اقتباس:
المشاركة الأصلية كتبت بواسطة وضح النقى
ببسي بعتبرك مثل اخوي وبنصحك لوجه الله انا متابعه موضوعك الاول انت مشكلتك حاط وظايف براسك ياهي يا لا وذا غلط الواحد مو على طول بيصير مدير ادري ان الاجنبي ماكل الجو بس انت لاتصير انهزامي السلم ترقاه حبه حبه اول شي اقبل بوظيفه لو راتبها قليل مو مشكله خذ خبره منهم مش امورك بنده حاطه وظايف بائعين ومندوبين وسائقين نقل الراتب ب 4000 ريال قدم عليهم اليوم بائع بكره لاشافوك رجال صامل ومجتهد بشغلك رقوك مشرف عط نفسك فرصه وجرب لاتجلس وتقول لامابي انا ببلد النفط والاجنبي كيت وكيت ! هالامور كلنا نعرفها والواحد شبع منها بس الشكوى لله ماتبي قطاع خاص قدم عسكريه
اما موضوع البعثه ما انصحك فيه المكاتب تاخذ الالاف بس عشان تجيب قبولات سو بحث وشوف المبالغ ويبي لك سنه عشان تاخذ لغه والدراسه 4 سنوات سيارتك ماراح تغطي التكاليف وانت تضمن انك تنجح وتعدي؟ خوفك تروح وترجع وتخسر فلوسك انا مابي احطمك بس الدعوه ماهيب طنت براسي وابي اسافر ادرس بكالوريوس
واذا ماتبي وظايف القطاع الخاص وراسك يابس ليش ماتبيع سيارتك وتفكر لك بمشروع صغير؟
او توصل مشاوير؟ او تكد بسيارتك يعني تشتغل شي لحسابك
هالكلام لمصلحتك واعتقد الاغلبيه يوافقوني الرأي انت حاط لنفسك حدود مالها داعي يمكن عشان البرستيج والناس وش تقول عني بس ترى هالناس بيتكلمون فيك بكل الاحوال ومحد نافعك غير نفسك اشتغل واصرف على نفسك ولاعليك من احد رجال وشال عمره والله يوفقك بالوظيفه اللي تكيف راسك
|
كلامك سليم بس تتوقع الطفس الي يعطونك اياة بعد هالكرف كلة تستاهل انك ترقاء هالسلم الي تقولة
انت خابر ان وظايف الشركات لسعودي صايرة بين سكرتي ولا معقب ولا كاشير وين هالسلم الي تبي ترقاة بس
وانا عندي تحيز كبير على شغلة المعقب وخاصة الي يخلص اجرات الاجانب انا ما ايد احد يشتغل هالشغلة لن الاجنبي يتسدح تحت المكيف وانت يامواطن رنتك الشمس لما تطيح على وجهك كل ذا على شان تخلص اوارق المتشرد الاجنبي ونهايت التعب ذا كلة راتبك مايجي ربع راتب الاجنبي وين العدل باله عليك
حنا نحتاج انقاص عدد الاجانب الى اكثر من النصف واتمنى اننا نمنع اصحاب الجنسيات العرب من الشغل بها الديرة بالطريقة ذي تنحل مشكلة البطالة للابد بس مااعتقد يبي ينحل شي مادام ابوفقية موجود بوزارة العمل والله كل ماشفت وجة اقول لارحم ابو هالوجة على هالشنب صاير تقل شكت دجاجة :@:@