السلام عليكم ورحمة الله وبركاته
اخواني انا احد رواد المنتدى هذا المنتدى الشامخ واتشرف بذالك كنت مجرد زائر ولم اسجل فيه كعضو من حوالي سنتين تقريبا شاهدت افكار وعايشت قصص نجاح وقصص فشل كانت قصص النجاح تعطيني دافع وقصص الفشل تجعلني اتردد في اقبالي على اي مشروع ولاكن لو تلاحظون ان قصص النجاح تغلب على قصص الفشل وهذا مازاد من عزيمتي قررت اني ادخل في مجال توزيع الكماليات بلاستيكات منضفات وغيرها طبعا استفدت من موضوع تجمع اماكن الجمله المثبت كثيرا المهم اشتريت سياره بكب وكلفتني تقريبا 25 الف ريال وركبت فيها صندقه حديد كلفتني 1500 ريال وضبطتها ورحت شريت كماليات من شارع السويلم وبلاستيكيات من المحلات الي جمب الصناعيه القديمه بقيمة سبعة الاف ريال وشواحن جوالات من عمائر الراجحي وقلت بسم الله نتوكل على الله نوزع على البقالات بمكاسب بسيطه والرزق بيد رب العالمين قمت الفجر نشيط ورحت للمحلات لا اتفاجئ اني اشتغل بغير ديرتي طلعت انا كائن منبوذ غير مرغوب فيه ابدا البقالات اذا شافوني سعودي صدو عني ابيع لهم الكرتون بمكسب ريال او نص مو راضين يشترون مني لاني دخيل عليهم اكتشفت حتى لو ابيع عليهم بخساره ماراح يشترون مني كل واحد يشتري من نفس جنسيته ماعدا اليماني ما يعترف بشي اسمه مندوب هو بنفسه يشتري الحاجه من محلات الجمله ويخزنها عنده بمستودع قلت يمكن انا وسط الرياض والمنافسه شرسه بالمكان هذا لعلي ابيع خارج نطاق المدينه ابيع بالقرى والمحطات الي تكون على الطرق وانصدم مره ثانيه انه نفس الوضع مافي امل يشترون مني وانا سعودي والمصيبه ان ما يكسبهم الا السعودي ولا قام شغلهم الا على الله ثم على المستهلك السعودي ومع ذالك حسيت انهم ما عندهم استعداد يعاونون معي قلت راحت خساره نغير المشروع حبيت ابيع بضاعتي لو بنص قيمتها رفضو يشترون مني ابي الخلاص ما قدرت رحت وخزنت بضاعتي عندي بالبيت وبعت السياره وبعدها جاء نقلي للقصيم قلت مثل ماهم يكسبون على الله ثم على المستهلك السعودي ليش ما اتوكل على الله وانا اقاسمهم برزقهم والسوق يشيل لقيت محل مناسب يتكون من فتحتين حسيت ان موقعه استراتيجي من جد جيت للراعيه قال لي هذا مستأجره راعي تاشيرات تنتضر ست شهور قلت ماعندك مشكله بضاعتي ماعليها خوف مخزنها بشكل صحيح ومنتظر افراغ المحل يوم خلص المحل عطيت الرجال فلوسه فتحتين ب15الف ريال وقلت توكلنا على الله طبعا العامل ماعندي عامل ووكلت امري لله كان راس مالي بحدود الخمسين الف ريال وحواليها كنت احاول اوفر قدر المستطاع واجيب اقل الاسعار بالسوق حتى الرفوف ماركبت رفوف السوبر ماركت ركبت رفوف اقل سعر وشكلها مش ولا بد بس ماشي على المثل مد رجولك على قد لحافك و ركبت دواليب خشب طبعا غثيت المناجر وانا اقارن بين اسعارهم لين طحت في اقل عرض وجبت طاولات حديد من الرياض من حراج ابن قاسم المهم شغلي كله شغل مش حالك لين الله ييسر الامور الي دفعته قبل اجيب البضاعه بحدود العشرين الف ريال مابين اجار وتأثيث ولوحه وخلافه باقي معي بحدود الثلاثين الف هذي للبضاعه من غير بضاعتي الي مخزنها عندي بالبيت رحت للرياض وجبت لي اواني منزليه والعاب واكسسورات نسائيه من ومنضفات وبلاستيكات كل نوع درزن او حتى نص درزن حاولت اشري كميات قليله من كل شي لاني اعاني من شح السيوله طبعا اخذت ارقام اغلب الي شريت منهم من الرياض علشان اذا احتجت شي يرسلونه لي عن طريق زاجل صففت بضاعتي وجبت لي بنقالي يشتغل الصبح في مدرسه وفراش في مسجد ومن بعد العصر فاضي واشتغلنا والحمدلله من اول يوم حسيت ان الوضع ممتاز ويالله معي ورقه وقلم وكل ماجاء زبون يبي شي موموجود عندي سجلته وجبته من السوق وبقيت على الحال هذا للمدة شهرين لين شفت ان طلبات الزباين مع الوقت تكتمل طبعا الزبون اذا طلب شي ابلغه انه اذا جاني بكرى راح يلقى طلبه وهكذا وبعدها كونت راس مال كويس ركبت رفوف سوبر ماركت لان المحل بدى يضيق بالبضاعه كل يوم اجيب بضاعه من قيمة البيع ومع الوقت بدت تتكون عندي بضاعه والزبون اذا جاني يلقى حاجته وقدمت على سائق هندي واجاني الهندي لاني ما افتح الصبح افتح بعد صلاة العصر طبعا الهندي توه جاي وابي اعلمه شوي اللغه العربيه الحين لي تقريبا ست شهور ويبي يحل الاجار بعد كم يوم بجمب المحل فتحه فاضيه ابي استأجرها اخليها مستودع والحمدلله والشكر دخلي الشهري مايقل عن عشرين الف ريال يصفى لي ارباح منها بحدود السبعة الالف ريال وكلها اخليها للتطوير المحل يعني لي ست شهور مادخل جيبي ريال واحد من المحل تقريبا جالس اكد على نفسي من راتبي بالوظيفه بس حتى راتبي ماسلم بعض الاحيان اصرفه كمله للمحل وامشي اموري وامور عيالي بشي بسيط طبعا انا اتذكر كلام الاستاذ دماغ يوم يقول المال ككتلة جليد يكبر مع الوقت والله ان هذا الي صار معي اول مابديت كانت البضاعه الي عندي بحدود الاربعين الف ريال الحين فواتيري بحدود الميه وثلاثين الف ريال وهذا كله بفضل رب العالمين طبعا ان شاء الله ماراح اوقف عند الحد هذا راح اطور من محلي بكل ما اوتيت من قوه انا كتبت موضوعي هنا كا امتنان للموقع الشامخ هذا لانه من احد اهم الاسباب للقيامي بهذا المشروع وكرد للجميل اذكر تجربتي هنا لكي يستفيد منها اي شخص مقبل على عمل حر واي استفسار انا حاضر ادري اني ما اعرف اشرح لاكن الي في بالي قلته