والله اني اعاني من نفس المشكله مو عشان نفسي لكن عشان الضعوف الل اقل منا حال وسبق نزلت نفس موضوعك فمنتدى اخر وانهالت علي ردود سب وشتم واني حاسده وحقوده وهذي اموال دوله ووش دخلك وانا يشهد الله اني تكلمت من غبنه وقهر واكل مال حرام عندي ثنتين فالعايله تزوجو وماخلو ازواجهم يضيفونهم عشان الضمان رغم انهم والله العظيم ماهم فحاجته وطلعو صكوك اعاله بالحيله والكذب رغم ان كثير بحاجة صك الاعاله ورفضتهم المحاكم ومازالوو يعانون وقريباتي هذول وحده عيالها عايشين عند ابوهم ويصرف عليهم والثانيه عيالها عند اهلها ومصروفهم ينزل شهريا من ابوهم ومع ذلك شهدو كذب فالمحاكم وطلعو صك اعاله عشان تكون الفايده اكبر من الضمان وحده جمعتها مع المقطوعه وسافرت تركيا والثانيه فاجهزه وجوالات وخرابيط حتى الجمعيه مسجلين فيها هم وعيالهم ويجيهم كل شهرين حول الفين وخمس ميه هذا طبعا نظام المحافظات بس الرياض مافيه شي ثابت وتخيلو حتى اول ماطلع التسجيل فالاسكان اول من سجل هم يعني ورب البيت شي يغبن انا سجلت بجمعية الرياض وللحين ماشفت حتى كيس رز وشفت حريم كبار سن فالجمعيه حالتهم اردى من حالتي وتذكرت قريباتي ذولي اللي يلعبون باموال الزكات بدون وجه حق وفيه كثير انشالو من الضمان بدون سبب وهم ماعندهم مدخول غيره المفروض يكون فيه نظام انوو اللي يتزوج لازم يضيف زوجته ويتصدق فالمحكمه يعني مو معقول التسيب اللي صاير انا لما رحت للجمعيه قلت ساعدوني لو بربع الاجار او تاثيث او اي شي قالو مافيه من قال انو نسدد اجار واصلا ماعندنا شي ثابت على حسب الموجود قلت طيب لو مواد غذاءيه قالو ماهي متوفره