السلام عليكم ورحمة الله وبركاته
اخواني واخواتي اعضاء المنتدى / كل عام وأنتم بخير
وأرجوا أن أجد أجابة على أستفساري.
اولاً انا موظف في شركة سمامة للتشغيل والادارة مشغله في مستشفى حكومي تابع لوزارة الصحة
موظف تقريبا لي سنه وراتبي 2700 ريال
ولكن تفاجأت قبل اسبوع فتحت المستخلص الذي يرفع الى وزارة الصحة بشأن العمال والموظفين وقطع الغيار والادوات الطبية/ ولاحظت أن راتبي في المستخلص غير عن اللي استلمه شهرياً
حيث ان راتبي اللي في المستخلص مبلغ وقدره ( 5200 ريال ) ولكن اللي ينزل لي بالصرافة شهرياً ( 2700 ريال )
وعند سؤالي لمدير المشروع عن سبب الأختلاف اجاب ( مو مهم المستخلص )؟؟؟؟
كيف مو مهم ؟ والمستخلص يرفع لمقام الوزارة لصرف المبالغ على حسب العقد المبرم بين الوزارة والشركة المشغلة؟
هل هناك تلاعب بالعقد ؟ او كيف الوضع .. وربي محتار يا جماعة الخير
وفوق هذا كله الرواتب عندنا تتأخر ونعاني والله، تخيلو الى الأن ما استلمت راتبي من الشهر اللي فات ( شهر 5 مايو والان أحنا شهر 6 يونيو ) ولا استلمنا ريال شهرين ما اخذنا راتب
ودائماً التأخير موجود في صرف رواتبنا .. كم مره اشتكينا لوزارة العمل : ولكن لا حياة لمن تنادي!!
حسبي الله ونعم الوكيل
ارجوا ممن لديه أجابه على استفساري يرد.
وكل عام وانتم بخير.