السلام عليكم

حبيت أعرض عليكم فكرتي في مشروع ( محل خضار وفواكه )

والفكرة هي :

أستأجر محل فتحتين على شارع تجاري مزدحم ومعروف ,

اقوم انا بترتيب المحل من جميع النواحي كشراء الثلاجات وتفصيل الرفوف وتركيب الاضاءة وطبع منشورات للمحل وتوزيعها على كل منزل وشقة وكل محل مجاور لي , وادفع اجار المحل لست شهور والبضاعه انا بجيبها بما يقارب 4 الاف ريال فاكهة وخضار وورقيات وتمور الاخلاص والسكري كراتين من اجود انواع التمور

لكن ( بوكل فيه اشخاص يمنيه بشرط يعطوني يومياً 1000 ريال , ولايبدأ يعطيني المبلغ الا بعد 3 اسابيع ) بمعنى اني انا مالي دخل بالمحل لامن اجار ولا بضاعه ولا فواتير , هم عليهم كل شي بس اللهم لي يومياً 1000 ريال اجيه كل يوم بعد صلاة عشاء وآخذها منه .

السؤال هنا / هل هذا السعر اللي باخذه منهم يومياً الـ1000 ريال معقول وسعر جيد , ؟؟ لاني والله متوقع يدخلون يومياً اكثر من هالمبلغ بس ماابي اطمع زيادة والطمع شين , 1000 ريال يكفي لكن مدري عن مشورتكم عطوني رايكم ,
وهل طريقة تحديد موعد استلام المبلغ جيد ومناسب ؟ الامر الاخر كيف اضمن هالاشخاص ؟ وهل هم على كفالتي ؟ ام اني اجيبهم من الشارع ومن محلات خضار او من سوق العزيزيه اتفق معهم على هالطريقة بشرط اخذ جواز السفر واقامتهم عندي ( الاصل ) ؟

بكل اختصار ابي شخص يعطيني فكرة كاملة عن هذه الطريقة وكيفية التعامل معها مع هؤلاء الاشخاص ( تكلفة المشروع لايهم ماعليكم منها الامور الحمدلله متيسرة )