أشجع ناس في العالم عندنا بالسعودية
كلمة إلى " بعض التجار " يا أيها الخاسئون أقول لكم سحقاً لكم و لجشعكم
و تباً لطمعكم يا أيها الخونة يا عديمي الوفاء الدولة تدعم و أنتم " تزلطون و تدرعمون " في حساباتكم و بطونكم كالقبور التي لا ترد الأموات يا أحياءاً ذو قلوب قاسية قلوب أموات تستحقون ما وصفكم به الغرب هههههههه
شح + طمع + قلب مريض + بخل = " بعض " تجار السعودية
هذا يقولك مريض تاجر من " بعض " تجار السعودية وهو على السرير في المستشفى يناظر للممرضات و يتغزل و يقول آآآآه بطني يوجني آآآآه جسمي يوجعني مدري وش فيني أنقهروا منه الممرضات و عصبوا وراح شكوه للدكتور
قال الدكتور : علاجه عندي
وراح الدكتور لهالمريض " قلبياً " و " نفسياً " بالجشع
قال له : يا بابا أسكت و خليك مؤدب و راح أعطيك 10 ريال
قاله : بتعطيني 10 ريال من دون شيء ؟ !!
قال له الدكتور : إيه من دون مقابل و فوقهم بانادول مجاناً .. بس بشرط إني لما أعطيك الـ 10 ريالات و البانادول تخرج
رد و قال : طيب طيب على هالخشم
إلا و اليوم الثاني و يجي " بعض " التجار السعوديين و صافين طابور يبون هالدكتور الكريم و الطيب اللي كله رحمة و إنسانية
و الدكتور مشغول عنده مراجعين كثير و محتاجين للعلاج و الدواء و مسنين كبار في السن ... إلخ لما جاته الممرضه و خبرته عصب الدكتور و قال : وش هذول اللي ما يستحون على وجههم أكيد يبون الـ 10 ريالات و الباندول مادروا إنها من طيب خاطر من عندي إمممم لكن أنا راح أوريهم شغلهم ..
خرج الدكتور و اعتذر من المراجعين " دقيقتين و راجع "
ها وش عندكم ؟ وش تبون ؟
حنا مرضانين و تعبانين و نبغى الـ 10 ريالات و الباندول !!!!
أقول لا يكثر هرجكم ولا تتميلحون علي تبون فلوس و بانادول و إنتم بطونكم بتنفجر من كثرت الفلوس حسبي الله عليكم يا سامجين ... ترى اللي يتميلح بعد كذا منكم حنا بناخذ منه 10 ريالات و فتح ملف بـ 5 ريال و صرف أدوية بـ 20 ريال
ردو و قالوا : لا لا لا لا لا نموت أحسن لنا
رد عليه خويه : يا غبي نموت ؟ وش نموت ؟ !! يا أهبل أقول ما لها غير الكوي بلا مستشفى بلا كلام فاضي ما منها غير الخساير و الخدمات التعبانه !!!
رد عليهم الثالث : يا مساكين أنا عندي واسطه و أعرف كيف أجيب الـ 10 ريالات و الباندول
قال لهم الدكتور : أقول لا بارك الله فيكم أخرجوا كل شيء رفعتو سعره و بعد تدورون الـ 10 ريالات أخرجوا ولا راح أخبر المرضى عندي و أقولهم ترى منتجاتكم خايسه مثلكم ولا تشترونها و هي اللي تمرضكم و هي السبب في وجعكم و تعبكم
قالوا له : لا لا لا لا خلاص توبه تووووبه ما عاد نستهبل عليك ولا نتميلح عليك العذر و السموحة و بعضهم قال : خلاص " معليش و حقك علينا " << الأخ من جــ
و خرجوا
مدري هي نكته ولا قصة << خخخخخ
سبحانك اللهم و بحمدك أشهد أن لا إله إلا أنت أستغفرك و أتوب إليك