السلام عليكم ورحة الله

أولا حابه أعطيكم نبذه عني عشان تفهمون التحدي اللي أواجهه (أكره كلمة مشكلة ودايم استبدلها بكلمة تحدي)

أنا معي دبلوم معهد الإدارة وحاليا أدرس بكالوريس بزنس

أنا وأعوذ بالله من كلمة أنا موظفة بمستشفى ومشهود لي بالأخلاق والخير والكددددد والاخلاص في العمل ولله الحمد والمنه, طبعا توظفت بالمستشفى يعني قبلوني لأن لغتي الانقليزية ممتازة وليس لأجل شهادتي,,

الكل منبهر من عملي واخلاصي وذكائي واني انسانه احب اطور نفسي وماالتزم بالوصف الوظيفي أحاول أسوي أعلى منه بكثيررررر

طبعا هالشي فادني شخصيا من ناحية تطوير نفسي لكن ضرني من ناحية الاستغلال

الكل بدا يستغلني ويوعدوني وعود كاذبة بالترقية

مو هنا المشكلة, لأن باقي لي سنة وأجيب الشهادة وادعس عليهم ان شاءالله واصلا تهمني دعاوي المرضى أكثر شي,,

المشكلة في انه وحدة توظفت معي بالبدايه مسكينه ماتعرف شي اصلا شلون توظفت مادري المهم هذا رزقها وانا اشتغلت عليها وطورتها المهم بيوم من الايام جت المريضة تهددني وتقول بدخلك السجن ومن هالكلام ليش تتكلمين علي وانا الحمدلله بطبعي مستحيل اتكلم في احد مهما صار,, من سياق كلامها اكتشفت انها تحسدني والحسد خلال 3 سنوات ولد عندها الحقد, لانها قالت لي انتي الكل يثق فيك ويحبك وانتي ذكية ولغتك ممتازة وانا مهمشة..

أنا أخذتها ع قد عقلها لكنها استمرت تحاول تآذيني وتضايقني تخيلوا حضرتها في جميع موافع التواصل الاجتمعاي مع ذلك كانت تدخل علي بحسابات وهمية وش تبي مادري

المهم انا تكلمت مع شؤون الموظفين لكن للأسف مافادوني

والان فقط ادعي ربي واقرا اذكاري واتحسب عليها

طبعا انا طلعت من العيادة الي هي فيه بس مو عشانها تخسى بس عشان المديرة الي كانت واعدتني ترقيني استقالت وسحبت علي

ولكننا لسا في نفس القسم مع بعض

وش رايكم ؟

حصني نفسك وما عليك فيها كانها مو موجوده وخليك حذره شووي

معتدة بنفسك كثير
تقولي الكل يشهد لك بذكائك وبنفس الوقت تناقضي كلامك
وتقولي اخلص شهادتي وادعس عليهم
وبنفس الوقت توظفتي ما تعرفي شيء واكيد موظف علمك
لا تتبعوا صدقاتكم بالمن ان كان تعليمك لها فهذي مهمه اوكلتي بها
كلنا نتوظف ولا نعرف أسلوب العمل بس نتعلم
انا انصحك وان كان اسلوبي سيئ فسامحيني
كيف عرفتي من سياق حديثها انها تحسدك ؟
وليه ما سئلتيها من اللي وصل لك الكلام والاتهام
عموما ان كانت تحاول تضرك بالكلام فصدقيني ما يضر السحاب نبح الكلاب

[FONT="Arial Black"][SIZE="5"][CENTER][FONT="Arial Black"][SIZE="5"]السلام عليكم ورحمة الله وبركاته

معك حق وفيه مثل يقول اتق شر من احسنت اليه.... انا صاير لي مشاكل بالعمل بنفس السبب حقد وحسد ...حاولي تتفادين المشكلة ... ويبدو البنت فيها مشكلة نفسية ...انتبهي. واحرصي على نفسك.. وانتي شغالة بأي مستشفى؟ .. واتبعي الإجراءات لتقديم الشكوى؟؟ وإذا حاولت تتحرش فيك كلاميا .. وخلك قوية وإذا محتاجة شي بلغيني..

شكرا لكل اللي ردوا علي ,,

أولا: أنا ماناقضت نفسي ,, قلت بدعس عليهم لأني راح أتوظف ع شهادتي بإذن الله مو فقط ع لغتي وللأسف عندنا استغلال بشع, ولافيه أحد يساعدك يعني مثلا شافك موظف شاطر ويرقيك ,, أبدا

ثانيا: أنا ما أمن عليها بس انصدمت منها كوني ساعدتها وتعبت عشانها وغطيت عنها لما راحت تدرس دوره, طبعا أكيد سألتها وقالت لي ورحت حاسبت الي كذبت عليها ولكن هي غبيه صدقت وسمعت من طرف واحد

ثالثا: هي بنفسها قالت لي انتي شاطره والكل يثق فيك وشغلك زين ولغتك ممتازة وانا مهمشة !!

هذا وش يعني ؟

أخيرا: أنا الحمدلله شاطرة في الاملاء وهذي اخطاء سرعة لأني اكتب بسرعة ماعندي وقت أراجع اللي كتبته

وشكرا والله يكفينا شر كل من به شر يارب

بالتوفيق وشدي حيلك اخت معاناة موظفة

ترويض مثل هالعينات واجب وطبيعي انك تجد في عملك مثل هالاشكال تعطينه ع راسه ويكون في حدود بالتعامل يمشي صح

طبعا انت ودك يكون تعاملك مع الجميع راقي لكن البعض كذا متعود ع الاهانه او نفسيه حقود مثل زميلتك

ولا عليك من بعض الردود تعجبني ثقتك في نفسك وبالتوفيق

اولا من اسم يوزرك يتضح لي انك مضخمه الموضوع
اللي عليك تأدين عملك على اكمل وجه وايضا تجاهلي كل سفيه وراح تمشي امورك , التجاهل افضل رد , فكيف لو كان تجاهل وانجاز بتدقين خشومهم ههههههه
المهم بالتوفيق

مدري ليش جاني شعور اني دخلت منتدي عالم حواء

ومشكلة بين الطباين فلانة حقودة فلانة ماتحبني طبينتي تبي تسحرني

يابنتي مشكلتك ذي سمعتها عشرات المرات
سوي شغلك واضربي الباب منتي جاية تحبي وتحببي احد فيك وخصوصا انك الافضل والاجمل والاذكي واحسن كل شي بالدينا

ابعلق على جزئيه بس بموضوعك

انتبهي من الرؤساء الاستغلاليين اللي يوعدك ويوعدك عشان تكون عنده عبد ذليل وآخر شيء ماتلقى منه الا الجحود والنكران
هذولا من بدري لاتضيعي وقتك معهم وسوي شغلك وقوليلهم مع السلامه