هذي الخطوط العريضة , طبعاً الي يقراها اول مره بينصدم ويستصعب الامر , لكن مع الممارسه تبي تتعلم كل شئ , وكل شئ بيكون بسيط , لكن اهم اهم نقطه , اذا بديت شوف هل انت مستمتع بالامر ام انه صعب عليك , بمعنى انك اذا شفت نفسك حبيت الشئ بالنهاية تبي تتقنه بإذن الله ..

آخر نقطة , بخصوص الدخل المادي من البرمجة الشخصية , هذي مااعرف عنها اي شئ , اراها شئ صعب خصوصاً بعد توفر مواقع الي تقدم مبرمجين يسوون اي شئ بأبخس الاثمان زي موقع فري لانسر .. اطلب اي برنامج تجيك العروض من المبرمجين من كل مكان بالعالم مثل الهند او باكستان او الفلبين او حتى ممكن اوربيين , لذلك ماجربت او حاولت , واعتقد ان التعامل مع العملاء بشكل شخصي بيكون متعب , لكن صاحب الموضوع ادرى مني وله تجربته ..

http://www.s-qu.com/forum/showthread.php?t=76010
هذا رابط دوره حاولت اسويه لمجموعه من الاعضاء لتعليمهم اساسيات البرمجه , لكن للاسف في منتصف الدوره قل الحماس وتوقفت

بالتوفيق للجميع

[حمدان فهد]

الاخ لاتقنط من رحمته

اشوفك متحمس مابغيت اطلع وانت ماشي صح
بجاوب على اسئلتك ..

1- ذكرت انك حفظت الوسوم , في البرمجه لا تحفظ , فقط افهم , ووقت الحاجة لأي وسم او اي شئ برمجي , فقط ابحث عن مثال وطبقه وقت الحاجه في برنامجك بعدين انساه , البرمجه فهم وليست حفظ.

2- تسأل عن طريقه التطبيق , يجب أول شئ تسوي سيرفر فيرتشوال على جهازك عشان تقدر تشتغل وتطبق وتشوف نتيجه عملك. اذا بديت طبعاً بالبرمجه بـPHP, مش الان .ماهو السيرفر الفيرتشوال؟ هو سيرفر وهمي تركبه على جهازك وكأنه موقع على الانترنت , تضع فيه اكوادك وتشغله كأنك تشغل موقع الكتروني عشان تشوف شغلك تمام ولالا.

3- لغة الويب الي تتعلمها هذي مالها اي علاقه بلغات الجوال , انت لازم تحدد تبي تتعلم ويب (مواقع) أو تتعلم تطبيقات جوال , تطبيقات الجوال تختار اما ايفون او اندرويد وتنطلق , الويب لغات كثيره جداً ..

4- HTML هي لغه فقط لرسم الصفحة , بحيث ترسم الجداول والشكل العام للصفحة , مثلا الصفحة حقت المنتدى الي جالس تقرا فيها ردي الان , رتبت الردود كلها بشكل مربعات مرسومه بـHTML , لكن PHP هي لغة برمجه حقيقيه هي مثلاً الي تعرض لك عدد المشاركات لكل عضو وكل عضو ايش اسمه , وهي الي تاخذ اليوزر نيم والباسوورد وتشيك عليهم بقاعده البيانات ..الخ

الروبي لغة ثانيه تؤدي نفس الي تؤديه PHP يعني منافسه لها , مثلا google يستخدمون روبي , بينما فيسبوك وتويتر PHP , المنتدى الي نتكلم فيها كذلك , لو تشاهد اعلى الصفحة في الرابط مكتوب PHP , اما جافا سيكربت فالجميع يستخدمه وهي لغه مسانده مايحتاج تتعلمها الان اطلاقاً , لكن بالمستقبل تحتاجها و لا تفكر فيها الان

[هاوي للبزنس]

هل لها في الهكر مجال او لا ؟؟

[لاتقنط من رحمته]

المشاركة الأصلية كتبت بواسطة حمدان فهد

الاخ لاتقنط من رحمته

اشوفك متحمس مابغيت اطلع وانت ماشي صح
بجاوب على اسئلتك ..

1- ذكرت انك حفظت الوسوم , في البرمجه لا تحفظ , فقط افهم , ووقت الحاجة لأي وسم او اي شئ برمجي , فقط ابحث عن مثال وطبقه وقت الحاجه في برنامجك بعدين انساه , البرمجه فهم وليست حفظ.

2- تسأل عن طريقه التطبيق , يجب أول شئ تسوي سيرفر فيرتشوال على جهازك عشان تقدر تشتغل وتطبق وتشوف نتيجه عملك. اذا بديت طبعاً بالبرمجه بـPHP, مش الان .ماهو السيرفر الفيرتشوال؟ هو سيرفر وهمي تركبه على جهازك وكأنه موقع على الانترنت , تضع فيه اكوادك وتشغله كأنك تشغل موقع الكتروني عشان تشوف شغلك تمام ولالا.

3- لغة الويب الي تتعلمها هذي مالها اي علاقه بلغات الجوال , انت لازم تحدد تبي تتعلم ويب (مواقع) أو تتعلم تطبيقات جوال , تطبيقات الجوال تختار اما ايفون او اندرويد وتنطلق , الويب لغات كثيره جداً ..

4- HTML هي لغه فقط لرسم الصفحة , بحيث ترسم الجداول والشكل العام للصفحة , مثلا الصفحة حقت المنتدى الي جالس تقرا فيها ردي الان , رتبت الردود كلها بشكل مربعات مرسومه بـHTML , لكن PHP هي لغة برمجه حقيقيه هي مثلاً الي تعرض لك عدد المشاركات لكل عضو وكل عضو ايش اسمه , وهي الي تاخذ اليوزر نيم والباسوورد وتشيك عليهم بقاعده البيانات ..الخ

الروبي لغة ثانيه تؤدي نفس الي تؤديه PHP يعني منافسه لها , مثلا google يستخدمون روبي , بينما فيسبوك وتويتر PHP , المنتدى الي نتكلم فيها كذلك , لو تشاهد اعلى الصفحة في الرابط مكتوب PHP , اما جافا سيكربت فالجميع يستخدمه وهي لغه مسانده مايحتاج تتعلمها الان اطلاقاً , لكن بالمستقبل تحتاجها و لا تفكر فيها الان

ياهلا والله ومسهلا

والله مدري كيف اشكرك اخوي حمدان
شرحك وافي وكافي وبيض الله وجهك تقريباً وضحت لي الصورة كثير
لكن يالغالي بخصوص لغه تطبيقات الجوال ذكر خالد الحرف انها لها علاقة بلغات البرمجة للويب ؟


انا قريت عنها وفيه شي اسمه اوبجكتيف-سي اعتقد النطق صح

لكن مافهمت منها شي