السلام عليكم ورحة الله

أولا حابه أعطيكم نبذه عني عشان تفهمون التحدي اللي أواجهه (أكره كلمة مشكلة ودايم استبدلها بكلمة تحدي)

أنا معي دبلوم معهد الإدارة وحاليا أدرس بكالوريس بزنس

أنا وأعوذ بالله من كلمة أنا موظفة بمستشفى ومشهود لي بالأخلاق والخير والكددددد والاخلاص في العمل ولله الحمد والمنه, طبعا توظفت بالمستشفى يعني قبلوني لأن لغتي الانقليزية ممتازة وليس لأجل شهادتي,,

الكل منبهر من عملي واخلاصي وذكائي واني انسانه احب اطور نفسي وماالتزم بالوصف الوظيفي أحاول أسوي أعلى منه بكثيررررر

طبعا هالشي فادني شخصيا من ناحية تطوير نفسي لكن ضرني من ناحية الاستغلال

الكل بدا يستغلني ويوعدوني وعود كاذبة بالترقية

مو هنا المشكلة, لأن باقي لي سنة وأجيب الشهادة وادعس عليهم ان شاءالله واصلا تهمني دعاوي المرضى أكثر شي,,

المشكلة في انه وحدة توظفت معي بالبدايه مسكينه ماتعرف شي اصلا شلون توظفت مادري المهم هذا رزقها وانا اشتغلت عليها وطورتها المهم بيوم من الايام جت المريضة تهددني وتقول بدخلك السجن ومن هالكلام ليش تتكلمين علي وانا الحمدلله بطبعي مستحيل اتكلم في احد مهما صار,, من سياق كلامها اكتشفت انها تحسدني والحسد خلال 3 سنوات ولد عندها الحقد, لانها قالت لي انتي الكل يثق فيك ويحبك وانتي ذكية ولغتك ممتازة وانا مهمشة..

أنا أخذتها ع قد عقلها لكنها استمرت تحاول تآذيني وتضايقني تخيلوا حضرتها في جميع موافع التواصل الاجتمعاي مع ذلك كانت تدخل علي بحسابات وهمية وش تبي مادري

المهم انا تكلمت مع شؤون الموظفين لكن للأسف مافادوني

والان فقط ادعي ربي واقرا اذكاري واتحسب عليها

طبعا انا طلعت من العيادة الي هي فيه بس مو عشانها تخسى بس عشان المديرة الي كانت واعدتني ترقيني استقالت وسحبت علي

ولكننا لسا في نفس القسم مع بعض

وش رايكم ؟